Leres pisan bapa, margi indikator moral diukur mung ku jilbab hungkul mah pasti
naifna. Aki tams can mendak hiji kajantenana wujud ku hiji sabab, atanapi
ditangtoskeun wujudna eta mung ku hiji faktor.
Bade ngajelaskeun moral diukur ku jilbab? Moral anu sae atanapi awon wae
ukuranana naon? Jilbab biasana mung kangge Istri muslimah anu yakin wajib teras
ngalaksanakeun kayakinanana. Padahal obrolan urang ieu teu ngan ukur istri anu
kacandak, tapi malah pameget oge?.
Numawi dina kabiasaan nyaketan hiji masalah sacara ilmiah sok ngangge
pendekatan multi faktor analisis. Langkung seueur faktor anu diangge dina eta
pendekatan, tiasa janten langkung tiasa ngajelaskeun anu nuju dianalisis.
Tangtos teu sagawayah asal faktor, aya kaedah sareng logika anu diangge
nangtoskeun faktor2 naon wae anu bakal diangge. Indikator kangge moral teh
saleresna naon wae? eta masalahna dina obrolan urang ieu?. Sigahna kembangna
moral buahna prilaku /sikap? aki tams teu pasti, teu faham widang eta. Satiap
jalmi tiasa janten prilakuna benten2 dina rupi2 masalah, margi ciri2na satiap
jalmi oge teu sami.
Perkawis aya henteuna hubungan, naha positif atanapi negatif antawis anu
dijelaskeun sareng faktor2 anu diangge dina eta pendekatan, tangtos aya
(pasti), mung hubungan eta teh naha signifikan atanapi henteu?. Biasana mah anu
sok disebat hubunganana kiat dinyatakeun dina persen (peratusan) nyaketan kana
angka 1 (100%) gumantung para ahli dina eta widang.
Widang eksakta signifikansi 70% boa2 teu signifikan (sapertos dina urusan
nyawa pasen, penerbangan srrd), teu tiasa disebat eta hubunganana kiat.
Kadangkala dina widang sosial 60% oge aya anu nyebat signifikan. Maksadna
persen eta tiasa ngajelaskeun sakitu persen ku faktor2 anu diangge dina eta
masalah. Kadangkala oge sok dihartoskeun faktor2 anu diangge disebatkeun
signifikan atanapi penting diperhatoskeun.
Punten sanes ngaguruan ngojay ka lauk he he he he, paralun teuing, ieu mah
mung sakadar anu kantos aki tams terang, duka kitu oge jigahna seueur oge anu
tos harilap yeuh. Kumaha atuh ngawaler patarosan kang Waluya?, diantos baraya
sanesna anu aya minat dina perkara ieu, naha sponsor biaya kangge nalungtikna
atanapi pangaweruh sareng sajabina, sumangga diantos, hatur nuhun sateuacana.
H Surtiwa <[EMAIL PROTECTED]> wrote:
Ngaos sertan anu paranjang duanana ieu..keukeuh wae teu acan jelas
jawaban kana patarosan Kang W soal korelasi antawis Jilbab sareng HIV?AIDS-
Moralitas ! Keukeuh wae ceuk abdi mah teu aya direct correlation..ngan aya
usaha jalmi bader ngahubung2keun..kanggo dakwah...
On 12/16/07, Tatang Sariman <[EMAIL PROTECTED]> wrote: Leres
dina Islam mah teu aya paksaan, tapi Nagari Arab teu kedah janten ukuran, da
Arab teu sami sareng Islam. Sanaos kitu Alloh nurunkeun Islam di kawasan Arab,
ngabuktoskeun Arab anu harita biadab /jahiliyah tiasa robah, mung ku
perkembangan zaman sareng budaya oge sigahna, kawin teh cenah mahal pisan
maharna? jadi eta geus robah tina ajaran Islam. Islam ngawajibkeun nutup orat
teh sidikan supaya awewe jeung lalaki bisa hirup campur gaul diajar atawa
digawe babarengan teu haram da awewena naruptup orat. Tapi nyakitu tea, naha ku
adat budaya atawa zaman, jadi rubah jadi dipisahkeun. Nutup oratna oge
leuleuwiheun sagala ditutup, padahal ti dituna mah dampal leungeun jeung raray
mah teu orat. jadi carita di Arab kitu teh sanajan hukumna beurat, nya aya wae
carita merkosa malah terus dipaehan. Sabab cenah jelema mah lamun jahat teh
bisa lewih jahat tibatan sato (ceramah bang Iman baheula di Masjid
Salman ITB). Dicontoan ku kalakuan anu jahat di kampung, mun kebo narajang
kebon ngan saukur ngahakan jukutna, ngaruksak pagerna; tapi lamun jelema jahat
aya sagala dibawa sagala dirampid rebo ngelek ngegel ceuk paribasana, aya
sampeu, hui, cau, naon bae anu bisa dipaling, lain ukur didahar, mun bisa malah
nepi ka dijual.
Wangsul deui ka budaya awon di Arab, sadidinten ningali istri ditarutup
oratna, ari usum haji aya awewe anu dibaju beda, awakna masih kaciri, dibaju
tapi seksi, atuh barang aneh keur lalaki urang arab?? nya pantes bae dibawa
kabur diperkosa malah terus dipaehan. Mahalna kawin di Arab, memang biologi teu
bisa dibendung, tos fitrah manusa kedah kawin, teu sakedik anu milarian kawin
kontrak di urang. Aki yakin lamun urang Islam kaffah dina Islamna, caritana
bisa jadi lain??? Sanaos setan oge beuki canggih ngagodana, alesanana, manusa
mahluk anu paling mulia tibatan mahluk2 sejen, asal ulah leuwih goreng tibatan
sato??
Waluya <[EMAIL PROTECTED]> wrote:
> From: Tatang Sariman
> Mungkin nembe yakin heula, prakna ke sugan......Tangtos teu aya paksaan ka
> saha wae sareng ka pihak mana wae oge.
Tah ari kitu mah urang sapagodos, teu kedah dipaksa, keun we kumaha
kayakinan masing-masing. Perkawis AIDS/HIV sareng jilbab, aya hubunganana
Aki Tams, ngan cenah nu dikurudunganana ulah sirah awewe, tapi sirah lalaki
...eta oge sanes sirah nu diluhur ....tapi "sirah" nu dihandap .....hehehehe
Aki Tams, perkawis jilbab jeung moral, kuring rek nyandak conto di Arab
Saudi. Kuring acan kaditu ngan ceuk beja, awewe arab saudi mah lamun kaluar
kudu buni dikurudung ditambah dicadar, jeung teu meunang sosorangan kudu
jeung mahramna. Awewe oge dipisahkeun jeung lalaki ditempat-tempat/fasilitas
umum. Naha ku aturan ieu, moral jadi aralus?
Tangtos nu parantos munggah haji, sok aya nu mamatahan, cenah kade lamun
naek taksi, pamajikan ulah asup tiheula kana taksi, kudu lalaki ti heula.
Alesanana bisi pamajikan dibawa kabur ku supir taksi!. Tina papatah eta oge,
kacipta kumaha TEU AMANNA Arab Saudi keur awewe. Loba lalaki nu hayang
ngobral nafsu, geus teu ningali deui moralitas demi nafsu!. Jeung loba
dongeng deui nu nunjukkeun lalaki Arab Saudi ka obsesi luar biasa ku awewe.
Lalaki Arab Saudi libidona gede kulantaran beuki daging embe? Ah sigana mah
lain eta, daging embe mah ukur mitos. Tapi ceuk kuring mah kulantaran
kahirupan sosial urang Arab Saudi misahkeun lalaki jeung awewe ti budak
keneh. Kulantaran dipisahkeun, akibatna boh lalaki atawa awewe nganggap
lawan jenisna teh "MANGKELUK nu BEDA" jeung manehna. Lalaki akhirna
nganggap awewe sabage "mangsa" sabalikna awewe nganggap dirina salawasna rek
"dimangsa" wae. Lalaki= singa, awewe=mencek. Nu aranna mencek salawasna kudu
racingeus, sabab dimana-dimana aya predator nu siap rek ngerekeb. Singa
(predator) dina neangan mangsana, tangtu milih mangsa nu teu awas kana
bahaya.
Awewe kudu siga mencek rancingeus, kudu dibungkus sing buni lamun kaluar ti
imah, dianteur ku lalaki kulawargana, sabab lamun henteu lir ibarat mencek
kukulamprengan dileuweung sosorangan, resiko dikerekeb ku singa gede pisan.
Tah lamun logikana model kieu, tanggtu nu berlaku moral di leuweung lain
moral jalma nu beradab!
Nu hade, lalaki jeung awewe kudu papada ngarti yen dua mangkeluk beda lawan
jenis teh, sabenerna mah mangkeluk nu sarua, lain hubungan antara predator
jeung mangsana. Carana kudu gaul ti budak keneh. Sakola teu meunang
misahkeun murid lalaki jeung murid awewe, dina sapopoena oge kudu gaul, nepi
ka mucunghul saling pengertian. Sigana ku logika model kieu, sakola Islam
tempat anak kuring sakola, tetep ngahijikeun budak lalaki jeung awewe
sakelas. KItu deui sakola Katholik di Bandung, nu baheula mah aya sakola
khusus keur budak lalaki, aya sakola khusus keur budak awewe. Ayeuna mah
geus henteu, muridna dicampur.
Eh jadi ngacapruks, naon hubunganana jeung Jilbab? .....ah lamun bisa mah,
enya ditempo tina sudut ieu sigana jilbab teh teu kudu buni-buni teuing,
tepi ka teu jelas ari nu disebut mangkeluk awewe teh siga kumaha nya? nu
ngajedig dibungkus hideung wungkul kitu?
Punten kanu teu sapagodos.
Baktos,
WALUYA
---------------------------------
Never miss a thing. Make Yahoo your homepage.
---------------------------------
Never miss a thing. Make Yahoo your homepage.
