Assalamualaikum wR wB. Wilujeng wayah kieu US dimana wae ayana. Angklung, alat musik asli Insonesia, malah aslina mah angklung teh alat musik pentatonis, sunda pisan. Ngan supados tiasa mirig lagu-lagu nasional ku Pa Daeng Sutigna dikembangkeun janten alat musik diatonis. Hanjakal perkembanganana kirang maju, seniman Indonesia utamina musisi teu aya nu malire kana angklung. Sugan aya angklung magelaran di panggung hiburan atawa dina acara-acara penting - teu aya. Meureun mana kitu ge teu aya group angklung nu tiasa ngahibur, penonton teu raresepeun, maenna monoton, lagu-laguna kuno jsb. Kumaha carana supados penonton resep jeung kahibur? Mangga atuh urang emutan, ku saha deui ari lain ku US mah. Atuh keur nglalanyahan paling saeutik aya group band nyisipkeun angklung keur ngawarnaan wungkul, teu kedah melodi, da melodi mah kudu kumplit. Aya wartos, wios rada basi ge, basa sasih kapengker, Angklung Hamburg Orchestra, magelaran di Kiel, 200 km kalereun Hamburg, penontona seuseueurna bule, 12 lagu rengse dipidangkeun. Upami naros kunaon maenkeun lagu2 barat, supados penonton tiasa menikmati, misina sanes ngenalkeun lagu2 Indonesia, tapi ngenalkeun angklungna. Mangga toong di Youtube mung nyuhunkeun komentarna saurna, boh sae boh awon, kanggo masukan, bahan kamajengan salajengna. Mangga ka nu bade pangantenan bilih bade nanggap group angklung ieu, tiasa kontak ka rerencangan pribados Mas Prio Adhi tea, pamingpin ieu group, gratis mung ongkos jalana we saurna. Wassalam, Trias Santosa Besame Mucho http://www.youtube.com/watch?v=FNT5S5WdK4I Obladi Oblada http://www.youtube.com/watch?v=sBsm-QuCeB0 The Champions http://www.youtube.com/watch?v=cjd_xg5gEiA Edelweiss http://www.youtube.com/watch?v=8SpGU_O6DnI Halo Halo Bandung http://www.youtube.com/watch?v=4uuqtPkDqf8 Pileuleuyan http://www.youtube.com/watch?v=VhPbNNWE4NM
