Saleresna tujuan utama mah sanes bade ngarekonstruksi Wastu, mung bade ngawanohkeun Wastu ka barudak, tangtos dina carita bacaeun barudak. Nu bade digarap teh tiasa bae wangun komik atanapi animasi. Leres kedah aya tahapan anu rada merele supados teu ngagentak sareng kedah terbuka, maksad teh upami aya kritik kedah diwadahan. Dina rencanana mah leres kedah aya komik strip, carios anu pondok, malih bade ngayakeun pendekatan sareng media masa citak, sugan tiasa mayeng terbit naha unggal minggu atanapi unggal dinten. Ieu garapan teh kedah leres ditataharkeun kalawan gemet, margi upami gagal, hartosna gagal teh "barudak teu beukieun" tah palebah dieu Wastu Project dianggap gagal. Supados teu kitu kedah aya heula bubuka dina wangun anu langkung bersifat sosialisasi, sapertos gaya promosi emuk (mug) anu diserat ku Kang Iip, Komik Strip, sareng anu sanesna, dina wangun anu saulas sausap. Tantanganana dina ngawangun gawe bareng sareng pihak-pihak anu dianggap layak, sapertos Mc D, koran, majalah sjte. Hal ieu ge bari sakantenan ngawadahan kritik supados kenging tangtungan Wastu anu ajeg, ari beubeungeutan Wastu pastina ge nu kasep tapi nyunda, tah ieu ge nu kumaha, padahal kedah katingal di payun, ti gigir, ti luhur, ti handap, ti sadayana sudut pandang. Teu acan asesoris, asesoris teh langkung nyoko kana papakean, wanda tangtungan naha budugul naha gondrong, naha nganggo iket atanapi nganggo topi (?), dudukuy atanapi acukna ukur.........Teu acan saha bae tokoh anu caket, tangtunganana kumaha, ssjte. Wastu ngawitan makalangan. Siap gerak. Nuhun Kang Dudi, diantos asupanana.
MSasmita ----- Original Message ----- From: dudi saja euy...........! To: [email protected] Sent: Friday, November 23, 2007 7:30 AM Subject: Re: RE:[Urang Sunda] Wastu jeung KDKBK Ua Sas, aya usul ti sikuring bari ngarereka "sang hyang the legend of wastu"; upami diibaratkeu ngarekontruksi wastu janten tujuan tangtosna urang kedah ngarancang kumaha tahap-tahapanana, diantawisna anu kasebat ngadamel prototipe-1, prt-2, jst; tah palebah dieu kumaha upami ngadamel heula komik-komik pondok, atanapi animasi-animasi durasi pondok tapi aspirasina sareng settingna anu teu tebih sareng 'wastu' ah da aspirasina mah seueur bade anu tos lawas atanapi anu haneut keneh...., Kanggo para wargi sadaya perkawis "Wastu' ieu aya ekpose-na dina PR dinten ieu, nya teu kakantun Ua Sas-na ge ka senggol, Ua Sas tea "from zero to hero" wassalam, .
