Mun enyateh Palataran Pakujajar Sipatahunan rek dibubarkeun, duh, asa sedih
pisan! Ngambang dina ingetan, hirup ngumbara diBogor,da asli mah urang
Sumedang. Pangulinan teh sok ka Kompleks Binamarga, kaPalataran Pakujajar
Sipatahuanan, da ti rorompok teh deukeut pisan.
Mun tas latihan nabeuh waditra, atawa diajar penca, sok leumpang mapay Jalan
Loader, tempat Ma Ageung linggih, terus asup ka Sekarmandapa nu ayeuna tos
janten mol. Bras wae ka Jalan Pajajaran. Teras wangsul ka rumah dinas pun
paman, nu sok dianggo markas barudak nu ngumbara urang Sumedang. Biasana, di
rumah dinas teh sok nyampak Si Aa, kitu kuring nyebut ka Ki Lanceuk (Yaya
Rukayadi), mulih ngawulang ti IPB. Calik di tengah bumi bari maca buku
karandel, basa deungeun wungkul, jul-jol wae nu lianna, terus sok ngaliwet,
nyieun karedok, dahar teh bari ngobrolkeun kasundaan di Bogor.
Kuring sokngabahas naon nu bieu di obrolkeun ku seniman Bogor nusok sarumping
ka bumina Ma Ageung. rada-rada oge kuring mah ka Ma Ageung teh, da nganggap
indung, malah dugi ka ayeuna ge anjeunna teh Indung Kuring.
Nu diobrolkeun lolobana masalah pantu jeung lalakonana, pantun Pa Cilong,
upatamana. Atawa patilasan Pajajaran. Ah seueur pisan nu kaguar jeung nu kaala
di eta sanggar teh. Kuring jadi nyaah kana Kasundaan, kana warisan luluhur,
salah sahijina jasa Ma Ageung. Inget keneh basa guru degung nitahngahaleuang,
kuring ngahaleuang lagu Sumedang Kota Kamelang... Bari carinakdak, inget ka
sarakan, inget ka lembur. Tapi hate reugreug, da loba nu dianggap lanceuk ku
kuring, di antarana gegedug kusnet A Yaya: (Kumaha damang, A?)
Ayeuna Palataran Pakujajar Sipatahunan rek dibongkar, duh, hate asa nyeri,
asa peurih. Nyerina, kuring teu boga kakuatan nanaon! Mun seug kuring gubernur
atawa walikota, atawa dewan, meureun bisa "unjuk gigi".
Eta ge tos nelepon ka sepuh di Bogor, nu kaleresan janten Asda 1, sobatna
pangersa Walikota, saurna nuju dipadungdengkeun. Sanggem teh, poma ulah mung
dugi dipadungdengkeun, sing nyucud jadi kanyataan, yen eta tempat tiasa
disalametkeun.
Dina pangsujudan kuring ngalimba, neda Palataran Pakujajar Sipatahunan
salamet, ulah aya nu ngarogahala. Ulah keuna ku sarakahna dunya.
---------------------------------
Take the Internet to Go: Yahoo!Go puts the Internet in your pocket: mail, news,
photos & more.
