Baraya, Panasaran ku postingan neng Devi ka milis kisunda, soal wanti-wanti kana obat tamiflu (bahasa ilmiahna: Oseltamivir) anu digunakeun ku Dinas Kesehatan Jabar pikeun ngahulag panarajang panyakit flu burung, si kuring nyoba-nyoba neangan informasi ngaliwatan wikipedia. Nyaan geuningan wikipedia teh bisa diandelkeun. Jeung, tetela deuih, dumasar wikipedia, tamiflu teh loba bahayana tinimbang manfaatna. Leuh, kumaha atuh nya? Padahal tamiflu, sakumaha iber ti neng Devi, obat tamiflu tos dibagikeun ka masyarakat Cikelet, Garut kidul.
Dumasar wikipedia, sakumaha bisa diakses di alamat ieu: http://en.wikipedia.org/wiki/Tamiflu , obat tamiflu saeutik kabuktian bisa nyageurkeun atawa nyegah panyakit flu brung. Dina basa asilina, dina wikipedia, disebutkeun: "oseltamivir has "lack of convincing evidence" of benefit in treating avian influenza" (pamadegan salah saurang dokter ti Inggris). Dina efek-efek bahaya tamiflu (adverse drug reaction atawa ADRs), wikipedia nyebutkeun yen tamiflu bisa nimbulkeun: rieut (nausea), utah-utahan (vomiting), mencret-mencret (diarrhoea), nyeri cangkeng (abdominal pain), nyeri sirah (headache). Masih efek atawa ADRs tina tamiflu sok sanajan rada jarang, sakumaha dina wikipedia, diantarana: panyakit koneng (hepatitis), naekna enzym dina hate (liver), panyakit saperti kaligata/barentol ateul (rash), reaksi alergi, jst. Oge disebutkeun ku wikipedia, efek lain tina obat tamiflu nyaeta: kulit karacunan, jantung, gateul2 pisan (seizure), bingung, ningkatna kandungan gula na getih, panyakit pakait jeung peujit (usus). Anu pang bahayana, upama tamiflu dikonsumsi ngaleuwihan dosis nyaeta bisa nimbulkeun efek panyakit syaraf atawa anu dina istilah kadokteran disebut neureulogical effects, diantarana kasus-kasus "psychological disorders" tea alias gelo atawa kurang saeundan atawa owah, jsb. Baraya, Dumasar laporan neng Devi, pamarentah Jabar ngaliwatan Dinas Kesehatan Jabar geus ngabagi-bagi obat tamiflu ka masyarakat Cikelet, Garut Kidul. Malah dina pituduhna disebutkeun yen eta obat sangkan dikonsumsi salila 10 poe. Padahal, ceuk wikipedia, konsumsi eta obat paling lila dianjurkeun ukur 5 poe. Nyaeta, kusabab bahayana tea lamun dikonsumsi leuwih ti 5 poe. Kusabab kitu, kira-kirana kumaha respon urang kana ieu kajadian? Naha cukup ku hare-hare wae? Naha henteu melang ka dulur-dulur urang di Cikelet, lamu dina hiji waktu arinyana loba anu nandangan panyakit kulit, mencret, utah-utahan, jst nepi ka.........emh na'udzubillahi min dzaalik......owah atawa....teu eling? Mangga, diantos pamairan ti sadayana, pamugi wae aya usaha-usaha ti sarerea anu herang caina beunang laukna dina hal ieu. baktosna, manAR [Non-text portions of this message have been removed] http://groups.yahoo.com/group/baraya_sunda/ http://barayasunda.servertalk.in/index.php?mforum=barayasunda [Ti urang, nu urang, ku urang jeung keur urang balarea] Yahoo! Groups Links <*> To visit your group on the web, go to: http://groups.yahoo.com/group/Baraya_Sunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/