Kamari kuring mostingkeun perkawis acara HBH KUSnet sapertos dihandap ieu. Tadina mah, diengke-engke teh milarian waktos sareng materi acara anu tiasa nyugemakeun kanggo para wargi KUSnet, sareng hoyong ngayakeun “pembaharuan” sareng perobihan anu kaluar tina kagiatan anu ilahar, ku cara nawiskeun halal bihalal bari sakantenan wisata studi ngaluaskeun wawasan, anu satiasa-tiasa mah heunteu ngarepotkeun wargi KUSnet. Rupina para wargi KUSnet tos teu sabar, hapunten kuring tambelar. Dina perkawis ieu kuring anu lepat. Ka para wargi KUSnet mugi agung cukup lumur jembar panghapunten. Kumargi respon kana naon anu ditawiskeun ku kuring, kirang direspon sacara positif, kuring salaku anu kapapancenan kenging amanah janten ketua kanggo ngayakeun acara Halal Bihalal KUSnet taun 2008 ieu, bade masrahkeun deui amanah ieu ka para wargi KUSnet, hususon ka Apih Sidik. Baktos, Mrachmatrawyani HBH KUSnet (19/10) di Sindangbarang Bogor Ka para wargi KUSnet anu tos masihan amanat, si kuring nyuhunkeun panghapunten, wirehna salami ieu, “ngabetem” perkawis Halal Bihalal (HBH) KUSnet, kumargi teu acan gaduh kapastian perkawis tempat, acara sareng waragad. Dinten ieu nembe “nyay-nyayan” aya sakedik harepan, margi tos kacepeng perkawis acara HBH. Tema acara mah sederhana wae “manjangkeun silaturahim, nyukruk salah sahiji situs Karajaan Sunda”, anu bade ngabantos sareng supados langkung “memahami” perkawis ieu, Agus Aris Munandar , doktor Arkeologi FIB UI anu “menemukan pertama kali” situs Karajaan Sunda di Sindangbarang Bogor, sayogi janten narasumber. Disarengan ku para mahasiswa FIB UI anu sayagi janten “pemandu” wargi KUSnet, pikeun ngabaladah situs. Kunaon HBH KUSnet nyabit-nyabit situs Karajaan Sunda? Margi sataun dua taun kapayun mah, eta situs teh tos janten rel estet, sapertos di Rancamaya. Iraha waktosna? Teu lepat deui, dinten minggu ping 19 Oktober 2008, ti isuk jedur dugi ka wanci magrib. Dimana tempatna? Di Kampung Budaya Sindangbarang (KBS) Bogor. Kumaha perkara waragad? Saur ti pihak KBS mah masihan ancer-ancer infak Rp 50.000/jalmi. Naha kedah di Sindangbarang? Supados upami panata calagra aya karerepet, tiasa “lumpat” ka bumi Apih Sidik. Perkawis teknis sanesna, tiasa dibadantenkeun langkung paos, dina acara rapat/kempel panata calagra. Baktos, mrachmatrawyani
