mangga bilih aya nu minat... --- On Tue, 19/8/08, Nining Sariningsih <[EMAIL PROTECTED]> wrote: From: Nining Sariningsih <[EMAIL PROTECTED]> Subject: Salaka Online Edisi ka lima Agustus 2008 To: [EMAIL PROTECTED] Date: Tuesday, 19 August, 2008, 6:18 PM
Kalayan Hurmat, Alhamdulillahirobbil Allamien, jisim abdi sareng rerencangan, parantos tiasa medalkeun Majalah Sasihan Basa Sunda SALAKA edisi anu ka lima Agustus 2008. Anu eusina: Lalayang/Serat http://www.salaka.net/?page=Lalayang Midangkeun: Pamadegan, kereteg hate, pameda (kritik), usul/saran anu didugikeun ka Salaka Online ngalangkungan Uparengga Palalangon (http://www.salaka.net/?page=ContactUs) atanapi ngalangkungan E-mail/Surelek ka [EMAIL PROTECTED] Lawang Gintung/Tina Meja Rumpaka http://www.salaka.net/?page=LawangKori Midangkeun: Kabhinekaan Nu Kudu Tetep Tunggal Ika Nusantara nu diriung ku laut, dipasieup tilu rebu pulo, padumukna aya 400 seler bangsa, mangrupa kabeungharan anugrah Mahasuci nu tan wangenan. Rupa-rupa basa indung, nu dipiara tur jadi kakayaan selerna, nu endah pikeun silih pikawanoh jeung silih pikadeudeuh. Ti taun ka taun ti abad ka abad, malah nincak mangsa millennium ka ti tilu, kalanggengan basa indung mimiti muguran. Geus loba basa indung nu paeh, pedah teu dipiara ku selerna sorangan. Tina 400 seler teh (lolobana di Papua, cenah ceuk hiji panalungtikan kari 150), nu kaitung badag kari 9. Nya eta, Basa Jawa, Sunda, Lampung, Bugis, Banjar, Dayak, Batak, Bali, jeung Madura. Taun 1982 Basa Batak sacara resmi kabejakeun paeh, geus teu dipake di wewengkonna sorangan. Nepi ka bijil pemeo, puseur basa Batak di Bandung, puseur basa Sunda di Aceh. Kitu ceuk babaturan, urang Leiden-Walanda. Nu ngayakeun panalungtikan salila 10 taun. http://www.salaka.net/?page=LawangKori Paraloka/Kaagamaan http://www.salaka.net/?page=Paraloka Midangkeun: Taudz Pakarang Manusa Nu disebat kalimah taudz teh nya eta kalimah anu diparentahkeun ku Allah SWT sangkan diaos ku sing saha anu bade ngaos Al Qur�an, sanaos mung saayat. Eta parentah kaunggel dina surat An Nahl ayat 98 : Fasidzaa qoro�tal qur�aana fasta�idz billai minasysyaithoonirojiim. Hartosna dimana anjeun rek maca Qur�an, mangka anjeun kudu nyuhunkeun panyalindungan ka ALLOH tina panggoda syetan nu dilaknat (dipecat tina rokhmat). Kalimah Taudz the aya dua rupi; Kalimah anu ka hiji , numutkeun hadits riwayat Imam Ahmad sareng Imam Turmudzi, diriwayatkeun ku Imam Abu Daud sareng Imam Nasya�I nu pihartoseunanana : Katampi ti sahabat Abu Syaid al Hudri , ti Kangjeng Nabi Muhammad SAW saestuna anjeun (kj Nabi) sapertos biasa dina sholat sok ngaos doa Iftitah, lajeng Auuzdu billahi sami�il allimi minassysyaithoo nirrojimi min hamdziyi wa nafhihi wa nafsihi, �abdi sumalindung ka gusti Allah nu maha nyandangan, maha uninga tina gogoda syetan nu la�nat (dipecat tina rokhmat), tina fitnahna, tina kagumedeanana sareng tina kakuatan sihirna.� http://www.salaka.net/?page=Paraloka Paraguna/Kabudayaan http://www.salaka.net/?page=Paraguna Midangkeun: Panalek, Carpon: Asep Idjuddin Nu ngajoprak can usik keneh disimbutan angin nu reureundahan ngagalindengkeun rasa kamari, binarung sora suling nu nyeuitan tineung, can kungsi reureuh. Duka teuing kunaon, padahal talatah nu diharewoskeun geus tiheula nyulusup mubus kalbu. Sabenerna asa teu kudu ngahahambur energy, komo ngahahambur jasad, pan tina harewos ge geus atra, saha nu boga? Tah mun mikir mah eta panalek kudu dijieun bahan kontemplasi, nafakuran diri. Jawabanana bisa wae unggal jalma beda, apan hiji tatanan panafsiran mah, leutik gedena gumantung kana kasangtukang pangaweruh nu nyampak. Teu bisa eta ge ari sakarep-karep mah, najan katalikung ku �darma wawayangan� usik malik kuma Kersa, hirup teu nangtungan waktu paeh teu nyaho di mangsa. Meni asa bener, ngantep diri teu walakaya pedah kauger �teu daya teu upaya�. Poho tah kana mustika anugerah nu teu dibikeun ka unggal mahluk, A K A L jeung B U D I, senjata utama keur ngungkulan hirup, bisa mawa kana hurip, da kateang ku milah-milih-malah-malih. Cindekna, moal nepi ka huleng jentul hurun balung, mikiran nu teu kapikir. Golesat gedebug teu sare unggal peuting, suda dahar, poek pikir, nyangga beungbeurat nu padahal bisa diecagkeun. Lamun bisa nempatkeun hirup dina tempatna. Geus nyaho teu daya teu upaya, bet dikeukeuweuk wae. Pedit, hawek, sarakah, buah bodo teu bisa nerapkeun mustika. Kawas monyet ngagugulung kalapa, akal dina wujud otak unggal poe dibabawa, ukur papaes wungkul, ari teu dipake teu dgunakeun, teu dimangpaatkeun mah. Usikkeun sakalian kadalian ku kalbu. Matak harewos teh dicecebkeun kana kalbu, dina wujud daging jantung. Ngamudi akal ngarah bijil sari B U D I. Adumaniskeun, janggelekkeun jadi akal-budi dina wujud laku-lampah, nu mucunghul tina niat, ucap, rengkak-paripolah. Salila eta kadali teu dilesotkeun, nya lalaunan nerekelkeun ajen kana undakan insanul kamil. http://www.salaka.net/?page=Paraguna Galindeng Kacapi Diri (4), Carita nyambung Dyah Kania Pitaloka Kabeh gambar kalakuan tepung munggaran, tuluy hahadean antara manehna jeung Ika, lir film, taya nu kaliwat. Enya sabenerna mah, teu salah-salah teuing Ika. Manehna ge rumasa kecing, jeung kaduhung kareureuhnakeun. Basa manehna anyar diwisuda, Ika nitah buru-buru nepungan kolotna. Sahenteuna, neundeun neundeun omong atuh, kilangbara nanyaan mah, ceuk Ika harita. Ari manehna ngarasa can sayaga. Mikirna panjang, gawe can boga, kolot batan sakitu, piraku rek nurut ka mitoha. Gengsi. Manehna menta waktu, sataun. Tapi geus sataun teh, masih keneh can meunang pagawean. Leos we diajar ngumbara, ka kota sejen. Sugan di Jakarta mah, moal heurin kawas di dieu. Manehna teu wani mere beja. Sabab keur saheulaanan mah, nyiar kipayah na teh, jadi juru laden, alias tukang ngaduk dina bangunan. Hasilna ukur mahi keur dahar sapopoe, bari kudu ngirit, da kudu mayar kamar panganjrekan. Kitu we pagaweanana pundah-pindah, da ngirimkeun lamaran mah angger dilakonan. Dalapan bulan ti harita, lamarannana aya nu narima, di hiji pausahaan media. Sanggeus lulus testing, tuluy milu diklat salila tilu bulan. Tah eta nu rumasa dosa teh. Salila dalapan bulan, manehna teu ngirim beja sakali-kali acan, dalah alamat na ge teu dibejaan Ika teh, da era, bisi Ika nyusul kana gowok, sisi susukan. http://www.salaka.net/?page=Paraguna Puisi - puisi Shinta Ayu Punianjung http://www.salaka.net/?page=Paraguna Prepantun/Sajarah http://www.salaka.net/?page=Prepantun Midangkeun: Karajaan Sunda Sakumaha anu dijelaskeun ti heula, yen Tarusbawa diistrenan jadi raja Tarumanagara, ngaganti mertua (Maharaja Linggawarman) dina taun 669 M. Taun 670 Tarusbawa ngaganti ngaran karajaan jadi karajaan SUNDA, puseurdayeuhna di Purasabha Sundapura, wewengkon Bekasi ayeuna, dipindahkeun rada ka jero (pedalaman), ka wewengkon Batutulis-Bogor ayeuna. Akibat ngaran karajaan diganti, dijieun kasempetan ku Wretikandayun (ngadegkeun karajaan Galuh taun 612 M), pikeun misahkeun diri tina kakawasaan Tarumanagara. Tarumanagara di bagi dua kalawan watesna Citarum. Ka Beulah kulon wewengkon Sunda, ka wetan wewengkon Galuh atawa Parahyangan. Tarusbawa mindahkeun karaton puseur pamarentahan teh, kacatet dina kropak no. 406 nu unina : Di inya urut kadatwan, ku bujangga Sedamanah, ngaran sri kadatwan Bima-Punta-Narayana-Madura-Suradipati. Anggeus ta tuluy diprebokta ku Maharaja Tarusbawa deung bujangga Sedamanah. Disasar ka hulu cipakancilan, katimu Bagawat Sunda Mayajati, ku bujangga Sedamanah dibaan ka hareupeun Maharaja Tarusbawa. �Di dinya urut karaton nu ku Bujangga Sedamanah dingaranan Sri Kadatun Bima-Punta-Narayana-Madura-Suradipati. Sanggeus beres diwangun, diberkahan ku Maharaja Tarusbawa jeung bujangga Sedamanah. Diteang ka hulu Cipakancilan, di dinya kapanggih Bagawat Sunda Mayajati; ku bujangga Sedamanah dibawa ka hareupeun Maharaja Tarusbawa�. http://www.salaka.net/?page=Prepantun Byapari/Tokoh, Pangajen, Panghargaan http://www.salaka.net/?page=Byapari Midangkeun: Oto Iskandardinata Dugi ka kiwari teu kapendak di mana jasadna saparantos dipergasa di basisir Mauk, Tangerang. Makamna di Pasir Pahlawan, Lembang, Kab. Bandung, mung sakadar simbolik. Padahal anjeunna the Pahlawan Nasional. Peryogi ayana panalungtikan anu langkung teges, saha nu mergasana, dimana jasadna nu saleresna. http://www.salaka.net/?page=Byapari Museum Negeri Sri Baduga Penting Keur Sarana Pendidikan Anu daratang ka Museum Sri Baduga satiap taunna aya kana 150.000 urang. Tina jumlah sakitu teh kira-kira 80 % rereana pelajar. Hiji hal anu ngagumbirakeun yen masarakat Bandung hususna, Jawa Barat umumna, utamana di kalangan barudak sakola aya paningkatan ti taun 2006 anu kurang leuwih 138.000 urang. Di luar siswa anu daratang ka Museum, aya kulawarga, mahasiswa, tamu nagara jeung tamu asing. Ningkatna jumlah anu daratang ka museum mangrupa ciciren yen geus aya kasadaran masarakat pikeun ngamangpaatkeun Museum Sri Baduga keur sarana pendidikan. http://www.salaka.net/?page=Byapari Pawayagahan/Carita Alam Aheng http://www.salaka.net/?page=Pawayagahan Midangkeun: Balik Deui Kana Beuteung Indung Isuk-isuk keneh geus hudang, muru jam genep rek ka sawah. Balik ba�da Lohor. Datang ka imah, kedewek dahar, reureuh, sholat. Reup peuting sare�������, Isuk-isuk hudang . Kitu jeung kitu bulak balik, unggal poe, unggal bulan, unggal taun. Kudu hudang isuk-isuk, kudu kasawah ngawaskeun pagawe, kudu dahar, kudu sare jeung sajabana ti kudu. Lalakon hirup duapuluh opat jam saban poe ngan kitu jeung kitu wae. Hirup tungkul kana kudu, disengker ku waktu. http://www.salaka.net/?page=Pawayagahan Pawitra/Pabukon http://www.salaka.net/?page=Pawitra Midangkeun: Pameran Buku Bandung 2008 Sanajan dina bulan tukang rea panerbit nu geus rek �maot� lantaran naekna harga keretas 2 kali dina salila 3 bulan, ditambah dampak kanaekan BBM nepi ka IKAPI tibabaranting ngajaga kawijakan pabukon nasional kaasup PP No. 2 taun 2008 jeung meulina hak cipta tulisan buku pangajaran beuki ngabeungbeuratan kahirupan anggota IKAPI pikeun ngawangun budaya baca jeung bisnis pabukon nu saimbang, jade karasa liwung jeung nguyung saperti cek papatah �maju keuna, mundur keuna�. Pameran Buku Bandung 2008 mangrupa jawaban ti panerbit nu kagabung kana IKAPI anu tetep teuneung jeung konsisten pikeun ngabina budaya baca masarakat dina raraga ngajaga kualitas peradaban manusa nu berbudaya di tengah kendala jeung kasulitan nu disanghareupan. http://www.salaka.net/?page=Pawitra Maraspande/Wisata http://www.salaka.net/?page=Maraspande Midangkeun: Panjalu Panjalu ngaran hiji desa di kacamatan Panjalu, kabupaten Ciamis, provinsi Jawa Barat. Desa Panjalu sakaligus jadi ibukota kecamatan Panjalu. Prasarana jalan ka eta tempat memang hade. Boh nu asalna ti kulon atawa wetan. Ti kulon, utamana ti Bandung ngajugjug Panjalu ngaliwatan desa Ciawi, Panumbangan. Jauhna aya kana 100 km. lamun ti wetan nyaeta ti Cirebon atawa Kuningan ngajgjug Panjalu ngaliwatan Panawangan jeung Kawali jauhna kurang leuwih 30 km. http://www.salaka.net/?page=Maraspande Badingkut/Rupa - rupa, warna - warni http://www.salaka.net/?page=Badingkut Midangkeun: SMP NEGERI 38 BANDUNG Boga Prestasi Anu Nyongcolang Di Widang Olahraga Jeung Kasenian SMP Negri 38 Bandung anu pernahna di jalan Borobudur, kuloneun TVRI Bandung, ngabogaan prestasi anu nyongcolang utamana dina olah raga Futsal. Padahal prestasi lianna oge saperti dina widang Bina Mushola POPP, Majalah Dinding, Lomba Lukibra, Ngalukis, Debat Bahasa jrred. boga prestasi anu lumayan. Malah dina bulan Mei nu anyar kaliwat, SMPN 38 oge ngaboyong dua Trophy, jadi juara ka I Pasanggiri Rampak Sekar jeung Paduan Suara sa-Kota Bandung. Hususna dina widang seni, siswa-siswina di bimbing ku Bapak Asep Rahardja jeung Ibu Junengsih,S.sen. http://www.salaka.net/?page=Badingkut Pensiunan PT.TELKOM Jadi Tukang Mulung Saha anu teu hareugeueun Pangsiunan salah sahiji perusahaan pang majuna di Indonesia, jadi pamulung. Bet teu kaharti ku akal, naha ieu teh taya perhatian ti para inohong PT.TELKOM atawa karyawanna teu bisa ngirit duit gajih. Sabaraha atuh gajihna the, kumaha nepi ka bisa jadi Pamulung? http://www.salaka.net/?page=Badingkut Belenyeh/Guguyon http://www.salaka.net/?page=Belenyeh Midangkeun: Ngadaharan Batu http://www.salaka.net/?page=Belenyeh Garam Inggris http://www.salaka.net/?page=Belenyeh Rematik http://www.salaka.net/?page=Belenyeh Maen Bal http://www.salaka.net/?page=Belenyeh Kuciwa http://www.salaka.net/?page=Belenyeh Mugi janten uninga, oge timpah hatur nuhun, upami kersa ngalongok. Rumpaka Salaka http://www.salaka.net - Sunda sadu Santa Budi Imah pangancikan Raga, Basa pangancikan Rasa, Sunda pangancikan Kula. Send instant messages to your online friends http://uk.messenger.yahoo.com
