Baraya, alhamdulillah aya tips yeuh, sangkan teu cangkeul ngetik. Dokumen anu didownload ti milis teh bentukna file PDF atawa file PNG. sangkan jadi tulisan urang kudu ngetik ulang deui. Diantara baraya meureun aya anu geus nyaho carana sangkan teu ngetik ulang. Teu nanaon lamun geus nyaho mah, sukur. ngan lamun aya nu can nyaho, kuring boga tips yeuh.
Inti tina tips ieu nyaeta OCR (Optical Character Recognition). Jadi urang bisa nga-select text tina gambar, terus ditunda dina program word terus di save sebagai file teks. Baraya, ternyata program Microsoft office ngabogaan feature OCR. Sahingga urang teu kudu ngadownload program OCR sejen. Feature OCR ieu ayana dina Start -> programs -> microsoft office -> microsoft office tools -> microsoft office documents imaging (MODI). Hanjakalna program MODI dina Office 2003 (anu ku kuring dipake), ngan ukur bisa muka file anu typena .tiff jeung .mdi. sedengkeun file anu didownload ti milis, type-na .png. Ku sabab kitu urang kudu ngarobah file .png tea jadi file .tiff. carana simpel, urang jalankeun program MSPAINT (start -> all programs -> accessories -> paint). terus buka file .png tea. sanggeus kitu "save as..", pilih type file-na anu .tiff Kakara file .tiff tea ku urang bisa dibuka make MODI. sanggeus kitu, klik "tools -> recognize text using OCR". proses ieu ngajalankeun program OCR. sanggeus beres, sorot teks anu ku urang rek dicokot. terus klik "tools -> send text to WORD..." mangka text anu tadi bakal di copykeun kana program MS WORD. Ngan nya kitu, hasilna teu langsung mulus, urang tetep kudu ngedit, diditu didieu. tapi lumayan kan, teu kudu ngetik loba. ---------------------- lamun feature MODI can kainstall dina MS Office, urang bisa ngainstall make CD Install MS Office-na. asupkeun cd MS Office, terus pilih menu "Add or Remove features " terus dina menu "office tools", pilih "Microsoft Document Imaging", terus pilih "Run from My Computer" cara leuwih lengkepna bisa di tingali di : http://geeks.netindonesia.net/blogs/fuady/archive/2009/01/09/meng-ekstrak-teks-dari-gambar.aspx http://office.microsoft.com/en-us/word/HA010703331033.aspx?pid=CL100636481033 sakitu heula, muga-muga mangpaat.
