Jiga kalangkang duh keur waktu pajar Di beulah wetan tuh hurung gumebyar Nyebar mencar sinar puyar Gelar nyumponan takajar Rek nyuaykeun, nu ngadingding Indung peuting lir pipinding Ngahiliwir ngadalingding Bray beurang alam sinangling Pajar geus puyar duh ganti ku beurang Angin panggeuing lir nitah tatandang Ngangkat ajen jeung komara Harkat darajat Ki Sunda Kasenian kabudayan titilar rasa kasundan Rasa lahir rasa batin Wawakil jisim sumalim Sabilulungan duh Putra Pasundan Ngagarap seni jeung kabudayaan Rampak sekar sauyunan Ngawujud sekar gendingan Kawih sedih nu kasmaran Sorana ombak ombakan Ngahaleuang lir nalangsa Hayang diraksa diwejang --- On Thu, 9/4/08, Nong Gerak <[EMAIL PROTECTED]> wrote:
From: Nong Gerak <[EMAIL PROTECTED]> Subject: [Urang Sunda] (Serat: 39)(SILIWANGI & KI SANTANG)_Prak Geura Narindak ! To: "urangsunda" <[email protected]>, "baraya_sunda" <[EMAIL PROTECTED]>, "kisunda" <[EMAIL PROTECTED]> Date: Thursday, September 4, 2008, 11:01 AM Prak Geura Narindak Kudu reueus jadi urang Sunda, kudu ngariksa kanu budaya sunda, kudu teu era nunjukeun yen diri urang Sunda, kudu ngahargaan ka sakabeh tuturus Sunda, kudu ngalengkah didasaran agama, kudu ngajaga supaya teu leungit ciri Sunda, ciri na diri jeung ciri dina laku lampah sagalana, InsyaAllah moal bakal leungit ieu Sunda. Ulah hayang ganti baju jadi batur, kudu nyaah ka batur salembur, kudu ngarasa sasama Sunda teh dulur. InsyaAllah urang bakal bareng nanjeurkeun deui Sunda bari akur. Prak geura narindak, ulah kalah silih sentak, ulah murungkut jiga landak, istuning bagjaning ati bakal kapendak.
