Leres kitu ieu teh aya Taz TV ?
JP
Kebo Hideung <[EMAIL PROTECTED]> wrote:
"Mang asa katingali tadi di Festival..Mamang sanes ? "
"Ari Alo kaditu oge ?" tembal Mang Utas
"Puguh we atuh Mang, malihan kuring mah disorot wae ku kamera TV ." tembal si
Alo
"Ke..ke..ke..ari Alo lebah mana kitu? naha teu nyalukan Amang atuh."
"Tadina mah rek sajorowok-jorowokna nyalukan Amang, ngan era ku Pa Wali Kota,
bisi pajarkeun jalma teu waras."
"Har ari Alo..naha kudu make nyorowok, padahal tinggal ditelepun we make
henpon."
"Deuh si Amang mah, angger ari geus ngahina kuring teh."
"Maksud Alo ngahina kumaha, da Amang mah teu rumasa ngahina Alo."
"Ari Amang jiga anu teu apal wae, kapanan henpon kuring teh geus dijual pake
meuli beas..!"
"Aeh heueuh nya Lo..hampura Amang poho."
"Teu nanaon Mang, da Amang mah hampuraeun."
"Lain Lo..baruk tadi di sorot ku kameramen tv ?" tanya si Amang
"Muhun Mang, untung kuring geus dangdan, jadi teu matak era abus kana tv teh."
"Yeuh..Lo komo Amang mah diwawancara ku reporter tvna, jaba geulis
reporterna, jaba lemes leungeuna." tembal Mang Utas bangun nu embung eleh.
"Ari kitu Mamang diwawancara kumaha ?"
"Ah..biasa we Amang anu naros ti payun ka anjeuna."
"Halah..eta mah atuh lain oge diwawancara mang, tapi kumaha tah caritana bisa
ngobrol jeung reporter eta, jadi panasaran yeuh." tembal si Alo
"Kieu caritana mah, bakating ku hemeng ningali aya reporter tv, amang teh
ngawani-wani karep we tatanya ka manehna."
"Hemeng kunaon Mang."
"Enya eta reporter teh lain reporter RCTI, SCTV, ANTV atawa Trans7, jadi we
amang teh hayang apal."
"Terus timana ceunah." ?
"Neng maaf..Neng Reporter yah...?"
"Iya betul..ada apa Pak." tembal si reporter tv bari ngeukeuweuk mic bangun
nu pogot.
"kalo Mamang boleh tahu, Neng dari stasiun tv apa?"
"Ohw...kami dari TAZ TV..pak." tembal mojang eta bari ngagelenyu imut
"Dupi TAZ TV teh naon Neng?"
"TAZ TV teh TV lokal Tasik, Insya Allah upami teu aya wagelan bade mulai
tayang ke kaping 12 Agustus 2007." tembal mojang eta bari angger bari imut
ngagelenyu, ngan ayeuna mah bari dengdek saeutik.
"Terus Mang gambar kuring iraha ceunah disiarkeuna, jam sabaraha kira-kira?
ke kuring rek ngabejaan tatangga." celengkeung si Alo nyela.
"Tah saur si mojang reporter eta mah, gambar anu Alo..ngahaja geus di pupusan
deui, da ceunah mah pinuh teuing." tembal Mang Utas bari seuri leutik
Si Alo ditembalan kitu teh sajongjonan mah, ngahuleng....terus siblek diuk
bangun nu kuciwa.
Di tulis ku Kebo Hideung - Kawalu Tasikmalaya
Makarya Mawa Raharja
---------------------------------
Need a vacation? Get great deals to amazing places on Yahoo! Travel.
