Kuring nitenan tulisan ngeunaan kujang anu dialungkeun ku Mang Jamal seratan ti Tedi Permadi sareng Anis Jatisunda. Aya nu rada aneh dina eta tulisan teh. Kuring heunteu rek madungdengkeun eusi tulisan eta, tapi sumber tulisan eta teh timana? Hiji tulisan anu utuh, komo deui ieu "menyangkut" hiji masalah anu dipedarkeun sakitu jerona, pastina oge aya bahan referensina. Sabab hal ieu teh "menyangkut" etika hiji tulisan. Eta cenah salah sahiji sumberna tina "Pantun Bogor", pantun bogor nu mana? kaluaran tahun sabaraha? jrrd. Referensi tulisan bisa jadi hiji ciciren kualitas eusi tulisan, sahih jeung validna hiji tulisan, sarta kualitas anu nulisna. Conto, tulisan perkara angka 13 jeung kasilan poe jumaah, anu dialungkeun ku Mang Ucup, data-data anu ngadukung eta tulisan mani sakitu lobana. Tapi barang "diadukeun" jeung kanyataan anu ditunjukkeun ku kang Yana, yen angka 13 teh dipake pikeun nyirian hiji jalan jeung blok di wewengkon New York, eta tulisan katingali wadulna. Bandingkeun jeung tulisan "golok" anu ditulis ku Ua Sasmita. eta tulisan jelas meunang ngarangkum tina hasil wawancara jeung sababaraha urang anu boga pangaweruh dina "pergolokan". baktos, mrachmat uidipura
