"Perkara minyak ka investor asing? hehehehe .... sakapeung mah kuring oge sok sedih. Leutak Lapindo ngaburial akibat dieksplorasi minyak ku pausahaan investor dalam negeri. Naha nya ari eksplorasi ku pausahaan asing mah, asa teu kadenge aya kajadian luar biasa model kieu? Cik punten ah pangjawabkeun ....."
walah.. jadi daria yeuh.. ngacapruk deui ah.... salah sahiji kakuatan nu kacida gedena pikeun ngabentuk opini nyaeta 'media massa', boh koran atawa tipi. anu disorot masalah lapindo, tapi freeport tibaheula tiis wae, sakitu mang amien hohoak ti belasan taun katukang tepi ka nagri deungeun, alhamdulillah geuning ku tipi jeung koran lokal mah teu ieuh diekspos.. sabaraha nagara kacolongan, sabaraha warga papua nu dirugikeun, teu ieuh aya nu malire. Atawa pedah freeport lain di Jawa? jadi dianggapna teu 'luar biasa', biase aje tuh... Lain kuring melaan lapindo, malah ijid pisan ka pingpinanana nu teu tanggung jawab, komo deui tepi ka dibeking ku pangawasa.. duka upami anjeunna oge ngiringan mah.. hutang budi panginten.. Ngan lamun rek ngamasalahkeun kualitas urang endonesya, naha geuning urang kalahka pesimis? karunya atuh akang2 & teteh2 nu palalinter tepi ka teu dipercaya ku nagara sorangan, gara2 lapindo??? deudeuh, eta meureun alesan lolobana nu palalinter ti nagri urang leuwih percaya jeung leuwih dipercaya ku nagri deungeun (cenah aya 150 urang Geoscience & insinyur indonesia gawe di Kuala Lumpur, di Petronas loba GE urang Indonesia, acan di nagara2 lian samodel di timur tengah.. urang kusnet ge aya meureun). Jadi sabenerna mah urang indonesia ge palalinter, tinggal 'kapercayaan' ti pamarentah (da maranehna ge embung ari digajih leutik mah..). Masalah dana? Urang teu percaya lamun nagara teu boga duit! buktina di lampung wae geus rek aya penerimaan PNS tepi ka 2000-an urang nu diusulkeun ka depdagri, acan di propinsi lianna. Padahal nu katempo ku kuring di kantor pamarentahan mah lolobana 'ngalanggur', kaasup di departemen tenaga kerja sorangan pagaweanana teh lolobana 'survey' ka unggal kantor, nanya2 UMP, wajib lapor, jsb. nu ahir2na menta 'uang jalan'. Geuleuh! PNS rek ditambahan deui, berarti loba duit meureun tah nagara teh.. sabaraha tah waragadna keur ngagajih PNS wungkul? Atawa duit nagara mah hususon keur mayar aparat nagara? Sabaraha anggaran APBN keur mayar gajih PNS sataun? Sareng deui, sanes lapindo wungkul anu digarap ku urang indonesia (swasta), sateuacanna Blok Cepu oge kantos dieksplorasi ku HUMPUSS (sanajan 'kroni'-na pangawasa, tapi sakedikna 'bangga' aya budak nagri sorangan nu wani eksplorasi). Nanging kujalaran nasibna teu siga lapindo, ahirna ieu lahan dilirik ku nagri deungeun, ujug2 jadi PSC (Production Sharing Contract).. tug dugi ka ayeuna dugi ka diperpanjang, angger dikeukeuweuk ku nagri deungeun.. damang? padahal mah nu namina PSC, di ahir kontrak kedahna dipasihkeun ka 'host'-na, indonesia, naha bet malah diperpanjang? lieur. Jigana mah lamun lapindo teu kabelejog ku leutak, nasibna oge teu tebih jeung cepu.. Hubunganana jeung Amerika? mangga we pilari.. Sumuhun, produk amerika pabalatak di dieu, ti mimiti sabun, odol, dugi ka operating system, sadayana ti amrik. Nyaeta totonden penjajahan ekonomina berhasil. Cenah pagawena ge ti urang2 keneh, nya puguh atuh.. ti jaman dijajah walanda oge nu jadi buruh mah tetep we urang... saha jaman harita nu embung gawe ka walanda? da lamun di jajah ku portugis ge meureun nu pabalatak nya pausahaan portugis. Kitu deui lamun dijajah ku garut.. heuheu.. Pesimis ka pamingpin? puguh, da urang mah teu miluan milih.. hehehe.. Bade teu pesimis kumaha, pami anjeunna speaks of America in glowing terms. "I love the United States, with all its faults. I consider it my second country." Sumberna ti International Herald Tribune, piraku bohong mah.. tapi moal aya di media lokal mah.. biasa.. Jadi rek salah kumaha oge, tetep love the united states.. nya juragan? Ah.. namina ge ngacapruk! iwan love the US (urang sunda)
