Sareng Hormat,
Upami tiasa, kaset anu aya dibeberkeun lengkep sareng pangaosna. Janten tiasa
terang jumlah pangaos sadayana anu peryogi kanggo ngatur budgetna.
Simkuring tos lami milari kawih-kawih Mang Koko, mung dugi ka danget ieu teu
acan kenging. Sareatna, ngiringan anggota Kusnet ieu, alhamdulillah tiasa
mendakan anu dipilari.
Hatur nuhun informasina.
Eman Suherman <[EMAIL PROTECTED]> wrote:
Lagu-lagu Mang Koko
Ka sugri anu micinta lagu-lagu Mang Koko, komo anu ngalaman keur budak waktu
di SD atawa SMP diajar ngawih lagu karawitan, lamun hayang ngumbar panineungan
bari hahariringan, kuring manggihan kaset-kaset kawih Sunda dina mangrupa
karaoke. Kaset âPangajaran 17 Pupuh Sundaâ salah sahiji kaset anu
dikaluarkeun ku Yayasan Cangkurileung Pusat anu alamatna di kompleks Perumahan
Jaka Purwa No. A 16. Eusina estu munel lain wae lagu-lagu pupuh anu biasa
saperti sinom, dangdanggula, kinanti jeung sajabana, tapi oge balakbak,
lambang, ladrang, jeung gurisa. Ieu kaset sihoreng geus aya ti taun 2005, teu
dijual di toko-toko kaset, jigana bae diproduksi keur nyumponan kabutuh
guru-guru atawa juru latih di sakola dasar. Usaha Kang Tatang Benyamin Koswara
â putrana Mang Koko â ngasetkeun ieu lalaguan perlu meunang dorongan jeung
panghargaan ti anu micinta seni swara Sunda. Hanjakal waktu kuring silaturahmi
ka bumina (171207) Kang Tatang Benyamin Koswara nuju teu damang, karek
pisan kaluar diopname ti RS Al Islam. Mugi sing enggal sehat sabihara bihari
deui.
Lain ngan saukur Kaset âPangajaran 17 Pupuh Sundaâ wungkul tapi oge aya
Pangajaran Kawih Sunda SD jeung SLTP, malahan aya kaset Palajaran Kawih Sunda
Gandamekar vol. 1 nepika 4. Sigana ka anu peryogi tiasa hubungan langsung ka
alamat di luhur, telp. (022)7567397. Kasauran istrina Kang Tatang kaset nembe
diproduksi deui upama tos aya nu pesen langkung ti 50 kaset. Sakitu. Wassalam
pun Eman
---------------------------------
Kunjungi halaman depan Yahoo! Indonesia yang baru!
Send instant messages to your online friends http://uk.messenger.yahoo.com
