Neangan Sunda di hotel bintang opat lima Bulan kamari aya nu nraktir ngendong di hotel Hyatt jl sumatra bandung, gigireun BIP tea. Sacara desainer interior jarang mroyek, si kuring neangan sarupaning nu bau-bau lokal. Sabab biasana dina interior nu sifatna komersial cara hotel, sok dipapaes ku sarupaning unsur budaya lokal.
Saliwat mah memang euweuh. Material marmerna oge, asana lain di Padalarang, da semu koneng, padalarang mah semu bodas-abu. Sihoreng elemen seni sunda, aya dina tembok nu nutup lift di atrium. Model hotel ieu, nu aya atrium di tengahna, dipopulerkeun ku john portman, arsitek urang amrik nu oge muka usaha hotel. Unsur seni sundana, dina mangrupa seni hias atawa motif dina media keramik nu ditapelkeun kana tembok tempat lift. Cenah modelna meunang ngumpulkeun ti wewengkon tatar sunda nu aya tradisi nyieun keramik. Tangtu geus dipermak dina wanda kontemporer, alatan nu nyieuna seniman patung berdarah jerman, dosen uing, Bu Rita Weijman Widagdo, jeung timna, alumnus senirupa itb. Ari di tengahin atrium, aya lounge, make model taman tropis kitu. Ciri tropis biasana aya tangkal sarupaning palem baraya kalapa ke fotona urang korehan Ari di hotel Holiday Inn, mah, unsur lokalna, salian ku motif hias dina tembok, diformat siga lukisan, aya oge sabaraha patung nu ngagambarkeun tokoh-tokoh tina legenda Sangkuriang. Jadi aya patung pemuda perkasa, sangkuriang, aya anjing, si tumang, aya ibu-ibu awet ngora, Dayan Sumbi. Dijajarkeun sisi kaca lobby. Dua conto di luhur, minangka ciri kumaha hotel kota (city hotel) neangan ciri lokal pikeun mapaes hotelna ku sarupaning estetika lokal. beda jeung resort hotel, hotel paranti piknik, biasana nembongkeun kayaan alam sapuratina-utamana ku make material khas lokal sarupaning awi, anyaman awi, injuk, jst. Cara hotel di wewengkon cipanas garut. Sumber alam, jrrd. Malah kampung sampireun mah, diformat antik pisan.
