janten emut, mun dilembur sok dipangdamelkeun-keun 'omelet peda' oge ku pun biang. peda digoreng heula, teras dibubuk-keun, digalokeun kanu endong. pedo pisan...
*yana* On Thu, Dec 11, 2008 at 5:09 PM, Roro Rohmah <[email protected]> wrote: > Baraya, sambungan dongeng si Kabayan tea, mugia tiasa janten > pangbeberah manah. > > nyanggakeun, > ro2 > > Anjog ka warung bi Ocoh, si Kabayan kuat ka ngahuleng ningali kaayaan > warung nu geus robah, jauh pisan kaayaanana tinu baheula. Warung nu tadina > leutik, dilegaan. Tehelna nu tadina ngan saukur dipelur, diganti ku keramik. > Barang dagangan pepek, sagala aya. Nu datang barangbeuli sakitu > ngagimbungna, ti siklukna ti siklakna. Bi Ocoh paciweuh ngaladangan, > dibantuan ku sababaraha urang nu sarua keur pakepuk ogé. > > Teu lila Bi Ocoh ngarérét… > "Aéh..aéh…haturan Jang Kabayan, sisinarieun daék ka warung, rék meuli naon > Jang?"ceuk Bi Ocoh, nanya ka Si Kabayan nu keur tenga-tengo. > "Ieu Bi, uing téh rék meuli endog satengah kilo sosis sabungkus bawang > bombay tomat..."si Kabayan nereleng maca daptar beulieun euweuh koma peunna. > "Ké…ké… Jang Kabayan lalaunan atuh, mani nereleng kitu?!"ceuk bi Ocoh > keuheuleun. > "Kieu atuh méh jongjon, tah uing rék meuli nu geus ditulis dina kertas > ieu!"ceuk si Kabayan bari ngasongkeun daptar balanjaan. > "Tah, bener mending kieu… ning hideng ogé manéh téh Jang Kabayan!"ceuk bi > Ocoh atoheun. > "Na, ari biasana uing téh teu hideng?!"ceuk si Kabayan molotot. > > Bari nungguan balanjaan bérés, si Kabayan anteng ningalian sakurilingna, > bréh katingali di juru aya nu ngajarepat lobaan. Awakna nu sakitu > salampulurna mani atra ti luhur nepi ka handap katingali, baluligir teu > ditutupan ku lamak sacewir-cewir acan. Caramakblak maraké wedak, semu koneng > rada beureum. Tring! Si Kabayan ngeletan, bari kumerot bakat ku kabita. > Maranéhna haré-haré, da ku teu wawuh téa. Ngarasa teu diwaro, teu antaparah > rigiwing ku si Kabayan dikerid. Euweuh nu ngalawan hiji-hiji acan, éstu > palasrah pisan. > Hmmmm…jiganamah ngeunah mun dibaturan ku goréng témpé, peuteuy, sambel > dadak nu seuhah, jeung kurupuk, gerentes si Kabayan jero hate. > > "Bi Ocoh, teu jadi dibeuli nu bieu téh, ganti wé!"Si Kabayan ngabolaykeun > balanjaanana. > "Ari manéh sok tara puguh Kabayan!Heug atuh, rék meuli naon?" > "Endogna mah jadi, tapi nu lianna diganti. Tambahan ku Peuteuy > sabeungkeut, Surawung, Bawang beureum, Tomat, Céngék, Tarasi, Salam…"si > Kabayan nataan kahayangna. > > > Bari ngadingkleung balik ka imahna, si Kabayan héhéotan bakat ku atoh rék > dahar ngeunah engké beurang. Kasampak Nyi Iteung keur ngisikan di dapur, > paromanna marahmay barang ningali si Kabayan mucunghul di lawang panto. > "Enggeus balanja téh Kang?" > "Geus, tah yeuh…" > > Ana dibuka balanjaanana… > "Akang! ieu téh nanaonan bet meuli nu kararieu?!" Nyi Iteung ambek kacida > basa ningali balanjaan nu dibeuli ku si Kabayan béda pisan jeung nu geus > dituliskeun dina kertas. > "Ieuh Nyi, tong ngambek atuh... Pan geus dipangmeulikeun endog,"ceuk si > Kabayan ngupahan. > "Tuluy, keur nanahaon meuli Peda mani loba-loba teuing? Sabaraha kilo ieu > téh?!" > "Sakilo Nyi. Kieu, Peda téh dibagi dua. Sawaréh keur Akang, cing > pangnyieunkeun Pais Peda sing loba surawungna! Tah, sésana deui keur Nyai > pikeun nyieun Omélét téa. Sumpah, wani medu Nyi, Akang mah teu beuki > Omalat-Omelet téh, da Akang mah lain bulé!"ceuk si Kabayan teu > kireum-kireum. > "Euuurrrrghhh…moal enya atuh Omelet maké Peda?! ceuk si Bara ogé na tipi, > mun rék diganti ku lauk, kudu maké lauk Tuna, lain ku Pedaaaa!"ceuk Nyi > Iteung kekerot bakat ku ambek jeung hayang cerik. > > > > >
