--- On Sat, 10/4/08, Abbas Amin <[EMAIL PROTECTED]> wrote:
From: Abbas Amin <[EMAIL PROTECTED]>
Subject: Silat-3
To: [EMAIL PROTECTED]
Date: Saturday, October 4, 2008, 10:43 PM
Sanggeusna beuki kawasa si Empeh Ouw dititah ngagedean restoranana sedengkeun
Si TiluDewa terus ngayakeun Losmen nu dijadikeun tempat tamu nginep ; salian ti
eta diayakeun hiburan2 nginum jeung ngadu/maen; geus kitu ngayakeun oge
sakalian awewe bangor nu pikeun ngahibur tamu; ku nu darenok medok jeung
daremplon; atuh sakeudeung oge eta kampung teh jadi rame ; jadi hiji kota
leutik; loba nu daratang ngadon daragang jeung salian ti eta
Eta kota teh diurusna nya ku anak buah Si Tilu Dewa; kitu deui nu ngajalankeun
usaha losmen jeung NGADU; maen; kabehanan ku anak buah Si Tilu Dewa ; ari nu
tiluan mah ngan ukur narima hasilna wungkul.
Ka kota eta kungsi oge aya Pulisi tukang nyilidik ka tempat eta teh; tapi
kapincut ku hiji awewe tukang ngahibur, nepi ka diloloh inuman nu matak mabok,
bari jeung diracun, atuh isukna teh maot we; atuh guyur we ; nepi ka Camat ti
Kota datang mariksa; atuh kapaksa si Tilu Dewa teh nyogok si Camat ku duit nu
gede pisan; nya jep we eta kasus teh dianggap kacilakaan biasa. Padahal Eta
Patugas Nagara teh rek nyilidik harta kakayaan Nagara nu kungsi dirampog
sababaraha bulan nu geus kaliwat; jumlahna teh gede pisan.
Tapi aya babaturan patugas Nagara nu teu cicing kitu wae; terus datang deui
nyilidik kadinya; ayeuna mah si Tilu Dewa teu daekeun gagabah , si Pulisi nu
nyilidik teh diantep we; tapi ditarimana kacida someahna bari diwowoy ku
sagalana; atuh eta pulisi balikna teh nyieun laporan nu hade pisan pikeun
babaturan Pulisi di Puseur Dayeuh ; nya atuh eta kota teh teu dicuriga
saterusna mah. Tapi keur ngawowoy eta Pulisi Si Tilu Dewa teh ngaluarkeun duit
nepi ka Rebuan Tael . Si Tilu Dewa teu cicingeun terus we marentah anak buahna
pikeun meres masyarakat didinya; dalihna mah "kaamanan"
Dina hiji sore, aya tamu nu datang ka Losmen; hiji wanoja nu rupana kacida
geulisna; diiring ku pangasuhna salaki jeung pamajikan.
Nenjo wanoja nu sakitu geulisna, nungajaga kaamanan, nu rata2 anak buah si Tilu
Dewa , mani molotot nenjona ; salah saurang gancang laporan ka kapala Kaamanan
nyebutkeun yen aya nu herang2. Kade ah ulah diganggu, bisi anak pajabat cenak
cek Kapala Kaamanan teh
Eta wanoja teh resepeun dikota leutik eta teh, terus we nginep di Losmen eta
teh aya samingguna; keun cenah resep loba pamandangan di kota ieu mah.
Demi eta wanoja teh disebut Su Siocia ( Eneng Su lantaran she na SU) nu sejenna
nu memang palayan eta Neng Su nu lalaki ngaranna Tan Liong ; ari nu awewe
pamajikanana ngaranna Lu Eng Eng; eta wanoja teh kapangih ayeuna mah lain anak
Pajabat cenah. Terus wae Si Kapala Kaamanan nu ngaranna Gouw Lokindit nepungan
babaturanana rek ngabadamikeun si MOJANG Geulis tea.
Di na eta babadamian disatujuan yen eta mojang geulis teh bakal ddiolo supaya
bisa jadi "Wanita tukang ngahibur tatamu" .
Gouw Lok ngingetan:”Tapi kade euy ulah gagabah maranehanana siga nu ngarti
Silat”
“Hahahaha, geus sabaraha kali urang sok amprok jeung nu jago mempo; kapan
akhirna mah urang oge pan nu meunang; ulah ham ham lah, ” Hoa Seng sobatna
nempas .
