Puntennn..postingan tipayun mung cangkang....teu acan oge ka ketik tos luncat...!!
Numutkeun sajarah anu kantos dimuat dina majalah Intisari nomer 347 kaluaran sasih Juni 1992, buku Sajarah Nasional susunan Nugroho Nitisusanto cs., sareng Naskah Pangeran Wangsakerta ti Cirebon anu diserat abad ka 16, anu kantos dimuat dina media serat sabaraha taun kapengker. Numutkeun eta sumber : taun 130 masehi (aya nu nyebat oge taun 105 m) di Pandeglang, ngadeg karajaan SALAKANAGARA, diadegkeun ku : Dewawarman ngawasa taun 130 ~ 168, puseur dayeuhna : Salakaputra/Rajaputra, teu kacaturkeun raja-raja sanesna, mung narpati pangakhirna, Ratu Rani Spatikarnawa Warman Dewi, ngawasa 340 ~ 362 m. Runtuh karajaan Salakanagara, dina taun 358 ~ 669 m, di Bogor kaler ngadeg karajaan TARUMANAGARA, anu ngadegkeunana Raja Purana ngawasa ti taun 358 ~( teu kasebat) raja salajengna Purnawarwan ngawasa salami 20 taun (hilap deui taunna), teu kacaturkeun raja-raja salajengna, mung raja panungtung Linggawarman anu ngawasa taun 666 ~ 669m puseur dayeuhna : Sundapura. Samentawis eta di daerah Ciamis dina taun 526 ~ 602 ngadeg karajaan KENDAN diadegkeun ku Resiguru Manikmaya, anu ngawasa taun 526 ~ 568 m, raja sajalengan teu kasebat, raja panungtung Kandiawan Rajaresi Dewa Raja, ngawasa taun 597 ~ 602 m. Runtuh karajaan Kendan ngadeg karajaan GALUH ( 602 ~ 739 m.), diadegkeun ku Raja Wretikandagan/Wretikendayun anu ngawasa taun 602 ~ 702 m (100 taun ..?) teu kacaturkeun raja-raja salajengna, kasebat raja Galuh ka 8 : Sanjaya Harisdarma anu salajengna ngalih ka Jawa-tengah, ngadegkeun wangsa Sanjaya. Raja Galuh panungtung : Tamperan Brawijaya, ngawasa taun 702 ~ 739 m. Di daerah Bogor, saparantos karajaan TARUMANAGARA runtuh, ngadeg karajaan PAJAJARAN/PAKUAN PAJAJARAN ( 669 ~ 1482) diadegkeun ku Raja Turusbawa/Turusbaya (669 ~ 723), salajengna aya 34 raja anu ngawasa di Pajajaran, mung bae dina taun 1482 ieu karajaan gentos nami janten karajaan SUNDA dina jaman raja Sang Ratu Jayadewata anu ngawasa taun 1482 ~ 1521 m., kasebat raja panungtung karajaan Sunda Prabu Nusiya Mulya/Ragamulya Suryakancana anu ngawasa taun 1567~1579, salajengna karajaan Sunda runtuh. Wallahu alam, leres henteuna mah, punten wae ka para ahli atanapi nu langkung uninga panglereskeun, ieu mah etang-etang pangleketek we. Perkawis "teureuh" Pajajaran..?!, tangtos seueur upami teu balatak oge..!, margi raja-raja anu ngawasa di tatar Sunda malih mah anu ngawasa di tatar wetan seueur teureuh/seuweu-siwi ti karajaan Sunda anu sateucana Pajajaran, teras sateuacanna Tarumanagara kadituna Salakanagara. Cobi we : raja-raja di kasultanan Banten, Cirebon, teras wangsa Sanjaya di Jawa Tengah, dugi ka raja anu ngadegkeun Majapahit, sadaya seuweu-siwi karajaan ti tatar Sunda, teu acan raja-raja sanesna anu teu acan katalungtik. Mangga sakitu we, mugi katampi. Pihatur, ssw Tong nyaliksik naon nu bisa dicokot ti kiSunda Tapi talungtik naon nu bisa dibikeun ka kiSunda mj <[email protected]> Bah Aa di Balikpapan, Abdi sanes teureuh pajajaran, mung teureuh surili galuh. Heuheu Puseur (ibukota) karajaan Pajajaran teh karuh di sabudeuren Bogor , nya mun teu di bogor di bekasi. Tapi dina buku Saleh Danasasmita, Pajajaran teh di bogor . Sanajan kitu, laporan tome pires mah nyebutna teh karajaan Sunda. Ngaran sunda ilahar disebut ku batur nu lain urang pajajaran/galuh. Ari wates pajajaran mah ke ngantos nu terang, mung fakta ayeuna, budaya sunda aya sapalih di wetaneun wates provinsi jawa barat. Cara kang Hermawan Aksan, wartawan Tribun Jabar, urang sunda, tapi kawitna ti Bumi Ayu Brebes. tapi tina carita-carita nu kantos kabaca, cipamali-uj nyebutna kali pamali, antara cirebon-brebes sering dianggap wates wilayah sunda-jawa. Kantos karajaan pajajaran sareng galuh atra watesna. Nyaeta walungan citarum. Dina buku naon nya, duka di ensiklopedia sunda kitu. pajajaran ti citarum ka kulon, galuh ti citarum ka wetan. Tapi kondisi eta sigana robah robih kumaha kondisi. Malah teras pajajaran + galuh dihijikeun, jaman rajana saha he love deui. Mangga kanu langkung paos teraskeun mj From: urangsu...@yahoogro ups.com [mailto: urangsu...@yahoogro ups.com ] On Behalf Of Abbas Amin Punten ka sadaya wargi2 Utamina kanu masih teureuh Pajajaran, dupi wates2 Pajajaran ayeuna dimana nya ? Atanapi disebat we Jawa Barat ? Banten sareg Bogor mah moal kalebet panginten nya ? Hehehehehe Masih aya keneh kituh TEUREUH teh ?
