"Jeung maranéh sing ta'at ka Alloh jeung ka Rosul-(Na) Jeung sing ati-ati. Mun
maranéh teu narima (berpaling), pikanyaho yén saéstuna kawajiban Rasul Kami
ngan saukur nepikeun (amanat Allah) kalayan jéntré " (Al Maidah 92)
"Jeung singsaha nu nolak Rosul saanggeus jéntré bebeneran ka manéhna, jeung
nuturkeun jalan nu lain jalan jalma-jalma mu'min, Kami antepkeun manehna
laluasa dina kaayaan sasab anu geus di kawasana éta jeung Kami asupkeun manéhna
ka jero jahannam jeung jahannam éta sagoréng-goréngna tempat mulang " (An Nisaa
115)
"Saéstuna jalma-jalma anu debat ngeunaan ayat-ayat Alloh bari teu maké élmu nu
nepi ka maranéhna, euweuh dina dada maranéhna iwal ngan saukur (kahayang
pikeun) kaluhungan nu ku maranéhna sakali-kali ogé moal kahontal, ku kituna pék
ménta panangtayungan ka Alloh. Saestuna Anjeuna Maha ngadangu tur Maha ningali"
(Ghafir 56)
Dawuhan Rosululloh sholallohu 'alaihi wassalam : "Naon nu ku kaula di larang,
tinggalkeun. Jeung naon anu ku kaula di paréntahkeun, pigawé sabisa maranéh.
Lantaran saéstuna kabinasaan jalma-jalma saacan maranéh lantaran lobana
pacéngkadan jeung panolakan maranéhna ka para nabina" (HR Bukhari Muslim)
Nyarita Imam Malik rohimahulloh: "Debat ngan bakal mawa kana pacéngkadan jeung
ngaleungitkeun cahaya élmu dina jero haté jeung neuaskeun haté jeung nimbulkeun
rasa ngéwa" (Syiar a'lamin Nubala', 8/ 106)
Dina hiji poé, Imam Malik pernah ditanya ku saurang nu boga ngaran Haitsam bin
Jamil: "Héi Abu Abdillah (nyaéta Imam Malik), saurang jalma nu boga élmu
ngeunaan sunnah naha meunang manéhna debat pikeun mélaanana?" Imam Malik
ngajawab: "Ulah! Tapi sakuduna manéhna nepikeun éta sunnah. Mun ditarima, éta
nu dipiharep, tapi mun ditolak, cicing! "(Jami' Bayanul Ilmih wa Fadlihi, juz 2
hal. 94)
Imam Ahmad nyarita : "Tepikeun sunnah jeung maranéh ulah debat ngeunaan éta
sunnah" (Thabaqat al-Hanabilah, Ibnu Abi Ya'la, ngaliwatan tulisan Syaikh
Barjas dina Dlaruratul Ihtimam, hal. 89)
Henteu sasab hiji kaum saanggeus datang pituduh iwal saanggeus éta maranéhna
dibéré kaparigelan dina debat (HR. Ahmad) (Syaikh Barjas dina Dlaruratul
Ihtimam, Syaikh Barjas, hal. 89)
Dicaritakeun ku Ma'n bin Isa: "Imam Malik bin Anas rahimahullah dina hiji
mangsa pernah mulang ti hiji majlis dina kaayaan anjeuna neken kana leungeun
kuring. Terus anjeuna di tepungan ku saurang jalma anu katelah Abul Hauriyah.
Jalma ieu kaasup kana jalma murji'ah. Manéhna nyarita: "Héi hamba Alloh,
déngékeun ti kaula. Kaula rék nyarita ka anjeun nepikeun arguméntasi kaula ka
anjeun jeung nepikeun pamadegan kaula ka anjeun (nyaéta ngajak debat)". Imam
Malik ngajawab :"Kumaha mun anjeun bisa ngéléhkeun kaula?" Manéhna nyarita:
"Mun anjeun éléh, anjeun kudu biluk ka kaula" Imam Malik nyarita deui:"Mun
datang jalma katilu nepikeun arguméntasina ka urang, terus manéhna ngéléhkeun
urang?" Manéhna ngajawab:"Mun urang éléh, urang ogé kudu biluk ka manéhna".
Ngadéngé jawaban ieu, Imam Malik nyarita: "Héy hamba Alloh, Alloh geus ngutus
Nabi Muhammad Sholallohu 'alaihi wassalam ku agama nu hiji, tapi kaula nempo
anjeun pundah-pindah ti hiji agama ka agama nu lain". Dina riwayat lain: "Agama
ieu lain milik nu palinter debat" (Asy-Syari'ah, al-Ajurri, 64)
dicutat tina tulisan Ustadz Muhammad Umar
Disclaimer - This message including any attachments and information
contained
herein ("Message" ) may contain privileged information or otherwise is
protected
from disclosure. Any unauthorized use of this Message by any person may
lead to
legal consequences. If you receive this Message in error, or if the
recipient
of this Message is not the intended recipient or the employee or agent
authorized
for delivering this Message to the intended recipient you are hereby notified
that
any disclosure, dissemination, distribution or copying of this Message or
let or
cause this Message to be disclosed,disseminated, distributed, or copied is
strictly
prohibited, and please notify the sender by return message and immediately
delete
this Message from your system. Incoming and outgoing communications using
this
electronic mail may be monitored by PT Arutmin Indonesia,as permitted by
applicable
law and regulations. Unless it is made by the authorized person,any views
expressed
in this Message are those of the individual sender and may not necessarily
reflect
the views of PT Arutmin Indonesia.
