Ieu gambar pa pulung atawa bapa narah. Di poto di jalan alternatip asuk ka kawasan tanah ulayat Baduy. Teu ka ciboleger katuketug, tapi ka ciranji-kp Pa Pulung. Pa pulung sok ka bandung jakarta, mawa baju jeung madu jualeun. pangjauhna kungsi cenah ka panjalu, keur leutik, diajak bapana alm. Di ciranji pa pulung teh kokolot kampung atawa rt meureun. Garis kulawarga ti baduy jero, ti cikertawana. Di lawang aya papan tulisan Amanat Buyut. Ringkes tapi eusi Nu gampang kaharti mah sigana soal kudu ngarawat alam tempat hirup. panjang teu meunang dipotong pondok teu meunang disambung. Jadi kudu kumaha? Nya antep we. Let it be. di handap, sigana kana hal lain, soal sikep atawa patekadan. nu lain kudu dilainkeun nu ulah kudu diulahkeun nu enya kudu dienyakeun meureun maksudna kudu pasti.
<<image002.jpg>>
