Nu Kumaha Nu Disebut Ngabohong
Dawuhan Rosululloh Sholallohu 'alaihi wa sallam : "Hiji jalma geus pantes
disebut ngabohong mun manéhna nyaritakeun satiap hal anu di déngé ku manéhna
(bari teu nalungtik bener henteuna)" (Shahih Muslim)
Dawuhan Rosululloh Sholallohu 'alaihi wa sallam "Bohong ka Alloh anu
panggedéna nyaéta jalma anu ngaku nempo hiji hal tapi manéhna sabenerna teu
nempo" (HR Bukhari)
Ati-ati mun narima béja ti jalma fasik komo deui ti jalma kafir
"Héy jalma-jalma anu ariman, mun datang ka maranéh jalam fasik anu mawa hiji
béja, pariksa anu taliti, supaya maranéh teu ninggangkeun hiji musibah ka hiji
kaum bari teu nyaho kaayaanana nu bakal ngabalukarkeun maranéh hanjelu tina éta
pagawéan maranéh" (Al Hujuraat 6)
Kabiasaan ngabohong salah sahiji tanda akhir zaman
Dawuhan Rosululloh Sholallohu 'alaihi wa sallam :"Bakal datang taun-taun anu
nipu, nu ngabohong dianggap jujur, nu jujur dianggap ngabohong, nu khianat
dianggap amanah jeung nu amanah dianggap khianat jeung dina taun-taun éta
Ruwaibidhah ogé pipilueun ngomong" Anjeuna ditanya:"Naon éta Ruwaibidhah téh ya
Rosululloh?" Anjeuna ngawaler: "Jalma nu hina (déét élmuna) ngomong dina urusan
nu gedé." (HR Ibnu majah)
Dawuhan Rosululloh Sholallohu 'alaihi wa sallam ti Abu Hurairah : "Dina akhir
zaman bakal mucunghul tukang jalma-jalma gedebul gedé wadul nu datang ka
maranéh bari mawa béja-béja anu can pernah manéh déngé jeung can pernah di
déngé ku bapak-bapak maranéh saméméhna. Ku lantaran éta jauhkeun diri manéh ti
maranéhna supaya teu nyasarkeun jeung mitnah maranéh (shahih Muslim)
Ngajauhkeun diri tina prasangka goréng ka sasama muslim
"Hey jalma-jalma anu ariman, jauhan kalolobaan prasangka, saéstuna sabagian
tina prasangka mangrupakeun dosa jeung maranéh ulah neangan kasalahan jalma
lain jeung ulah sok ngomongkeun kagoréngan sabagian nu lain. Naha diantara
maranéh resep ngadahar daging dulurna nu geus paéh. Tinangtu maranéh ngarasa
ijid kana hal éta. Jeung tarakwa ka Alloh. Saéstuna Alloh Maha narima tobat
jeung Maha Mikawelas" (Al Hujuraat 12)
Dawuhan Rosululloh Sholallohu 'alaihi wa sallam "Jauhan prasangka, lantaran
saéstuna prasangka mangrupakeun ucapan anu pangbohongna" (HR Bukhari & Muslim)
Ngabohong salah sahiji tanda munafik
Dawuhan Rosululloh Sholallohu 'alaihi wa sallam "Tanda munafik aya tilu,
sanajan jalmana song ngalakukeun sholat, puasa, nganggap diri salaku muslim :
Mun ngomong sok bohong, mun janji khianat, jeung mun dibéré amanah khianat" (HR
Bukhari Muslim)
Anceman kanu ngabohong
"Saéstuna Alloh moal bakal méré pituduh ka jalma-jalma anu ngaleuwihan wates
jeung tukang bohong" (Ghafir 28)
"Jeung maranéh ulah nuturkeun naon-naon anu maranéh teu boga kanyaho dina éta
pasualan. Saéstuna pangdénge, panempo jeung haté, éta kabéh bakal di ménta
tanggung jawabna" (Al Isra 36)
Pépéling pikeun urang saréréa
Dawuhan Rosululloh Sholallohu 'alaihi wa sallam ti Abu Hurairah : "Singsaha anu
iman kana poé akhir, sakuduna manéhna ngomong hal anu hadé atawa jempé" (HR
Bukhari)
Disclaimer - This message including any attachments and information
contained
herein ("Message" ) may contain privileged information or otherwise is
protected
from disclosure. Any unauthorized use of this Message by any person may
lead to
legal consequences. If you receive this Message in error, or if the
recipient
of this Message is not the intended recipient or the employee or agent
authorized
for delivering this Message to the intended recipient you are hereby notified
that
any disclosure, dissemination, distribution or copying of this Message or
let or
cause this Message to be disclosed,disseminated, distributed, or copied is
strictly
prohibited, and please notify the sender by return message and immediately
delete
this Message from your system. Incoming and outgoing communications using
this
electronic mail may be monitored by PT Arutmin Indonesia,as permitted by
applicable
law and regulations. Unless it is made by the authorized person,any views
expressed
in this Message are those of the individual sender and may not necessarily
reflect
the views of PT Arutmin Indonesia.
