Mani rame geuning soal sajak Awewe ti Kang Ndud teh. Tapi kuring moal mamanjang sajak eta, ngan kuring "ngagaris handap" tulisan kang Ndud, nu kira2 nyebut, lalaki tempo diri sorangan, lain nyalah2keun awewe wae. Di dunya nu di kawasa ku kaum lalaki, memang awewe dianggap ukur OBYEK, lain SUBYEK ......jadi lamun aya masalah teh OBYEK heula nu pangheula nu dituduh.
Kang Ndud bener, lamun aya kamaksiatan, sakuduna mah nu disalahkeun teh lain awewe wae, tapi oge lalakina. Tapi hukuman ti masyarakat biasana ka awewena. Tong tebih2 tingali we tayangan dina TV nu nyaritakeun penertiban PSK. PSK diuber-uber siga beurit, disorot ku kamera, bakating ku sieun, aya nu ngajleng ka walungan, palid tepi ka hanteuna. Aya nu nyumput dinu bala .....bray disorot kamera ...keur cingogo bari ngan dibaju luhurna wungkul. Nu beunang diasupkeun kana mobil dogong (buntung) bari disorot kamera. PSK memang kudu ditartibkeun, ngan ari kahayang teh teu kudu disorot ku kamera, karunya da sarua jelema ngan AWEWE. Ari lalakina nu irungna belang, teu pati dihukum ku masyarakat. Lalaki leuwih kawasa, contona lamun lalaki bobogohan jeung lalaki, minculak jeung teu wajar pisan. Tapi MASYARAKAT JARANG NU CURIGA, lamun aya lalaki patuntun-tuntun jeung lalaki, atawa dua urang lalaki sakamar di hotel. Masyrakat biasana kakara kaget lamun aya masalah kriminal. Padahal kasus homoseksual jauh leuwih a-susila tibatan pelacuran Awewe jeung lalaki. Jeung sabenerna homoseksual lain di Amerika wae, di urang oge sabenerna aya jeung cukup loba, malah nu paling absurd, nyodomi budak lalaki nu sering diwartakeun dina koran. Tah, lamun tindakan asusila teh gara-gara pakean (anderok nyingsat) nu ngundang syahwat, kudu kumaha pakean lalaki supaya teu narik syahwat kaum homo? kudu kumaha pakean budak lalaki supaya teu narik syahwat jelema "gering" nu hayang memperkosana? .... Baktos, WALUYA
