Waalaikum salam Wr. Wb. Upami nengetan tina padungdengan, Cita-cita kolektif urang Sunda : Hoyong aya urang Sunda anu mingpin ieu nagara, hoyong aya pamingpin urang Sunda naha Presiden, naha Gubernur naha Bupati anu tiasa ngaraksa sareng ngamajukeun kiSunda. Urang Sunda anu ideal : urang Sunda anu wani ngaku yen dirina urang Sunda, anu wani nembongkeun jati dirina, yen manehna urang Sunda, utamina urang Sunda-urang Sunda anu laluhung, boh elmuna boh kalungguhanana. Urang Sunda anu daek (asal daek pasti bisa) ngaraksa budayana sabisana samampuna.
Punten ... rada peuheur yeuhhhh.. Pihatur, ssw Tong nyaliksik naon nu bisa dicokot ti kiSunda Tapi talungtik naon nu bisa dibikeun ka kiSunda MSasmita <[email protected]> Assalamualaikum Wr Wb. Majalah basa Sunda Cupumanik sasih Agustus 2010 teh nincak kana taun nu ka 8. Upami budak mah nembe naek ka kelas dua SD, teu acan asak jeujeuhan. Ieu mah etang-etang mapaykeun we. Kinten-kinten naon cita-cita kolektif urang Sunda teh? (atanapi nu kumaha nu disebat urang Sunda ideal teh). Mugi baraya sadayana kersa ngawaler ieu patarosan, sababaraha waleran bade dimuat dina Cupumanik kanggo ngeuyeuban pamendakna nara sumber nu diwawancara ku Cupumanik. Waleran teu kedah panjang cekap 10 atanapi 20 kecap mah. Hatur nuhun. Wassalam MSasmita Redaksi Cupumanik.
