Sabenerna mah asal aya kadaek (political will tea ceuk para ahli mah), teu kudu bingung. Urang bisa pisan swasembada kabutuhan2 sapopoe urang, oge hudang tina kaayaan katideresa ekonomi siga ayeuna.
Awal taun 2007, TVRI kungsi nyiarkeun warta kelompok tani di Indramayu anu hasil bisa ngaronjatkeun produksi parena (sawahna) nepi ka 40% (naekna), make gemuk organik (80%) jeung hormon bersifat alami. Kabeneran eta produk gemuk jeung hormon teh produk Urang Sunda. Malah lamun sapuratina mah ngagunakeunana (sakumaha pitiduhna), naekna teh bisa nepi ka 100%. Kituna teh bari biaya ngagemukna ngurangan da make eta dua produk mah teu kudu make NPK, TSP, KCl jeung ZA deui. Malah Ureana ge bisa dikurangan. Eta kasukesesan teh ngulang kajadian akhir taun 80-an jeung taun 2004 kamari di Sidrap, Sulsel (diwartakeun ku koran Fajar). Hanjakal sigana eta warta-warta teh teu kungsi kaperhatikeun ku Mentan atawa ku SBY-JK. Memeh kasus runtah ngajelegur siga anu muak gubernur jabar jeung walikota Bandung, kungsi aya sarombongan ti masyarakat anu mamawa propsal ngeunaan ngolah runtah jadi gemuk anu kumplit keur tatanen. Konsepna malah kungsi diaku ku BPLHD samemehna, salaku konsep pang onjoyna dina ngarengsekeun masalah runtah bari manfaat keur patani (kungsi dipamerkeun di Bali dina Pameran Lingkungan Hidup sadunya, salaku salah sahiji wakil ti Jabar). Tapi, teu aya respon terusna. Ayeuna pemasaran jeung demplot2 ieu dua jenis pupuk keur dikeureuyeuh ditingkatkeun ku Koperasi Sarakan, di Indramayu, Karawang, Serang, jeung Ciamis. Malah samingguan deui Insya Alloh di Sumedang. Konsep gemuk organik tina runtah sawatara disimpen rapet-rapet dina peperenian, sugan rek kateang deui atawa moal. Wallohu'alam. Mataholangna, lain rek promosi pupukna atawa koperasina. Tapi, kayakinan, yen satemenna lamun Pamarentah rada beunta saeutik kana aspirasi rahayat, swasembada pangan teh bisa pisan. Aspirasi teh bisa dina harti pangabutuh atawa temuan2 (kamotekaran) ti masyarakat. Ngeunaan tatanen jeung pamarentahan, di nagara mana wae oge anu ngaranna pertanian mah kudu dilindungan ku Pamarentahna. Jadi, lamun melak pare atawa produk sejenna, produkna kudu siap dibeuli ku Pamerantah (Bulog). Jadi patani barang garap teh teu dibarung ku kasieun. Pamarentah oge kudu ngatur alokasi komditi, nepi ka teu emblog-embloganan hasilna (keur ceuyah, ceuyah, nepi ka dialung- alungkeun ka walungan sabab murah mun dijual; keur langka mahalna kacida pisan nepi sarerea ngajerit). Lamun sina transimigarasi ulah kapalang, bere lahan nu lega (minimal 50 Ha) saurangna, sakalian jeung mesin keur tatanenna meh gengsina naek jadi patani oge (jadi wae barudak ngora ge parebut hayang transmigrasi). Kitu deui, mere bantuan, sapi upamana, ulah kapalang, kudu sakalian jeung parabna (ulah nepi ka karek 3 bulan sapi bantuan geus begang siga sapi hudang gering). Pola transmigrasi siga di luhur, komo bari dibarengan ku nyieun pabrik pasca panena di lokasi transmigarasi, kacida pisan potensialna keur swasembada kaperluan sapopoe, upamana gula, oge kadele, malah nepi ka energi oge (bahan biofuel). Pola mere bantuan anu tuntas bisa nuwuhkeun ketahanan ekonomi rahayat. Kukituna, sakumaha anu kungsi diusulkeun ka SBY basa inyana mimiti dilantik, aya sababaraha hal anu perlu dilakukeun keur ngaronjatkeun harkat darajat tatanen urang, diantarana: 1. Gemuk kudu disubsidi (M.S Dylon mah ukur nepi ka gemuk ulah diekspor). Peryogi kauningan, tina sakilo gemuk ngaronjatna tatanen mampu nepi ka 1 kg (lamun kaayaan lahan masih alus jeung cara ngagemukna bener); 2. Bulog jeung Deptrans direorganisasi jadi kudu aya jeroeun Deptan, tur dimana panen Bulog kudu meuli (parentah ku Menteri Pertanian) hasil tani sakumaha wae ayana kalawan harga anu nguntungkeun patani 3. Pilih menteri (kabinet) dumasar prestasina, lain dumasar proporsional wakil2 kakuatan partei2; 4. Terapkeun sistem penghargaan pagawe negeri dumasar prestasi, jeung penalti lamung pagawe negeri ngalanggar aturan 5. Larapkeun kredit progresip keur tatanen/patani (kredit anu teuy gumantung anggunan); 6. Antara Bank (BRI upamana) jeung Deptan kudu layeut koordinasina (upamana: mayar kredit ka Bank cukup ku hasil tatanen, bank jeung deptan anu ngarengsekeunana); 7. Bere modal kerja patani (lain modal duit); 8. Mitra Usaha Tani hirupkeun (konsep koperasi anu asli dumasar Pancasila...hehehe Pancasila...apa kabar dikau?); 9. Ulah aya dualisme harga BBM, nyangsarakeun rahayat. Narik kauntungan ti golongan nu usahana kuat mah di tungtung wae nalika ekspor (hartina, lamun teu diekspor produkna, pajegna leuwih ringan atawa hilangkeun mun perlu); 10. Tolak kredit LN model kredit "sapi perah" 11. Pola ngurus ekonomi nagara ulah siga ekonomi pangusaha, anu kudu untung wae ti mimiti usaha nepi kadituna. Nagara mah pantes lamun rugi heula sataun dua taun, tapi kadituna untung gede; 12. Berdayakeun para penyuluh pertanian jeung pendampingan patani (katembongna anu akhir ieu keur rame arek digarapan ayeuna2 ieu, tembong loba panawaran kerja bidangh penyuluhan petani, lumayan aya kamajuan); jst, aya 60 kaca Kang, kungsi dikintunkeun ka timna SBY, duka diaos henteu na mah. Aya kitu pamimpin nu wani ngajalankeun hal-hal siga anu ditataan di luhur. Aya cenah, engke, lamun geus teu ngaralieukan wae ka tukang, lamun geus mucunghul budak angon ti lebak cawene, ngangonna ngangon tutunggul jeung kalakay. Hehehe...eta mah mistik atawa klenik, atawa paling luhur: wangsit. Anu jelas mah pamin lamun geus mibanda karakter tilu no poko: jujur, wani jeung pinter. Heheh, siga nu khotbah nya Kang. Hapuntenna, rada ngocoblak. baktos, manAR --- In [email protected], "Waluya" <[EMAIL PROTECTED]> wrote: > > Macaan dina koran, naha bener kitu, mahalna dahareun teh kulantran loba > dahareun (pangan) dirobah fungsina jadi bahan bakar? Sawit cenah jadi mahal > di pasar dunya kulantaran dijarieun biodiesel, nepi ka Malaysia (geus puguh > Indonesia mah) nu produsen sawit panggedena di dunya, kakurangan sawit keur > minyak goreng(?). Kitu deui jagong, malah oge kadele ceuk artikel dina > Kompas sababaraha poe katukang. Boa-boa tarigu oge sarua ..... > > Lamun bener kitu, beuki ripuh we nagara-nagara miskin, nu dahar rakyatna > ngagantung kana pangan import ..... > > Baktos, > WALUYA >
