i.T.-k diño: <Esan notsun, Amatiño laguna, EAJaren ahaleginak alperrikakoak direla
-- Alperrikakoa edo ez, kontua besterik da. EAJk 1916an parte hartu zuen lehen aldiz, Lausanan, Nazioen Biltzarrean; Agirre, Landaburu eta Irujoren doktrina europarraren fruitu da; Francoren diktadurapean erbestean sortu behar izan zuen "Consejo Español del Movimiento Europeo" delakoa ere Eusko Jaurlaritzaren Parisko bulegoan sortu zen; Franco hil ondoko EAJren lehen txosten politikoak alderdiaren "europarzaletasuna" aldarrikatu zuen; EAJk oraingo ituna baino eskasagoa ziren Maastricht, Amsterdam eta Nizako itunak onartu zituen; Iparraldeko EAJk ez du batere batere zalantzarik... Gaur dugun Europa zentzu historikoa zutenek egin zuten. Otsailaren 20ko ituna ezer gutxi da, baina, urratsez urrats, aurreko pausu guztiak erabaki behar izan ziren bakoitzean "gutxitzat" utzi izan balira... gaur egun ez genuke Europarik izango, ez Euro Legebiltzarrik, ez merkatu bateratu lehiakorrik, ez dugun ongizaterik, ez eurorik, eta bai, ostera, Bidasoako aduanarik. <Eta hori horrela izanik bigarren klabeari begiratzen detsat: ederto, eta estatuari begira, hori be zilegia da-eta, zer dot nahiago? -- Zilegi bai, baina ez da hori orain eztabaidan dagoena. Neri ez didate espainiarrek esango ni baino europarragoak direnik. Nik badut aurrez aurre europarrik gehienek ez duten zerbait: IPARRALDEA. Nik badut barru-barruan, espainiarrik gehienek ez duten sentimendua, lehenago izan nahi dudala europarra espainiarra baino. Begira, neri bost axola zaizkit kasu honetan Zapatero, Raxoy ala Llamazares. Neri Ramuntxo Kanblong-ek (badakizu nor den?) esaten dit behar dugula baietz esan eta kitto. Baina ez dit orain esan lehen aldiz. Orain dela 30 urte, 1974an, entzun nion estreinako Bergaran eman zuen hitzaldian. Barkatu, maitasun guztiaz eta zahar honen uste apalez: Europari ezetz esaten dioten euskaldun asko neri iruditzen zaizkit "gaizki hazitako ume-mokoak". Inguruan dutenaren garrantziaz ez dira jabetzen, uste dute dena amama dela, zerutik datorrela. Baina Europagintzaren atzekaldean, bere eskasia guztiekin, historia bat dago, hainbat belaunaldiren etengabeko lana. Eta euskaldunok, abertzaleok behintzat, dena daukagu Europan irabazterik, eta ezer ez, ezer ez gero, galtzekorik. Amen. Ohera noa. Egun luzea izan da-eta. Are gehiago Zapaterori egin "genion" bisitaren berri jakin denez gero. Amatiño
_______________________________________________ Adi gero, mezuak bidaltzeko: eibartarrak@postaria.com http://www.eibar.org/zerrenda harpidetza eteteko: [EMAIL PROTECTED]