Tadi rada ka magribkeun, ningali status di Fesbuk babaturan aya tulisan Hidup
Persipura. Tah kuring rada ngeuh, rehna geuningan ayeuna aya partandingan
munggarran keur Si Loccon tea, salah sahiji Top Skor, kade lain majalah, Liga
Super Indonesia nu diaraanna LSI.
Biasana mah balik teh sok Tanggo, kade lain ngaran kadaangan, tapi ku sabab
tadi asup na rada beurang nya antukna kudu Pleksibel tea. Nya nanggoan magrib
laju weh balik ti pakepukan.
Tah sanggeus ningali Status di Fesbuk eta, buru-buru weh balik ka bogor tea.
Mun diitung2 mah geus maen satengah babak. Biasana sok naek di parapatan
kuningan moro bus MB P6 nu sok melok di puteran eta, lumayan kosong bisa diuk
jeung sare.
Tapi nu ngaranna rada panasaran, uing nga-nyemes babaturan nanyakan score na,
tapi euweuh pisan nu ngajawab. Rada keuseul oge ningan. Antukna geus teu lila
nepi ka UKI, berebet weh ka tempat nge-teman mobil nu deuk ka Bogor.
Tididinya buru-buru ningali si mobil Bus nu warna na bereum nyaeta Agra Mas, nu
baheula mah diaraann Giri Indah. Tah laju weh naek, sugan weh bisa lalajo di
TIVI. Satadinamah rek ningali Streaming tapi teu nyaho alamatna jeung koneksina
bisa lelet.
Sanggeus geuk diuk kadua ti hareup di bangku nu dua, da kabiasaan sok dieuk
panggigirna sugan weh aya wanoja ujug-ujug diuk gigireun pan didinya kudu pake
gaya sok kenal sok dekat tea.
Tapi basa ningali TIVI na, Jadul teh kalahkah lalajo Sinetron Cintra Fitri
Session 3 Episode 83. Jirr kawas pelem Heroes wae aya session na sagala.
Bakating ku kesel, mobil geus rada maju ka torowongan, rada ngadelek ka kenca
aya mobil si Hejo Maya Raya ningalikeun ANTV. Bari rada gurung gusuh turun ti
mobil Agra Mas, padahal geus pinuh.
Antukna naek Maya Raya diuk sarua kadua ti hareup, jeung panggigirna. Lumayan
bisa lalajo LSI tea. Barang ditingali teh geus hiji- nol euy. Persib
tinggalieun ku Persipura. Gol nu ku si Beto menit ka 50-an, menang asis ti Boas
Salosa ngaliwatan Bek Maman tea.
Wah lumayan lalajo aya keneh 15 menit, teu lila aya serangan balik ti Persib ka
Persipura, bari nembakeun spekulasi si Waluyo ka tengah kiper, didinya aya Si
Locco tea, nya teu anataparah bola ditajong satakeurna ku suku belah kiwa.
Gollllllllllllll . Edas. Tah eta ngaranna pamaean Bomber. Asa ka ubaran nonton
teh disuguhan ku permaean cantik jeung HADE ti dua team, sok komo dinu
statistik na mah PERSIB punjul 56% dinu hal panguasaan bola.
Tah barang piriwit panjang ditiup, sukur deuh euweuh karusuhan. Eta Stadiun
Jalak Harupat nu kapasitasna hampir 60 rebu tempat duduk pinuh ku nu lalajo.
Jeung na deui sigana mun tiap PERSIB maen di Jalak Harupat nu lalajo anggeur
pinuh kieu bisa wae Manajemen PERSIB moal kakurang duit keur masalah kontrak
pamaen.
Tah kukituna ka bapa-bapa sareung murangkalih nu lalajo , mun nonton PERSIB
ulah sok ribut ngarugikeun keur urang oge. Aya nu beda pisan lalajo PERSIB teh
asa ngahudangkeun awak nu lalungse jeung cape. Tah deui mun deui pindahkeun weh
ulah di Siliwangi kapasaitasna kurang loba mendingan wae digedean jeung
dialuskeun jigana bakal loba kahadeanna keur urang balare.
Cag ach
" Jung Maju Persib Bandung"
" Ulah Hariwang jeung Salempang"
" Ulah Ringrang jeung Hariwang"
" Persib kudu maen Sportif jeung Cantik di Lapangan"
