mvillarino escribiu:
>>>>> *caché > cache [5]
>>>>>
>>> Por que razón non leva til no final se ten o acento na última sílaba e
>>> remata en vogal?
>>>
>> debería, por iso na nota [5] expresei as miñas reservas acerca desta
>> corrección. O corrector 'caché' non o colle pero si 'cache' e non vin en
>> ningún dicionario recollido 'caché' senón cache co que marcado coma
>> barbarismo. Iso si, a norma recolle que os barbarismos se acentúan (vd. a
>> norma para máis detalle, apartado. 2.6)
>>
>
> Será o mesmo caso que elite?
>
>
>>>> *axir
>>>>
>>> Que demo é isto?
>>>
>> eu tampouco teño nin idea, que mo expliquen!!. creo que é un lusismo collido
>> de 'agir'
>>
>
> Como xa dixen, axir é unha que se me pasou cando transliteraba desde o
> portugués, e significa reaccionar quimicamente, entre outras cousas.
>
>
>>>> *inicialización > inicio/arrinque [14]
>>>>
>> vamos, que creo que o usuario lle dá igual que signifique en 'initilise' en
>> programación e cando arrinca un programa creo que prefire ver 'iniciar o
>> programa', pois iso é o que quere facer.
>>
> mmmm, vale, pero debemos procurar un vocábulo para (/ ter coidado con)
> a acción de "devolver un programa á configuración predeterminada", e
> non empregar a palabra iniciar para cousas que queirar dicir comezar a
> facer algo.
>
>
>>>> *invertir > inverter
>>>>
>>> Cando non é investir.
>>>
>> non. iso é facer un investimento (ollo, e non ,cast., 'inversión'), de
>> investir.
>>
> Si. cando aparece o castelanismo invertir*, pode ter que corrixirse
> tanto a inverter como a investir, segundo o significado orixinario no
> inglés.
>
>
>>>> *voltar > volver
>>>>
>>> E voltar xa non se acepta??
>>>
>> non
>>
>
> Fagamos campaña a prol de voltar!
>
>
>>>>>> *filtraxe > filtrado
>>>>>>
>>>>> ou filtración?
>>>>>
>>> Eu penso que mellor usar sempre filtración.
>>>
>> home aquí igual Méixome nos pode ilustrar cos substantivos rematados en -axe,
>> pero penso que é un sufixo de uso --limitado-- no galego, a casos como
>> homenaxe, liñaxe, viaxe...
>>
>
> @MEIXOME: que dis?
> _______________________________________________
> G11n mailing list
> G11n en mancomun.org
> http://listas.mancomun.org/mailman/listinfo/g11n
>
>
A ver, a miña opinión
cache ? >
en inglés non leva acento, obviamente. Nese sentido é parecido ao
galicismo "elite", que é agudo orixinalmente. Os angliscismos adoitan
incorporarse como palabras graves, non sempre. É certo que en galego se
pronuncia <<caché>>. Non hai decisión normativa. Creo que debera acentuarse.
*axir >
é un lusismo. De agir "reaccionar, contestar"
inicialización >
é mellor que signifique "configurar/volver á posición inicial" e non
arrancar/arrincar/lanzar/executar...
inverter/investir >
creo que me perdín... pero está claro que o inglés invest =
investir; e invert = inverter, reverter
volver/voltar >
ir e logo volver... non voltar (que significa "dar a volta" coma ás
tortillas... hum!! son horas de xantar...)
*filtraxe>
a derivación natural como substantivo de filtrar é "filtración".
Secundariamente o adxectivo "filtrado" tamén pode ser usado como
substantivo. O de filtraxe, véxoo innecesario e incorrecto. Os
substantivo en -axe adoitan ser palabras antigas de orixe provenzal,
limitado a un certo número de palabras, si, pero hai gustos para todo
como a diferenciación que algúns fan entre "listado(acción ou efecto de
listas)/listaxe(lista)" mais só é castelanismo utilizar "listado" no
sentido de "relación" *o listado de asistentes/a lista de asistentes. Eu
non vexo diferenza entre lista e listaxe. Sabedes por certo que ademais
de traxe, paxe e garaxe ... tamén balaxe é masculino.
resumindo= filtración
:-)
Antón
--
Antón Gómez Méixome .:lingüista:. www.mancomun.org
Centro de Referencia e Servizos de Software Libre
Praza de Europa, nº 15A, 6ºC 15707 Santiago de Compostela (Galiza/ES)
Tel/ Fax: (0034) 981 957 867 // 881 999 113 <meixome @ mancomun.org>
------------ próxima parte ------------
Borrouse unha mensaxe que non está en formato texto plano...
Nome : meixome.vcf
Tipo : text/x-vcard
Tamaño : 855 bytes
Descrición: non dispoñible
Url :
http://listas.mancomun.org/pipermail/g11n/attachments/20090109/f41fdf27/attachment.vcf
