> "Ahmad Sopiani" <[EMAIL PROTECTED]> wrote: > Dina situs harun yahya, seueur dipedar bukti-bukti ilmiah lemahna > teori evolusi, mangga mun aya nu bade nga-google, toong situs harun > yahya ngenaan bahaya teori darwin kanggo kahirupan, anu nyebutkeun > yeun kahirupan di bumi ngajanggelek tina mutasi acak secara > kebetulan ngaliwatan survival of the fittest.
Leres Kang Teori Evolusi teh aya kalemahanana, sabab teori evolusi ngarekrontuksi kajadian dina waktu lila pisan, lir ibarat pulisi nu nyieun teori tina rajapati nu geus kajadian puluhan taun. Tapi naha bener Teori Evolusi runtag? Ari ceuk kuring mah henteu, malah ayeuna beuki kuat .....komo lamun kabuktikeun engke yen di MARS AYA KAHIRUPAN/ ATAWA AYA SESA KAHIRUPAN sanajan ukur bakteri/ sesa bakteri. Tapi Teori Evolusi bakal tetep jadi teori moal jadi potsulat atawa hukum, siga hukum2 fisika atawa kimia. Ari pangpangna mah ieu teori pakait jeung waktu nu lila pisan. Teori evolusi sabanding jeung teori "big bang" dina fisika soal mimitina kabentuk alam semesta (universe). Teori "big bang" moal jadi potsulat dina fisika, statusna bakal tetep teori anu bisa dipadungdengkeun keneh. Perkawis Harun Yahya (Adnan Okctar) kabeneran kuring oge kungsi maca. Ngan ari ceuk kuring mah publikasi2 HY leuwih ngaharib-harib kana buku Elmu Pangaweruh Populer sabab teu aya nyebut-nyebut naon anu dipigawe ku HY sorangan dina widang ieu, salian ti nyutat pamandegan-pamandegan para ahli nu keur padungdengan (debat). Padahal para ahli ieu sadayana oge evolusionist nu padungdengan soal bukti nu kapanggih, tapi lain soal teori evolusina runtag atawa henteu. Anyar-anyar ieu, di Flores kapanggih aya tulang-taleng manusa, nu disangka ku para ahli ti Australia beda Species jeung Homo Sapiens, ku maranehna disebut Homo Floresnensis (manusa Flores anu kate). Tapi ahli ti Indonesia nyebut eta lain manusa species beda, tapi manusa nu boga kalainan genetik (kate). Tapi sadayana oge boh ahli ti Australia atawa ti Indonesia Evolusionist. Tah padungdengan model kieu, nu dicutat ku HY, terus dijieun kacindekan ku HY sorangan yen TEORI EVOLUSI geus runtag! Teori Evolusi, Intina kira-kira kieu, unggal mangkeluk hirup boga kacenderungan ngalanggengkeun speciesna/jenisna ku jalan nyaluyukeun dirina kana lingkungan. Lamun teu mampu nyaluyukeun diri kana lingkungan, eta mangkeleuk bakal punah. Jadi teori evolusi teh sabenerna deukeut jeung ELMU LINGKUNGAN. Charles Darwin, salian ti Bapa Teori Evolusi tapi oge sok disebut pelopor ELMU LINGKUNGAN (ENVIRONMENTAL SCIENCE). Jadi segi positifna tina Teori Evolusi, manusa jadi sadar yen lingkungan teh mangaruhan kahirupan. Ieu nu teu kaemut ku nu teu resep kana Teori Evolusi. Nu ditempona ukur manusa sakaruhun jeung monyet. Terus ngadamel dogma nu sok disebut "Intellegent Design". Padahal "Intellegent Design", teu ngajak manusa sadar yen kahirupan teh pakait jeung lingkungan, tapi fatalis: "Pan tadina oge diciptakeun nya umpama punah oge geus nasibna we, da dipunahkeun!" Tah kitu pamandegan kuring mah, punten kanu teu sapagodos .... Baktos, WALUYA
