> From: solihin yusuf > Kasus2 nu aya di mancangara di Pakistan jeung di Amerika jadi pieuteungeun > urang sadayana. > Ulama memang ngagaduhan wewenang ngaluarkeun fatwa da boga elmuna. Kitu > deui Ustadz M. Syamsi Ali gaduh hujjah pikeun pamadeganana.
Satuju Kang, leres pisan ulama gaduh hujjah pikeun pamandeganana. Tapi sanajan kitu, Pa Ustadz tetep aya di Amerika, malah geus belasan taun, tangtos teu terang pisan situasi sabenerna di Indonesia. Anjeunna rada "menyederhanakeun" masalah nu aya di Indonesia, saperti nyebatkeun aliran kepercayaan/ kabatianan teu jadi masalah di Indonesia, kulantaran teu ngaku Islam. Naha leres kitu? Aya sababaraha fakta nu nunjukkeun kungsi aya kaheurasan ka panganut aliran kapercayaan ti kaum mayoritas, saperti kajadian di Bandung kidul di taun 1950'an (Ieu tiasa ditingali dina buku "Kabatinan Sunda", desertasina dosen UIN Sunan Gunung Jati di UI). Di tempat asal Pak Ustadz oge, di Sulsel, kaheurasan ka "kaum adat" kungsi kajadian, pangpangna waktu jaman DI/TII Kahar Muzakar. Contona "dukun banci" Bugis nu disebut Bissu, ampir tumpur, kulantaran diparaehan. Jadi, urang oge, kudu ngarti oge ka kaum ulama nu ngabelaan Akhmadyah, sabab aranjeunna pasti nempo sajarah, kasieuneun kajadian "kaheurasan" kaulang deui. Lamun geus kitu pan euweuh nu untung, ngan saukur "dendam" weh diwariskeun tujuh-turunan. Tadina kuring ngaharepkeun Pak Ustadz Syamsi Ali mere conto di Amerika, tempat anjeunna nganjrek, kumaha carana nagara Amerika nu prural "ngelola" masyarkatna ulah tigubrus kana masalah beda kayakinan. Contona di Amerika di abad ka 19 lahir sekte Kristen nu disebut Kristen Mormon. Tanggtu we urang Kristen sejenna nu mayoritas di Amerika, nganggap sekte Mormon teh "sesat" (Mormon boga Nabi sorangan jeung dimeunangkeun loba pamajikan rea pisan). Tapi kulantaran hukum di Amerika kuat pisan, kajadian samodel di urang teu kajadian. Urang Mormon, sarua warga nagara Amerika, kudu dilindungi, tapi tetep kudu patuh ka hukum Amerika ....lamun nyoba-nyoba nyandung, bisa dihukum taunan. Sikep tegas pamarentah Amerika oge ditunjukkeun, waktu saenggeusna kajadian WTC di New York. Loba urang Amerika nu nyalahkeun panganut Islam di Amerika. Malah aya sabagean nu boga niat nyerebu, ngarogahala jeung ngarusak masjid. Tapi pulisi Amerika langsung ngajaga komunitas urang Muslim. Kungsi dina TV ditempokeun kumaha pulisi ngajaraga komunitas Muslim. Waktu ditanya tepi ka iraha maranehna ngajaga komunitas mulsim, para pulisi teh ngajawab kalawan tegas: tepi ka euweuh ancaman deui, sabab maranehna (urang Muslim) sarua warga nagara Amerika Serikat. Tapi kuring acan ka Amerika, nu kantos atawa nu ayeuna nganjrek di Amerika, tangtos langkung terang, komo meureun pak Ustadz Syamsi Ali mah. Kahayang teh ulah nyandak conto Pakistan, sabab sakali deui, cilaka .....eta nagara teh ampir jadi "nagara gagal", masyarakatna kabeulah-beulah ku sekte agama jeung etnik. Paralun teuing di nagara urang mah, kuring mah ukur hayang hirup tengtrem ............ Baktos, WALUYA
