Pun dulur, lan baraya sadaya anu sawarga, anu sawaruga.....Sunda. uin mitembeyan nyalin ieu pantun, di EYD sabisana. dibere ti dulur, suan, ki H Endang Kosasih MA, 14 okt 1999 rengse diprint harita, 157 kaca. waktu uin nganjang ka imahna. anjeunna ucap:" kang Oca ieu uin teu ngarti kanu karieu, mangga nyanggakeun, jigana bagean akang ieu mah" karak dibaca 3 bulan kahareupna. ayeuna uin rek nyanggakeun deui kasadaya...sugan mangpaat, sasieureun sabeunyeureun.
[Roza Rahmadjasa Mintaredja] NGAHYANGNA PAJAJARAN Bubuka Batur! Lamun jaga, dicundukkeun kana waktu pantun medal jadi bacaan. Batur! Sing nyaraho, buku teh utusan kaula dijurung nyuhun pamunjung ka sakabeh nu geus alundur nu baralik indit ka jati, nu marulang, ka masing-masing Mandalana! Utamana, ka AKI BADJOE RAMBENG nu jadi damar panyaang jalan, jero galur paluruheun nu jadi cukang pameuntasan kana lanceuk anu samar..., ka pun bapa, nu di taun 1908, diturunan bahan carita tapi teu kungsi bisa nyaksian lalakonna unggah panggung panggung jembar kasamaran... ka pun paman, KI OEHAR PANTAATMADJA baheulana Opsender Babakan Sadeng nu saban-saban jadi panganteur mun panyukcrukan tepung buntu ka pa CILONG,... nu disebut jalma burung da bongan, nyilok-nyilok anu burung nepikeun anu kasilok teu arengeuh kana silok anu tetela tapi buni... dibabawa buburungan.... ka tuan CM PLEYTE... nu teu sieun, diseungseurikeun ku bangsana ku nembongkeun karancagean nyebutkeun, yen pantun-pantun Sunda ulah gampang-gampang dianggap bid'ah tapi sabalikna, pantun Sunda teh ngarupakeun bahan korehaneun , anu bisa nuduhan nu baruni keneh, tapi pohara pentingna , pikeun nganyahokeun sajarah Sunda baheula.....! jeung ka sakabeh urang Sunda, nu sa-adat Sunda jeung kasakabeh urang sunda nu kiwari geus nyudaan ka Sundaanana jeung ngan ti beurang haranyang caang ti peuting haranyang jempling tapi.... teu areling... yen PAJAJARAN sanjan geus salin ngaran moal panjang ngaJAJARna moal dicaangan bentang rapang ngagenclang mun Sunda na: Sunda kalapa kalapana HUHULUAN lain Sunda MANGGARAN! Pajajaran Tengah 1934 Rakean Minda Kalangan (kuncen Pajajaran Tengah)
