Kang Sony, Haturan, kamana wae asa tos lami teu patarema basa? Hampura si kuring oge rumasa tambelar.
Ngeunaan event orginzer, nya eta mah kaparengkeun wae. Harita teh, basa tepung kang Dian, ngadadak boga tanaga wani nga-sms ka sababaraha anu kira-kira bisa nanggap kang Dian. Nya anu pangresponna teh Kang Ganjar, malah sapada harita inyana meredih sangka ditepungkeun sareng kang Dian. Bring wae si kuring duaan jeung kang Dian nepungan Kang Ganjar (poe salasa memehna). - Ngadadak teu bisa hadir Poe Rebona si kuring rada nambru, nyiruruk wae di imah, ka kantor oge suda. Poe Kemisna cageur deui saba'da kamarina ka dokter. Poe Kemis eta keneh, pabeubeurang, masih kontak-kontakan mastikeun ka sababaraha anu ditalatahan ku Kang Ganjar sangkan diulem kana acara, bari optimis isukna sorangan bisa ngahadiran eta acara. Na da eta mah dak dumadak, Kemis sore aya tugas ti kantor yen sorangan kudu ka Jakarta poe Juma'ah nepi ka Saptuna, kudu miluan rapat perencanaan program kagiatan kantor taun hareup. Hiji tugas anu si kuring moal bisa manggapulia bubuhan patali jeung kinerja sorangan di kantor. Nya atuh gura-giru ngenta dihampura ka Kang Ganjar sareng Kang Dian via telepon oge e-mail. Malah, surat penugasa kuring tugas ka Jakarta difax-keun sagala ka Kang Ganjar. Sanes cangcaya anjeunna teu percanteneun, dikintunkeun soteh sugan wae ...dibacakeun ka anu haladir (heheheh...ambon sorangan, siga penting wae nya). - Neda dihapunten ka sadayana Patali jeung acara nanggap Kang Dian oge halangan si kuring hadir dina waktuna, mugi sadayana ulah kirang nya ngahapunten. Teu aya sanes, sok bilih kirang tarapti dina sasadiaan jeung prak-prakan ngalaksanakeunana. Neda dihapunten oge ka sadayana anu diulem ku si kuring sacara khusus, jalaran dina waktuna mah geuningan teu anu ngulem teh kalah ka teu hadir. - Ngahaturkeun nuhun Dina ieu lolongkrang, teu kakantun sim kuring ngadugikeun hatur nuhun. Kahiji, ka Kang Ganjar anu parantos janten sohibul bet lumangsungna eta acara. Kaduana, ka Kang Dian anu tos ngadugikeun presentasi ngeunaan aksara Sunda ngambah dunya. Katiluna, ka Kusnet sareng rengrengan anggota milistna, teu kakantun ka Ua Sas sareng Mj minangka ais pangampih YP anu ngasuh Kusnet. Kumna ka sadayana wae, hatur nuhun ku alatan usaha jeung pang du'a ti sadayana eta acara anu diekspos ku sababaraha media teh tiasa kalaksanakeun kalawan kawilang sukses. - Agenda pikahareupeun Dina raraga miara basa Sunda, khususna, umumna budaya Sunda, leuwih umum deui: totonden budaya daerah salaku jatidiri bangsa (heuheu, siga khotbah pejabat atawa dosen, hapunten), aya saena upama acara samodel "nanggap kang Dian" teh dieuyeuban. Sanes arek niat nakol goong atawa resep ku direuah-reuah, balikta estuning keur sosialisasi yen usaha-usaha sarupa kitu teh aya keneh dikieuna. Masyarakat umum Urang Sunda, khususna, Bangsa Indonesia umumna, masih keneh kitu lah, kudu tembong heula loba batur, karek aya sumanget mantuan, ngarojong atawa milu ancrub (wah, hampura, ebrehan ieu mah teu boga data keur ngarojongna, ngandelkeun rarasaan wae). Jeungna deui, sosialisasi mah memang perlu, keur nambahan batur, keur perencanaan kolektif ceuk barudak kuliahan mah. Jejer keur ngayakeun kagiatan sawanda "nanggap Kang Dian" loba pisan. Boh anu geus ditembrakeun di milist atawa anu dileukeunan sacara individu ku anggota milist. "Nabeuh" digitalisasi pustak Sunda, upamana, eta hiji kagiatan anu potensial bisa lumangsung siga acara di Unpad ieu. Pamugi wae atuh kalaksanakeun. Amin. baktosna, manAR --- In [email protected], "soni rosa" <[EMAIL PROTECTED]> wrote: > > Wilujeng! > Kang Dian, kang Gandjar, kang Oman A., oge ka Everson anu > tos tiasa "gawe bareng" ngamumule budaya sunda (aksara > sunda). > > Kuring oge hadir harita teh (waktu ngariung di gedong > rektorat unpad) tur ngarasa bagja pisan jadi urang > sunda.(bisa silaturahmi + dibageakeun ku cianjuran deuih > he..he..) > > Hiji hal anu ku nanceb dina pikiran kuring "gawe bareng" > rohaka pisan mangfaat, pangaruh oge hasilna. > > Kang Dian, sakali deui wilujeng kana karancageanana sareng > hatur nuhun kuring tos diangken, jadi ngiring ka"foto" > :-).(kang dian, kuring neda nyuhunkeun font "aksara > pakuan" tea pami akang teu kaabotan, ngalangkungan > `surelek"). > > Kang Oman, kumaha damang?, hebat lah akang tos tiasa > janten "event organizer" antawis kang Dian + Kang Ganjar. > > Kang Ganjar, wilujeng akang parantos kersa (sering > pisan:"bandungan", "kongres kusnet", "pentas budaya sunda > di perancis", "nyayagikeun waktos ngalongok HBH di kiara > payung, jrrd) nembrakeun ka cinta ka "sunda" ku jalaran > masihan lolongkrang ka "urang sunda" kangge sami-sami > sabilulungan ngamekarkeun kahirupan "urang sunda". > (pami teu lepat mah aya laguna nya "sabilulungan" teh? :-) > ). > > Kang Everson, Well done lah and Tengkiyu! > > Akang + euceu anu sanesna Wareldan! > > sonirosa > www.bolotot.com > > *urang sabilulungan yu! > > > > On Sun, 11 Nov 2007 21:19:45 +0100 > "Dian Nugraha" <[EMAIL PROTECTED]> wrote: > > Assalaamu `alaykum, > > > > Hatur nuhun utamina ka Kang Ganjar anu parantos > >nyayogikeun wahangan kanggo > > acara ieu sakaligus janten moderator harita. Geuning > >meni ramé pami nyarios, > > nya :-). Ogé ka Kang Oman kana pangbagéana salami abdi > >liburan, sanaos > > henteu ngiringan dina acara éta, namung muka jalan ka > >nepangkeun seueur > > pisan inohong, diantawisna Abah Surya, Pa Undang A. > >Darsa, Pa Idin > > Baidillah, kang Tedi Permana, kang Soleh, kang Soni > >"Bolotot", jrrd. (Apalna > > pédah aranjeunna harita ngiringan mairan). > > > > Abdi ayeuna (ti dinten rebo kamari) parantos aya di > >Munich deui barijeung > > "Jetlag" kénéh :-) > > > > Insya Allah pami aya lolongkrang, urang tepang deui > >sanés waktos. Ogé dina > > surélék anu misah, seja dikintunkeun sababaraha liputan > >anu kapendak di > > media massa, tur sababaraha catetan. > > > > Baktos, > > Dian. > > > > On 31/10/2007, Ganjar Kurnia <[EMAIL PROTECTED]> wrote: > >Assalamu 'alaikum Wr. > > Wb. > > > > Dulur-dulur, Unpad seja nanggap Kang Dian Nugraha > > (urang Conggeang anu nuju > > tolab di Jerman) , dinten Jumaah ping 2 Nopember 2007 > >Jam 13.30 di gedong > > rektorat enggal Unpad. Jl. Dipati Ukur 35. kalayan jejer > >"Komputerisasi > > Aksara Sunda sangkan Ngajomantara". Diaranntos pisan. > > > > Wass. > > > > Ganjar Kurnia. > > ===================================================================== =================== > "Sambil berpuasa, ikuti Netkuis Ramadhan 1428 H. Menangkan Laptop, Ipod dan HP Nokia di akhir periode netkuis dan dapatkan Flash disk di tiap minggunya dengan mengikuti Netkuis di http://netkuis.telkom.net/"; > ===================================================================== =================== >
