Pulisi, TNI jeung BIN papada nyombongkeun maneh, papada ngarasa pangjagona dina newak kaum teroris. Pamarentah ngarasa perlu ngayakeun test mana nu sabenerna nu panghebatna. Carana ngaleupaskeun kelenci ka jero leuweung, tilu kolompok nu masing-masing ti BIN, TNI jeung pulisi kudu bisa newak kelinci ieu.
Kolompok BIN asup ka jero leuweung. Maranehna nempatkeun mata-mata jeung informan dimana-mana. Maranehna oge tatanya kana tatangkalan, rungkun, sato nu kapanggih. Pokona teu aya nu kaliwat diinterogasi. Sanggeus sabulan panalungtikan anu kumplit tepi kana kacindekan yen KELENCI TEH SABENERNA TEU KUNGSI AYA, jadi ngan saukur isu. Giliran TNI asup ka jero leuweung. Sanggeus sabulan usahana neangan jeung newak kelinci teh teu hasil, para tantara teh beakeun kasabaran, tungtungna leuweung diduruk, tepi ka mangkeluk nu aya di leuweung kaduruk. Kelenci akhirna kapanggih, ngan geus paeh, gosong! Bagean pulisi asup ka jero leuweung, ngan 2 jam geus kalaluar deui, bari mamawa beurit bodas, nu awakna geus ancur-ancuran digebugan. Beurit bodas teh kokowongan bari nahan kanyeri:"ENYA...ENYA, KURING NGAKU, KURING KELENCI! Baktos, WALUYA
