Bewara Kang Engkus, ngeunaan rarancang manggungna Ambu di TMII, ku sim kuring teh diforward ka sawatara milis.Bilih bisi bae aya nu hoyong uninga ngeunaan naon nu bade dikapayunkeun ku Ambu. Panuhun tiasa sumping, tiasa ngaramekeun. (Sim kuring sorangan teu tiasa dongkap: Nuju diudag deadline -- aya 3 buku nu kedah anggeus enjing, bari teu acan ditoel pisan). Ari bieu, karah mendakkan serelek ti salah sahiji wargi. Ngadon naros komentar sim kuring. Sanaos kumetot hayang ngomong -- saperti biasa, nyanyahoanan -- sim kuring asa teu gaduh kaweruh sareng kawani kangge nedunan eta pamundut. Ongkoh, nu utama mah hulu nuju cangkeul. Pakepuk, molototan naskah. Bujeng-bujeng diskusi. Hehehe... Cenah, sapertos iasa kaaos di handap, anjeunna teu wasa ngomentaran di milis. "Heurin teuing". Sanaos teu acan diidinan ku jinisna, sim kuring ngawanikeun maneh morward eta panaros ka ieu milis. Manawi bae iasa janten sawala. Seueur -- atanapi aya -- hal nu narik ati jeung pikir dina pamendak ieu wargi. Mugi janten kasaean ka sadayan... Baktos,
Maman Gantra Jalan Salemba Tengah 51, Jakarta 10440. 0812-940-5441 --- On Sun, 11/16/08, wrote: To: "Maman Gantra" <[EMAIL PROTECTED]> Date: Sunday, November 16, 2008, 7:10 AM Assalamu'alaikum wr wb. Bade sumping ka ieu gempungan? Hanjakal sim kuring mah moal tiasa margi tos dijadwalkeun acara dines di XXXX. Kataji ku jejerna. Sim kuring ge gaduh pamanggih, nu hoyong dibandingkeun sareng diuji ku tesisna Ambu. Kapercayaan (agama) urang Sunda (oge seler sanesna di Nusantara) teh asalna mah agama samawi oge. Di kalangan sebagian pelaku thariqah aya kapercantenan kana ayana sababaraha titinggalan Nabi sateuacan KN Muhammad SAW di kawasan Nusantara. Di antawisna teteken kangjeng Nabi Ujair di wilayah Gunung Burangrang. Asana ieu sajalan jeung tesisna Hamka yen para tokoh agama besar salian ti Islam, Kristen jeung Yahudi sapertos Sidharta Gautama ge mungkin Nabi atanapi Rasul. Mung panginten dina perkembanganana proses pewarisan kapercayaan "beurat sabeulah" teu ngawengku sakumna kaparipurnaanana. Proses budaya ieu ngalahirkeun kayakinan jeung prakprakan agama nu (mun ditanggapi ku penganut Islam nu oge "beurat sabeulah" teu gembleng kaffah) kalebet kana akidah nu musyrik jeung praktek agama nu mengpar tina syari'ah. Sesembahan ka Dewi Sri sareng sajabina, upamina, panginten asalna mah mangrupi praktek tawassul ka tokoh pemuka agama sapertos ka para wali dina (sebagian aliran kayakinan) Islam. Da'wah Islam nu dilaksanakeun ku para wali ngangge pendekatan budaya (penyelarasan kayakinan sareng praktek agama kapercayaan buhun kana kayakinan sareng praktek agama anyar). Upamina nganteur arwah ka alam barzakh ku tahlil, tebus weteng (nujuh sasihan kakandungan) ku ngaos Al Quran, sareng sajabina (kalebet jangjawokan digentos ku shalawat sareng Asmaul Husna?). Pendekatan budaya ieu teu ngadorong peperangan dina raraga penyebaran agama. Tesis ieu teh sajalan sareng pamendak yen Islam tos sumebar di Nusantara ti abad kadua hijrah malah ti jaman khalifah Umar bin Khaththab. Penganut Islam tos seueur nalika karajaan Pajajaran sareng Majapahit dipingpin ku penganut Hindu atanapi Budha atanapi kapercayaan buhun. Kajadian perang antar penganut (dipingpin ku Raja) Islam sareng penganut (dipingpin ku Raja) Hindu sareng sajabina panginten ku kasang tukang politik nu dicampurkeun sareng agama. Siga bentrok sareng perang agama jaman ayeuna wae. Nu maksakeun perang dina penyebaran agama teh (sapertos kajadian dina perang kaum Paderi di Sumatera Barat) kumargi kayakinan agama Islam nu "rada heureut" alias kumargi neuleuman Islam mung ku jalan harfiah wungkul. Sigana para wali tos mendakan sajatina ajaran agama buhun di Nusantara janten uninga kumaha ngadumaniskeunana sareng sajatina agama Islam nu kaffah. Margi para wali neuleuman sareng ngalarapkeun Islam sanes berdasarkan naskah Al Quran sareng naskah Hadits wungkul tapi dumasar kana sajatina ma'na lahiriah sareng batiniah Al Quran sareng tungtunan lahiriah sareng batiniah Rosululloh SAW. Tungtunan Rosululloh teh teu kawengku ku jaman, dugi ka ayeuna tur dugi ka yaumil qiyamah tungtunan anjeuna bakal teras aya ngalangkungan para wali nu salamina nyambung batinna ka anjeuna. Kanyaah Rosululloh ka para mu'minin dina akhir surat Taubah (Laqod jaakum dst) teu diungkapkeun dina fiil madli tapi dina bentuk isim nu teu kawengku ku jaman sanes? Wallohua'lam. Nyuhunkeun tanggapanana. Wassalam; XXXXX NB. Ngahaja teu diumbar di milis margi "heurin" teuing! From: Maman Gantra [EMAIL PROTECTED] --- In [EMAIL PROTECTED] .com, engkus ruswana <engkusruswana@ ...> wrote: Sampurasun, Para dulur kisunda miwah urang sunda. Simkuring bade bewara rehna dina malem salasa kliwon nu rek kasampeur ping 17 Nopember 2008 tabuh 19.30 WIB, Ambu Richadiana bade manggung di Gedong Sasana Adirasa (Gedong Sambernyawa) Taman Mini Indonesia Indah Jakarta, dina raraga malem "Hanggara Kasih". Dina wengi eta Ambu bade medar yen memeh agama ti luar datang ka nusantara, luluhur urang geus mibanda kapercayaan/ agama sorangan, jeung puncakna kabangkitan agama pribumi teh di jaman majapahit-pajajaran . Hal ieu dibuktikeun ku hasil kajian arkeologi. Tah...kidulur, mun hanggara kasih bulan kaliwat gedong Sasana Adirasa - TMII digegerkeun ku pedaran kang Haris nu urang Sunda dihareupeun dulur-dulur ti seler Jawa, dina hanggara kasih bulan ayeuna, Urang Sunda deui nu deuk medar jeung pasti bakal ngagegerkeun deui gedong Sasana Adirasa, sabab bakal ngabuktikeun kalinuhungan tur ajen luluhur sunda. Buktina kamari poe senen waktu Ambu medarkeun garis wadagna dina rapat di Direktorat Kapercayaan, eeeh si Ambu jadi selebritis.. .euy.., pada nyalampeurkeun tur naranyakeun harayang apalleuwih jero. Tah mun beuki loba urang sunda nu manggung di hareupeun mayoritas seler lian kalayan bisa ngabuktikeun kalinuhungan jeung ajen elmu kasundaan, didinya jigana bakal ngadorong leuwih gancangnna ajen tinajen kasundaan dipikareueus balarea. Sunda bakal jaya deui teh mun loba urang sunda nu tampil/manggung di balarea. Ka dulur-dulur Sunda, simkuring ngajak hayu urang datang tur ngarojong manggungna Ambu Diana di Taman Mini. Mun aya niat hadir, carana gampang, jugjug bae ka Taman Mini, ke di pintu gerbang mun ditanya ku penjaga, bebeja bae rek ngahadiran acara Hanggoro Kasih (tempatna di Sasana Adirasa/Samber Nyowo), jadi abusna teu mayar, mun make mobil ngan ditarik bayar parkir & asuransi Rp 3.000,-. Tah kitu bewara simkuring, sakali deui bisi poho. Tempatna di Taman Mini Indonesia Indah Gedong Sasana Adirasa, tabuh satengah dalapan peuting (19.30 WIB). Cag. pun tabe pun, Engkus ____________ _________ _________ _________ _________ _________ _ _____ Dapatkan nama yang Anda sukai! Sekarang Anda dapat memiliki email di @ymail.com dan @rocketmail. com. http://mail. promotions. yahoo.com/ newdomains/ id/ --- End forwarded message --- Get your new Email address! Grab the Email name you've always wanted before someone else does!
