--- On Tue, 10/28/08, Abbas Amin <[EMAIL PROTECTED]> wrote:
From: Abbas Amin <[EMAIL PROTECTED]>
Subject: Silat- 17
To: "proletar" <[EMAIL PROTECTED]>
Cc: "radioliner" <[EMAIL PROTECTED]>, "padhangmbulan" <[EMAIL PROTECTED]>
Date: Tuesday, October 28, 2008, 12:56 AM
Di na riungan eta Si Tilu Dewa rempek aya tiluanana; nya eta Dewa Kahiji ( Toa
Sian ) ngaranna Ong Kiok Louw si Bedog neang Pati; saterusna Jie Sian ( Dewa
kadua ) ngaranna Phang Jie Kiong Si Ceker Rajawali; ari nu katilu ( Sam Sian )
ngaranna Louw Tie Kin Si Kalangkang Malaikat, lantaran ksit ilmu Ginkangna.
“Hehehe, cenah Si Pedang Perak geus ilubiung deui dina dunya Silat; malah
ngaganggu katentreman 3 saderek; leres atanapi henteu eta teh ? Si Sie Thian
Toojin ngamimitian ngabuka obrolan.
“Hahahaha, enya oge Jago, bisa naon manehanana ngan sorangan ngalawan ka urang
sarerea ?!” Nu ngomong ayeuna nya eta Si Gede Ambek Khong Kong Jie ..
“Bener, bener pisan eta teh ! Pokona saderek nu tiluan tong hariwang tong
salempang, aya kuring sarerea di dieu, saha wae nu wani nyisikudi ka tilu dewa;
urang bakal babarengan ngabasmina .” Ayeuna mah nu milu ngomentar teh nyaeta
Wan Khian Si Pedang Nyeri Hate .
“Saha nu geus ngabuktikeun kalihayan Si Pedang Perak , cing sok
dongengkeun Perak !?” Ayeuna nu ngaluarkan pertanyaan teh nya eta si Angkin
Beureum Kwee Lian Eng nu sorana cempreng .
“Guru kuring pernah baheula ngadongengkeun ngeunaan hiji budak ngora anu bakat
silatna kacida alusna, pernah cenah ngadatangan Kuil Siau Lim sorangan, terus
ngadu kadigjayaan jeung Tilu Guru besar Siau Lim; nyatana hiji hiji eta nu Tilu
Guru Besar teh asor ku Si Pedang Perak. ! Jadi lamun paamprok jeung Si Pedang
Perak, guru kuring mapatahan omat omatan kudu nyingkahan we cenah sing jauh.”Nu
ngomong ayeuna mah si Khian Lung Si Racun Kidul ..
Kabeh ting paruringis rada gimir, ngadenge carita KHian Lung anu kacida
hebatna; wah geuningan lain jelema sisiwo eta Si Pedang Perak teh; atuh ana
kitu mah lain lawaneun yeuh. Kitu pamikirna jago2 waktu harita. Terus Si Dewa
kahiji nyaritakeun ancaman ti Si Pedang Perak; terus nyaritakeun oge kahebatan
Si Pedang Perak dumasar carita anak buahna nu ngoroyok Si Pedang Perak; beuki
tambah2 we gimirna ieu jago2 Kang Ouw teh. Keur ngaharuleng kitu celengkeung Si
Angkin beureum ngomong mani tarik :" Cek beja mah, aya nu bisa nandingan Si
Pedang Perak teh, nya eta Si Tukang Beusi ( panday = gosali )."
