Ieu nang hiji pamaksadan Hiji pamedalan ka Nyi Mojhank Kawas bentang nu baranang Kawas kahayang nu diawang-awang ............ Lain akang teu uyahan SMS teu pisan-pisan Eta hiji pamaksadan Nu aya dinu Parasaan ............. Saban poe balik peuting Lain hayang jadi jalma penting Akang hayang hiji bukti Sugan wae jadi pasti Akang nang bisa doa jeung usaha Satuluyna serahkeun kanu Kawasa SIMA MAUNG PADJADJARAN Sima Aing Sima Maung, mun dideuleuk-deuleuk eta babasan kolot baheula keur manggawean hiji kayaan. Ceuk cenah jeung cenah eta the mituduh urang kudu leber wawanen migawe tanggung jawab sabab eta pilampah urang hade gorengna atawa mereun ulah “epes meer” tea. Mun ngadeuleuk ka kamus terbitan ti LBBS tahun 1992, didinya jentre siman teh hartina maung, atawa ngabogaan sifat pikasieuneun atawa pikaeraeun batur nu nyanghareupanna. Kunaon atuh sok dikuat-kaitkeun ari kawani teh jeung Maung. Ceuk cenah Maung teh ngageureumna pikasieunan, jeung na deui rajana leuweung. Tapi naon bedana maung jeung Singa. Meuren deui ceuk uing mah di urang eweuh Singa aya oge Maung. Mun ngomong-ngomong di tatar-sunda, uing mun cacahan jeung seler lain kungsi aya nunyeuleutuk cenah urang sunda mah teu maju-maju sabab loba teuing percaya mitos. Sok komo basa aya nu nanya ka uing naha enya Siliwangi teh sarua jeung maung. Nya mun urang panasan atawa darah tinggi mah sok hayang nyabok eta jalema, tapi nu ngaranna jalma nu kaintipan pandidikan mah mereun urang kudu make logika. Nya antukna ku uing dijelaskeun weh kunaon Siliwangi teh Maung, didinya kuring nyoko kanu simbol maung kudu wanian, laju dijentrekuen deui malihan mah di hiji nagara ge loba nu simbol na make sasatoan kawas Three Lion tea geuing. Aya oge Maung diidentikeun jeung hiji kasawelasan di Bandung nu diaranna PERSIB MAUNG BANDUNG tea, nu mana hiji ikon keur Urang Sunda oge tapi Maung mah Lain “MACAN KEBANJIRAN”. Tah kudijelaskeun kitu babaturan teh rada teu himeng teuing, ku kuring sok dibalikeun weh naha geuning di maneh mah masih percaya kanu parimbon-parimbon sok komo loba geuning dinu tivi ngirim ka nomor nu opat angka tea. Balik deui ka Maung, kungsi oge aya nu percaya cenah basa gunung salak bitu taun 1699 kayaan pajajaran teh pinuh ku taneuh jeung batu, tapi di hiji ditempat nu mana di Batu Tulis hiji prasasti keur mieling Sri Baduga ku yasana Surawisesa tahun 1533 teh didinya ceuk cenah jeung cenah loba Maung nu caricing didinya. Tapi aya oge ceuk mitos mah eta teh para pangabdina atawa prajuritna padjadjaran tea, duh asa ku jauh teuing ku akal mereun elmu uing mah can nepi kadinya. Tapi nu jadi panasaran naha loba Maung nu caricing didinya, ceuk cenah mah aya kayaan nu mana hiji sato neangan tempat nu haneut jeung biasana sato kawas Maung sok ngagesekeun awakna ka batu. Tah mun ieu mah rada kahontal. Tah ari nu lianna mah masih kapahung sugan weh aya nu apal sok di benjer beaskeun atuh. Maung ge aya nu dijieun hiji atraksi atawa kasenian, nu mana di hiji tempat di lembur uing Kabupaten Subang nu mana bulan ayeuna bakal aya PILKADA keur Subang Hiji. Tah di lembur uing aya nu ngaranna Sisingaan. Jir aya ku aheng di Subang aya Singa, panan boro-boro Singa di Subang ari di Tatar Sunda mah jarang manggihan. Heeheh ke heula atuh ulah sok ambeukan komo uing mah budak kamari isuk nu masih keneh loba di warah ti kolot-kolot. Tah kieu nungutkeun Cacahan jeung hiji kokolot atawa seniman kahot di Subang nu ngaranna Kang Mumuk, manehna nu ngabogaan Padepokan Sisingaan Putra Jamparing, tah mun didinya apal oge meureun seni Lais nu pangalusna teh ddieu oge nu perankeun ku Mang Opik tea. Jir Primordial pisan, kajeun ach ieu mah aya buktina seh. Balik deui ceuk kang Mumuk teh ieu ngarupaan hiji protes ka pamerantahan Walanda nu mana subang teh nu diaraan P&TJ tea. Sok komo panan Walanda mah lambang Singa lain. Laju masarakat Subang nyieun hiji parotes eta ngaliwatan kasenian, panan ari urang walanda mah teu apalan isina kasenian Sisingaan mah, padahalmah eta keur parotes ka si maranehna. Tah cacahan teh teu nepi kitu wae, geuningan kungsi dibahas dinu hiji koran di Subang teh Gudangna Kasenian. Naha enya sok weh atuh udongkap ka Subang, uing ge apal na basa cacahan jeung manehna, malihan aya kasenian buhun kawas gemyung, aya oge nu ngaranna henjring ronyok , tah kasenian nu lianna mah teu apal. Aya oge ti Kang Mumuk ngabogaan ide, basa manehna geus babaraha kali di ondang ku Milang Kala-na Kabupaten Bogor ngirimkeun Sisingaan Putra Jamparingna. Manehna rakeut pisan jeung Pa Hadi ti Disubudpar Kabupaten Bogor. Manehna boga ide ka Pa Hadi jeung Pa Adnan Taufik ngeunaan hiji Kasenian. Ieu Kasenian teh diaraanna SIMA MAUNG PADJADJARAN. Sok komo ieu mamaungan teh diangkatna ku 6 jalma nu gedenan 3 meter. Ih naha pipilueun kawas Sisingaan. Ke heulaanan. Ceuk kang Mumuk ari Sisingaan mah geus identik jeung Subang, ari SIMA MAUNG PADJADJARAN mah lain ngajiplak ka Sisingaan tapi kainspirasian jeung na deui bisa jadi ikon tatar-sunda. Sok komo bogor mah dayeuhna kuduna mah, lain Bandung atawa Subang. Sok komo ari gorengna seniman atawa budayanmah sok asa paing-aing hese dihijikeun sok komo ari geus aya kokolot jeung kahot katut loba duit mah nu lainna mah ilu bae atawa “Titip Panon Bae”. Tah ku ayana SIMA MAUNG PADJADJARAN teh bisa ngahijikeun seniman atawa budayawan nu aya di bogor hususna sok komo tatar-sunda umumna. Jeung na deui kudu aya REVITALISASI BUDAYA SUNDA teh dinu sagala widang teu ngapohokeun tukuhna. Naratas lulurung hirup Parakan jati sampurna Ngamandala asih suci jalatunda Sindangkeun barang kaheman Angen sunda Pakuan Pun ! Yayan Mulyana http://balebat-online.com
