Paguneman Mang Utas
Elehna Indonesia Salah Sahijina Lantaran ku Wasit
Mang..basa Malem Ahad ningali maen bal teu ?
Puguh atuh Lo, amang mah panghareupna ningalina oge
Ari kitu ningalina di Gelora ?
Huss
lain atuh Lo, timana atuh keur meuli tiketna keur sakieu hararesena duit
teh
Atuh dimana nongtona
?
Ah..biasa we amang mah nongton bareng di Pos Ronda
Duh..kacipta pasesedek atuh nya Mang
Enya..puguhan Lo
eta gelas kopi oge meni racleng kasepak ku Amang
Ari kitu kumaha Mang bisa kasepak kitu ?
Heueuh atuh da Amang teh geregeteun hayang najong wasitna, eta geura wasit
teh meni beurat sabeulah. Abong-abong sa daerah hayoh nyieun kaputusan teh
matak ngarugikeun pamaen urang.
Ohh..geregeteun hayang najong wasit.. sugan teh geregeteun hayang ngiluan
ngasupkeun
Lo..ceunah ceuk beja ti Ketua PSSI mah, wasit teh salila pertandingan eta
geus nyieun kurang leuwih sapuluh kaputusan anu matak ngarugikeun tim Merah
Putih.
Atuh pantes nya Mang mun bobotoh-bobotoh Merah Putih daremo ngadatangan wasit
teh
Heueuh..atuh geus sakuduna urang teh protes, Enya sih urang protes sampe
bebeakan oge moal matak ngarobah poin tilu angka anu dibawa ku barudak gurun,
ngan saeutik gedena bisa ngingetkeun gawe wasit anu kawas kitu patut.
Naon hesena atuhnya nyewa wasit ti luar Asia, kapanan loba wasit-wasit anu
geus kasohor sa alam dunya.
Ah..teuing atuh Lo..da saencana tanding oge ti pihak urang mah geus ngajukeun
kabeuratan, ka Panitia Piala Asia, yen Indonesia embung dipingpin ku Wasit anu
sadaerah, maksudna bisi teu objektif, ngan kitu tea Lo..teu dipalire.
Keun atuh Mang, susuganan ari geus diprotes mah, wasit teh mikir dua kali rek
ngalicikan teh.
Enya Lo..urang ngadua we keur kameunangan Indonesia ngalawan Korea engke.
Rek dimana Mang..nongtona, di Pos Ronda deui atawa rek ka Jakarta ?
Lah..puguh Lo..hayang mah nongton langsung, ngan euweuh seponsor nu hayang
ngongkosan Amang
Geus atuh Mang urang nongtona di Pos Ronda deui, ngan kahade ulah nyepakan
deui gelas cikopi
hehehehhe
Di tulis : ku Kebo Hideung Kawalu Tasikmalaya 16/07/2007
---------------------------------
Real people. Real questions. Real answers. Share what you know.
