Kawin cenah ibadah, kulantaran kitu "ngahalang-halang" nu rek kawin hartina ngalanggar HAM. Perkara eta kawin rek dicatetkeun ku nagara atawa moal, kumaha niatna wae. Alesan ieu nu sering disebutkeun kunu nalak RUU nu rek ngahukum nu ngalakukeun kawin siri. Ceuk agama nu disebut kawin sah cukup aya wali jeung 2 (urang) saksi.
Hanjakal pisan alesan kulantaran ibadah ieu sabenerna mah teu kuat, sabab ibadah oge, salian perkara kawin, tetep kudu mamawa nagara. Conto nu paling katingali dina Munggah Haji. Nyieun paspor jeung Visa ti Arab Saudi lain syarat keur munggah haji, tapi sing saha wae urang Indonesia nu rek ibadah haji, kudu nyieun paspor jeung boga Visa. Nu teu boga paspor jeung visa, siap-siap we "ditalapung" ku imigrasi Arab Saudi. Anehna teu aya nu protes soal ieu mah , naha ari perkara eseks-eseks bet jadi rame jeung dihubung-hubungkeun jeung ibadah? Kuring sorangan teu satuju lamun kawin siri kudu dihukum/didenda. Alesanana gampang we, nu kumpul kebo ge teu dihukum/ didenda, naha nu kawin siri kudu dihukum sagala. Cukup we dianggap "kumpul kebo", engke oge karasaeun ku sorangan, kumaha lamun teu boga dokumen-dokumen nagara nu sah, lir ibarat nu niat ibadah haji tapi teu mawa pasport jeung teu boga visa .... Baktos, WALUYA
