Malagina Nangtung dina Malagina Agni Malagina diterjemahkeun ku Kang Mumu (deui..hehe) Malagina nu ieu teh kapanggih tanggal 12 Juni 2007. Perenahna di sisi wahangan Ciapus, Lembur Kemang, Sindangbarang....Dina Malagina si kuring nangtung. Malagina nangtung dina punden Malagina. Tempat nu ku si kuring ditincak waktu harita kungsi dijadikeun tempat sakral. Ditaksir kungsi aya kagiatan kaagamaan nu maneuh tur mayeng di sabudeureun daerah Sindangbarang dina abad ka-14-15. Salah sahiji punden titinggal karuhun baheula teh nya eta punden nu ayeuna dibere ngaran si kuring, Malagina. Hahaha...ngaran Malagina teh diabadikeun pikeun nyebut hiji situs batu ¡¦temu gelang¡¦ nu kapanggih ku si kuring. Dina tanggal 13 Juni 2007 isuk-isuk, si kuring nuduhkeun eta tempat. Pa Agus Aris Munandar spontan mere ngaran Malagina kana eta situs...¡§Malagina wae, lamun dibere ngaran Agni mah engke jadi ngaran nu aya hubungan jeung Hindu.¡¨ Si kuring ngan ukur imut. Eta punden teh ngaranna Malagina...Sakedapan si kuring nangtung di tengah batu ¡¦temu gelang¡¦ nu ngalingkung kuring. Si kuring neuteup...ngararasakeun...angin....sora angin nu nebak ceuli. Angin datang nebak tangkal, dahan, jeung daun nu nutupan eta situs. Aya sora cai ngamalir di sela-sela batu di handap...di wahangan Ciapus. Punden Malagina teh teu sagede punden Majusi atawa punden Surawisesa atawa punden Pasir Eurih. Diameterna ngan 3 meter. Undakanana 3. Eta punden teh punden munggaran nu kapanggih ku si kuring...jeung dibere ¡¦ngaran tukang¡¦ si kuring. Si kuring mikir...hebat pisan euy....ngaran Malagina aya di sisi wahangan. Nyumput. Kungsi oge jadi tempat ritus kaagamaan Sunda Kuna. Basa keur sorangan ku sabab ditinggalkeun Pa Agus nu turun ka wahangan Ciapus, si kuring masih cicing jeung mikir, baheula, urang Sunda jaman baheula neangan Pangeran teh nepi ka ieu tempat. Mere sesembahan ka karuhun jeung Hyang di ieu tempat. Neangan Hyang, Pangeranana dina wujud nu maha sampurna. Asli nu saasli-aslina. Jujur nu sajujur-jujurna. Si kuring ngarasakeun alam nu sabenerna. Aya angin jeung matapoe nu karasa newek dina kasingkuran. Aya cai jeung batu nu neureuy jemplingna eta isuk. Mungkin oge aya ceurik jeung gerendeng nu teu kakedalkeun dina mangsa kaliwat ka eta batu-batu nu lumutan teh. Implengan si kuring ulin dina montase-montase sewang-sewangan dina pikiran. Naha mungkin jaman baheula jelema-jelema nu datang ka eta tempat mawa sesembahan kalawan tujuan muja-muji karuhun jeung Sang Hyang Taya? Tangtu gede pisan pangorbanan maranehna tug nepi ka ieu tempat teh. Sakitu jauhna lalampahan neangan Pangeran...Si kuring masing nangtung. Ngabedega. Neuteup batu-batu gede nu patingsolengkrah di sabudeureun si kuring. Di dieu...di dieu kungsi aya pamujaan. Pamujaan ka karuhun jeung Hyang. Hyang nu ngawujud dina Guriang Tujuh. Tujuh batu nu ngurilingan si kuring....angka tujuh...misterius. Lalampahan neang Pangeran nepi ka suku Gunung Salak. Nyieun punden jeung ¡¦batu temu gelang¡¦. Si kuring ngabayangkeun, si kuring nu jarah datang ka eta punden...duka naon ngaranna baheula. Naha mungkin baheula aya jalma nu nangtung tegep di tempat ayeuna si kuring nangtung? Bari neuteup batu nu sarua, nempo wahangan nu sarua, nenjo tangkal nu sarua, jeung ngadenge sora angin nu sarua? Naha mungkin manehna baheula oge mikir hal nu sarua? Mikirkeun Pangeran jeung karuhunna? Naha mungkin manehna oge mikir: di mana Pangeran teh? Naha Pangeran uninga yen kuring geus leungit rupa jeung meh binasa? Jeung si kuring aya di dieu manggihan Pangeran kuring, dina wangunna nu asli jeung jujur. Jeung si kuring teu bisa ingkah balilahan ti Pangeran kuring... Implengan si kuring eureun. Reg. Inget kana tulisan Pa Agus Aris ngeunaan panalungtikan awal situs Sindangbarang. Karuhun jeung Hyang nu disebut-sebut teh dihurmat pisan ku masarakat Sunda kuno mangsa harita. Karuhun, luluhur...jadi matak mikir ka diri si kuring basa ngalengkah ninggalkeun punden Malagina. Si kuring lahir minangka anak Janda (Jawa-Sunda). Hal ieu nyababkeun si kuring tumanya...getih Sunda nu kapibanda ku si kuring ti mana jolna? Si kuring kungsi nanya ka indung,¡¨Oooh...eta mah eyang nu uninga. Tapi lamun teu salah mah eyang kungsi nyarita yen urang teh turunan ti Pakwan Pajajaran.¡¨ Halah....geuning bisa? Si kuring nanya ka nini, anjeunna ngawaler,¡¨Wah...silsilah kulawarga urang mah panjang. Nepi ka kulawarga Pakwan Pajajaran. Kulawarga urang, contona indung maneh, eta teh ditangtayungan ku karuhun urang.¡¨ Si kuring nanya,¡¨Dina wujud naon?¡¨ Diwalon,¡¨Maung bodas.¡¨ Saheuleutan mah....si kuring teu percaya eta caritaan. Ngan, dak-dumadak, si kuring inget kana salah sahiji situs nu dituliskeun ku Pa Agus dina bukunya, nya eta situs ¡¨Paniisan Meong Bodas¡¨ (tempat harimau putih ngademlah...eta teh simbol salah saurang Raja Pajajaran nu ngundurkeun diri jeung nyucikeun diri). Si kuring mikir deui, naha bener karuhun si kuring nepi ka sajauh kitu asalna? Si kuring jadi panasaran hayang neangan saha si kuring sabenerna jeung ti mana getih Sunda nu ngamalir dina ieu raga kuring. Sakali deui, kawasna mah bener-bener bakal jadi lalampahan panjang pikeun neangan karuhun....kawas Road to Holy Land. Naon nu diteangan ku si kuring jeung sababaraha urang babaturan ngeunaan karuhun teh tangtuna bakal panjang pisan. Ngarasa bagja yen si kuring spk bisa ngamimitian neangan jati diri nu dibaladah ti Sindangbarang. Samemehna si kuring sok ngarasa bingung, ti mana kudu ngamimitian ngabaladah lalampahan neangan jati diri. Dina sababaraha obrolan ngaler-ngidul jeung babaturan, si kuring spk salawasna bingung lamun tumanya....saha atuh si kuring teh? Ti mana si kuring teh asalna? Ti mana ngamimitian neangan ieu masalah nu kawas ¡¦buleudan setan¡¦ nu teu jelas tungtung-puhuna. Meureun sarua jeung ¡¦lingkaran hermeneutik¡¦ nu salawasna bingung neangan tungtung-puhuna hiji tafsiran. Dina ieu buleudan teh meureun teu aya bener-salah...sakabehna absolut? Atawa anomali? Duka teuing...si kuring spk rek neangan...dimimitian ti Sindangbarang.
<embed src="http://images.multiply.com/multiply/horizontal-headshot-badge.swf"; type="application/x- --------------------------------- Got a little couch potato? Check out fun summer activities for kids.
