Aya blog lagu-lagu heubeul, tiasa di download, nu nyieun blog ieu ngakuna mah urang walanda nu cicing di Bandung. Ieu alamatna:
http://madrotter.blogspot.com/ Albumna lumayan kumplit, seuseueurna lagu sunda. Album Titim Patimah, Upit Sarimanah, Euis Komariah...dugi ka Orkes Edi Karamoy + Orkes Idris Sardi nu ngalagukeun lagu-lagu Sunda: Euis, Eteh, Ucang-ucang Angge, Ayang-ayang Gung, Tokecang. Sareng seueur deui, kalebet lagu GENJER-GENJER nu keur jaman Orba mah, lagu "HARAM" da cenah laguna LEkra/ PKI. Genjer-genjer dina koleksi Madrotter nu nembangkeunana LILIS SURYANI, lirikna nu kareungeu mah asa euweuh hubunganana jeung politik/komunis, pira ge nyaritakeun ngala genjer di sawah: Genjer Genjer , Ing kotakan pating kulewer, Mak'e Tole teko-teko bubuti genjer .... (Genjer- Genjer, Dikotakan pasolengkrah, Indungna si Tole datang nyabutan genjer) Aya deui nu matak kaget, horeng OMA IRAMA kungsi duet tembang sunda jeung sinden kakoncara TITIM FATIMAH. Albumna oge aya. Mangga geura cobian lebet kana blog ieu. Baktosna, WALUYA
