Tadinamah abdi gaduh kahoyong ngadegkeun pabukon di Cikareo (sanes Cireo, boa-boa teu dugi Mang? Lepat nyeratna) kangge "cocoan" pangsiun engke. Nanging hanjakal teu aya nu kersaeun di lembur *da, maklum teu aya nu ngengingkeun urang lembur janten bumina bade diical, tos seueuer nu nawis mah urang Wado keneh nu bade kaeleb ku Jatigede.
Sakali deui, haturnuhun pisan Mang, mugia kasaean Emang & Teteh ditampi ku Allah SWT. Amin. Sareng tiasa nambihan elmu pangaweruh kangge barudak SDN Cikareo I. Da, kamari teh diantos-antos ku Pak Iyus saurna,"Tos nyeri beuheung sosonggeteun ngantosan buku ti Teh Roro". Ari saur abdi teh,"Ih, sanes ti abdi Pak, ieu mah kagegelan ti Urang Sunda nu aya di Internet". ro2 >>> [EMAIL PROTECTED] 07/11/07 01:03PM >>> Kamari sakardus buku dikintun ka SDN Cireo I Wado Sumedang. Ti kantor pos maskumambang-martanegara bubat. Minangka katineung oge katresna/kanyaah kusnet khususna ceu Roro Rohmah oge urang Wado sanesna ka barudak nu sakola di SD eta.
