Saprak BBM naek asa beuki hareudang naek angkot da aya wae nu pagetreng
masalah mayar. Enya ge can aya pangumuman resmi ti pemda tapi kenek mah tos
menta leuwih, nu tadina 2000 jadi 2500 naek 25%. Nu embung mayar leuwih biasana
lumpat kana dalil pan cenah tacan aya pangumuman naek tarip, ari kenek mah
lumpat kana fakta harga bensin geus naek. Jadi we ribut, keur balik digawe
cararape teh asa beuki sumpek, jalma babawaanana jadi barangasan.
Tos dites sababaraha kali geuning kenek teh teu ngotot harga paeh menta naek
25%, da geuning 2.200 ge ditampi aman damai. Jadi sabenerna mah dina urusan
mikrolet, metromini teh aya sisi surti, solider, empati (?). Mun tetep
make dalil aturan dibacana maranehna teh urang teu paduli lingkungan, teu
paduli kaayaan batur, tapi mun urang mere leuwih dianggapna tos surti,
ngarasakeun kasusah batur.
Kiitu carita di Jumaah enjing, katampi sukuur teu katampi nya mugi dihapunten.
cag ah
JP
Makarya Mawa Raharja
