rada carape keneh yeuh. karek mulang ka bandung jam 2 peuting. saptu-minggu ka kanekes baduy. tadina si ua sasmita bade ngiring, hanjakal his body not delicious (tidak enak badan atawa nuju teu ngarareunah awak, alias rada teu damang). asalna mah rek ngajak pembimbing, sangkan apal, tapi sami mawon.
antukna ngan si kuring, andiw chinook mantan tukang kaos kusnet-si eta nu nyupiran kijang inova sewaan, kang hawe setiawan pemred majalah basa sunda cupumanik jeung atep kurnia, nu tulisana soal sunda sok dimuat kompas jabar,jeung dhipie kuron, istri, manado-jawa nu lahir gede di cimahi, manajer andrea hirata. nya kitu we, sabab urang bandung wungkul. ngalaman sasab. da pangalaman ka baduy teh sataun kaliwat, bari harita mah jeung kang wahyu, guru SMSR buah batu, nu urang rangkas. urang kanekes karek beres panen. jadi keur bulan kawalu tea. kamari teh di tangtu mah keur aya acara adat, ngalaksa, jadi urang luar teu meunang asup. bisa asup ka kertawana pabeubeurang. sakeudeung deui rek seba cenah ka serang (gubernur banten) jeung ka rangkas (bupati lebak). tadina rek ngendong di bapa samin di cikadu, kusabab sasab heula, nya ngendong di kampung pang hareupna, ciranji,di imah pa pulung (ayah narah), nu taun kamari diendongan. memeh ka ciranji, ka ciboleger kaduketug heula, sugan panggih jeung pa mursid, wakil desa kanekes di tangtu (baduy jero), tapi suwung. hawe setiawan aya nu nanya di walanda, soal bung karno nu cenah boga sobat urang baduy. puun Jandol, nu sihoreng bapana pa mursid. cek cenah, patung dirgantara di pancoran (patung tujuh, salah sapuluh patung pesenan bung karno pikeun ngahias jakarta, make model puun jandol. cek ki adi nu nyupiran, ti indit nepi ka balik, beak 650km! bedul jauh pisan. nya katambah sasab puluhan kilometer di bojongmanik jeung balik neangan pintu tol ti serang-pandeglang. neangan jalan lain da basa indit, kalur ti balaraja timur, ka rangkas, jalana puluhan km butut kacida. aspalna rusak. kumaha atuh ratu atut teh.. keur rada pakepuk ku cicing ieu teh, jadi moal waka diteruskeun lalakon nganjang ka kanekes teh. partey nu meunang di dinya mah pks, partey kanekes sejahtera. haha mj http://geocities.com/mangjamal http://mangjamal.multiply.com
