Jaman baheula, aya tukang gambar boga pamajikan nu geulis camperenik. Tukang gambar teh kacida bogohna ka pamajikanana, nepi ka gede timburuna. Manehna jarang pisan ninggalkeun imah lila-lila, sanajan ukur sapoe. Ngan ulukutek we di imah, ngagambar bari nungguan pamajikan bisi "diiwat" ku batur. Pangpangna mah manehna teh curiga ka baturna nu sarua tukang gambar pedah sok neuteup pamajikanana bari siga nu hayang "neureuy buleud".
Tapi hiji mangsa, manehna kapaksa kudu ninggalkeun imah, kudu indit sabab aya hal penting pisan nu kudu diuruskeun. Rencana inditna aya kana sapoe jeput, balikna peuting. Kacida bingungna, kumaha ngakalanana supaya pamajikanana "aman" teu aya nu ngaganggu. Tapi maklum tukang Gambar, mucunghul ide pamajikanana rek digambaran deukeut palebah "etanana". Nya pamajikanana digambaran dideukeut "etanana". Gambarna gambar gajah keur nyanghareup kana "etanana", malah tulalena mah digambarkeun siga keur ngambeuan. ceuk pikirna lamun gambar gajah ieu kapupus, hartina pamajikanana nyolowedor .... Gancangna carita, jlig weh manehna teh indit, hatena tenang pamajikanana aya nu "ngajaga" ku gambar gajah. Waktu balik ti peuting, manehna gancang gura-giru nitah pamajikanana muka sampingna, gancangan ditempo, plong hatena ngemplong, gambar gajah masih aya. Ditempo deui, disidik-sidik, manehna ngahuleng, ke ...ke asa aya nu salah. Manehna satengah nyentak ka pamajikanana: "Nyai ...gambar gajah masih aya, tapi nyanghareupna tibalik, eta tulalena bet ngajauhan? "Panginten baueun Engkang, mana malik oge", Ceuk pamajikanana teh kalem. Tukang Gambar: "??????" Baktos, WALUYA --- In Baraya_Sunda@yahoogroups.com, rusli sadikin <[EMAIL PROTECTED]> wrote: > > emang eta salah sahiji cara abeh calana teu bisa diporosotkeun, tapina lumayan bagian luhurmah teu di gembok, masih bisa gaya nu sejen lah !! (Meureun...!! ) >