> Kumincir Wikidisastra <ia.ad...@...> wrote: > Ieu Cech Gentong teh batur kuring di Multiply (jaman sok dibuka > keneh, ayeuna mah bujeng2). Anu matak diaku ge pedah bae caritana > teu leupas ti su'al Sunda.
Hehehe ...sugan teh lain "sobat" kang Kumi. Perkara etnik sejen sok katarik ku "kasundaan" (make tanda kutip), sigana geus ti baheulana. Cenah baheula di di tatar Priangan aya gerakan Nyi Aciah (1870-1871) nu asalna ti Sumedang. Ny Aciah dipercaya boga kakuatan gaib da dipercaya manehna teh putri Sunan Jumadilkubra nu aran sabenerna mah DEWI SITI JOHAR MANIKAM. Kulantaran asal-usulna nu luhur pisan, para bupati jeung menak di Priangan teu meunang aya nu ngahalangan kana gerakanana. Dewi Siti Johar Manikam alias Nyi Aciah teh engkena bakal jadi RATU karajaan Sunda nu bakal ngadeg. Dina mangsana ngadeg bakal ditunjuk wakil ratu nyaeta HASAN MOHAMMAD. Rahayat di karajaan Sunda bakal dibebaskeun tina pajeg, perang bakal dijalankeun keur ngagulingkeun kakawasaan, jimat-jimat dibagikeun jeung surat-surat tobat (ampunan) dibagikeun keur nu biluk ka Nyi Aciah. Eusi sorat tobat teh sabenerna "wahyu" nu katarima ku Hasan Mohammad. Saha Hasan Mohammad teh? manehna lain urang Sunda, tapi urang Jawa ti Bagelen tapi dilahirkeun di Urug(?). Manehna masantren di Malangbong jeung pasantren2 di Jawa Timur. Di taun 1869 manehna balik tina ngumbarana. Di lemburna manehna disebut Kiai sakaligus ngarangkep dukun jeung dipikaserab ku masyarakat. Manehna sok "kasurupan" kaasupan roh suci, nu nyebutkeun yen kakawasaan nu ayeuna bakal diruntagkeun, karajaan Sunda bakal ngadeg jeung Ratu Sunda bakal diistrenan. Ratu Sunda teh nya Nyai Aciah tea. Hasan Mohammad sigana geus kaancikan "kasundaan" ...hehehe Loba nu biluk kana gerakan ieu, pangpangna di Malangbong Garut. Pamarentah walanda kasieunan, Nyi Aciah ahirna ditewak, gerakanana dibubarkeun. Gerakanana pareum. Sumber tina buku: "Ratu Adil", Prof Sartono Kartodrdjo, Sinar Harapan, 1984 Baktos, WALUYA
