Saptu2 pasosore geus di bell ku kang hendra jeung kang hadi, ceuk cenah samemeh
urang ka KBS teh kudu ka RRI heula. Da biasa ngisian acara na Mang Emang tea nu
sok matuh tiap poe saptu jam 4 sore di RRI Bogor, sabab Mang Eman na geur
ngajomantara ka nagara deungeun.
Pas jam 4-an teh Kang Hendra muka acara Medar Sajarah teh, nya ari kuirng mah
milu weh sabari juprat jepret motaon, sabab geus aya ieu Pak Inotji salaku
sumberna, jeung sakapeung mah kang hadi sok tatanya oge. Ari topikna mah
ngeunaan embaran Festival Budaya tea nu gaduh judul Tepung Pare jeung Agraris
tea, didinya ku pa Inoci di embarkeun rehna ieu acara teh lain keur pajabat wae
tapi keur rahayat cacah acara teh lumangsung ti mimit poe sabtu nepikeun ka poe
salasa.
Pas jam 5-an kuring kaluar heula nanggoan kang tantan , sabab deuk ilu nare di
KBS teh. Sanggeus teu sabaraha lila sanggeus acara rengse urang 4-an mangkat ka
KBS teh bari di angkot teh cacahan heula. Da lumayan jalan teh rada macet sabab
keur tanggal ngora meureun, sanggeu aya kanu sajam-an geus nepi ka dukuh
menteng, ngan kuring rada ngorenjat sabab jalan nu biasana loba batu sekeut
jeung tarahal teh kiwari geus génah komo mobil jeung motor mah , teu kawas
samemehna hese jasa jalan kadinya teh, ceuk cenah masarakat teh geus babaraha
tahun hayang nyiuen jalanna teh di bebenah, tapi sabab Kang Gubernur bade
dongkap mah ningan Kabupaten teh surti pisan.
Teu kungsi lila aya kanu 5 menitan geus nepi ka KBS teh, bari ningalian leuit
teh, kuring ningalian aya 6 kabupaten nu miluan tepung pare teh, basa disidik2
teh di lueit ratna inten nyaeta leuit pang badagna aya tulisan kabupaten bogor
jeung kabupaten subang. Nya didinya ge papanggih jeung rengrengan ti UI samodel
neng agi jeung cep mufti tea kuring hanjakal keun kang agus aris teu dongkap
jeung kang mumu da biasana sok ngaduk bako bari cacahan jeung pak inochi teh,
sok resep tuda ngobrol ngeunaan sajarah tapi eweuh mistikan.
Geus teu lila kuring ka imah panengen didinya kuring nare bareng kang tantan
jeung pa inoci , nya kusabab haredang mandi heula sabab teu genah kareunang,
nya hawana rada tiis jeung nyeuleuceup, sanggeus mandi mah rada bengras jeung
caang, nya bari nyeuneut sokam teh rada hanuet sanggeus mandi mah.
Hanca
---------------------------------
Yahoo! Answers - Get better answers from someone who knows. Tryit now.
