Heritage mhollear Itihasachem sokaratmok poddbimb
- Prajal Sakhardande
Fontainhas kolechea ani daizachea utsavak suvornn divlechi ghoddemoddni sundor rongli. Sogllea lokank amche paromparik lok-kolechea daizachem ami jem thoim prodorxonn kelem tem tor khubuch manvolem. Ami Goa Heritage Action Group halinch Kola Akademichea zodd palvan Goa Lok-Kolecho Utsov 2005 ghoddovn haddillo. Hea Lok-kola utsovant ami Sottori, Fondem, Kepem, Kannkonn hangache paromparik lok-kolechem dorxonn amchea Ponnjekarank ghoddoilem. Amche prachin lok-kolechem dorxonn amchea vidheartheank ghoddchem ho hetu monant dhorun ho Mahotsov ami kelo. Goa Lok-Kola Utsovant ami Sottori mahalant ddovli-manddi, ronmalem, dhalo,
fugddio he prokar dakhoile. Pra. Rajendra Kerkar ani Pra. Prabhakar Majik hannim tanchevixim mhahiti dili. Kepencho kunnbi nach sador kelo Amilbaichea kunnbi pongddan. Hantun zagor, talgoddi, tonniamell, chopoi, ponddoricho pava, gof he lok-koleche prokar Kanta Gavdde ani Mahendr Phalldesaichea pongddan sador kele.
Toxench Fontainhas Utsovak ami Mavxi-Sot-toricho Divili vo Somoi nach, Avolli Kankonnchea Velip bailancho khell, dhalo, fugddio sador keleo. Bharatia xattria songit, nach, gazhal, Konknni gitam, Nagaland nrutiu, Ravindranath Tagorache kolecher ek lecture oxe prokar sador kele.
Mhojem Heritage Groupakodden sodanch magnnem asa ki ami Mala Utsov hem nanv dovorchem. Fontainhas hem nanv Molleantle zhorivelean ailam.
Molleantli zhor hi nisorgik. Ti Purtugezani haddunk na. Fontainhas Utsovant soreache mand asche nhoi ho sodanch mhozo agro.
Amchea grupan Karanzallem-Sottorichem Brahnimmaia devull, Toiddem Sangechea Brahmonni Devlachem janot zanvchem mhunn Goem Rajia Purattov Khateakodden proitn keleat ani tantun amkam eis mellllam. Toxench TCP Vatthukumachea virodhant ami nialoient geleat. Ami toxi notis peparant dilea. Netravellichem Budbuddeanche Tolliechem Gopinath Devull moddchem nhoi mhunn amchea Heritage grupan khub iotn kele.
Jennam jennam Goenchea daizacher havoll aila tenna ami niailoient geleat. Ponnjechea eka tori rosteak Sardar Karnal Sing, Sudhatai Joshi hanchim navam dinvchi oxem mhojem sodanch magnnem.
Heritage mhonnche daiz. Panch ozar vorsancho Bharatia daizacho itihas mhojea rogtant nhinla. Goemchim devllam, igorjechi paromparik bandavoll toxich dovorchi mhunn amcho Heritage grup sodanch proitnant asta.
Ponnje Ttonkar axillea sombavelo xilalekh khorboddun kaddlo tenna mhaka kolllem ki to ek 1859 rosto bandillo mhunn ubarillo stambh tacho dhormakodden sombond na, tacho khoro itihas lokamukhar ievcho mhunn ami to porot ubo kelo.
Hanvem Goemcho Itihas hi durdorxonnacher malika toiar keli. Tantun hanvem Soptokotexvor devull, Terekhol killo, Tambddi Surla, Bhrammapuri, Madhav tirthacho itihas dakhoilo.
Pornnem Goem Mahavidhia moddchem nhoi mhunn ami proitn kelo. Hi imarot atam kitli sundor dista. Hanv mhojea itihasachea vidheartiam modhim sodanch Bharatia porompora, Goenchea paromparik daizavixim zagrutai korit astam. Hanv itihas ho vixoi xikoitam. To mhozo soglleant aviddicho vixoi. Inquisition-cheo vaitt gozali sangtam toxench Purtugezant Patto pul bandhlo henvui sangtam. Itihas zoso ghoddla tosoch sangtam. Purtugezanim dhormxoll kelo, devlam moddli, tanchea zagear church bandlea henvui titlech potttiddkin sangtam.
Amchea Heritage utsovanim ami Goemchi paromparik khannam jevnnam, craft hanchem dorxonn ghoddoillem asa. Hanvem Goemchea itihasacher ani daizacher ek CD toiar kelea. Amchea Heritage grupan sodanch lok-kolecher chodd bhor dilea. Hannkhonnem-Pednechea dhongor zomaticho ponddoricho
pava (chopoi) ho nrutiv prokar ami Ponnje sador kelo. Goemchea khanchi-konxantlea paromparik daizachem zoton korpacho ami sodanch iotn kela. Hea sogllea lok-kolechea pongddak ami mandhan dilam. Daiz tigun urcho ho amcho hetu.
Hea soglleant amcho dexdroha khoim ailo? Goa Heritage Action Group murdabad oso sur Dexpremi Nagrik Somitin kaddlo, aikun khub vaitt dislem. Parmall navanchem magazine ami kaddtanv. Tantun ami vegveggllea itihasacher-daizacher lekh boroitat. Heritage mhonnje fokot Purtugez oxem ami kennanch somzunk na. 2000 hea vorsa Goa Heritage Action Groupachi sthapona Hema Ponddit hinnem keli.
Pra. Subhash Velingkar sir-avixim mhaka khub ador asa. Hanv tacho khub ador kortam. Tanche itihasavele lekh
hanv mhojea vidhearteank dakhoitam.
Goa Heritage Action Group ho dexdrohi asa, Purtugez premi asa ho tacho amche vixincho goirsomoz pois korpak Velingkar sir-ak mellpak Heta Ponddit, hanv ani Anju tanchea ghora gellim. Fontainhas Utsovache poilim. Punn te teavellar ghora naxille. Tanchi bhett zali na. Ani he goirsomoz vaddot astat. Dexpremi Nagrik somitin TCP votthukumachea virodhant morcha kaddlo tor Goenchem chodd borem zavpachem. Ami proitn korpachi goroz asa. Heritage mhonnlear porompora, heritage mhonnlear itihasachem sokaratmok poddbimb. Tantun amcheo porompora, lok-kola, igorzo, devlam, moxidi, paromparik bhes, amchi maimbhas, paromparik khannam-jevnnam, amche fuddari sogllem ailem. Goa Heritage Action Group hench daiz vanchovpache iotn korit asa. Mhaka Purutugezancho obhiman na. Kennach ascho na. Mhojea rogtantlo ek ek themb Bharatia
asa.
Prajal Sakhardande,
Itihas Vibhag, Dhempe College,
Goa Heritage Action Group,
Ponnji-Goem.
(Goencho Ulo - hanchea upkarant)
---- Forwarded by www.goa-world.com
This first of its kind Gulf-Goans e-newsletter archived at www.yahoogroups.com/group/gulf-goans is dedicated to Goans around the Globe and is moderated/edited by Gaspar Almeida (since 1994) and presented by Ulysses Menezes, owner of http://www.goa-world.com website.
GOENCHO ULO - New Konkani Fortnightly in Romi script
- First issue hit the stand on 24-Nov-2005.
To know more about it, contact : AMCHI BHAS PROKAXON c/o Diamond Publications, Rua de Natal, Fontainhas, Panaji-Goa. 403 001 India.
Ph. 9226287330, 9822982676 [EMAIL PROTECTED] or [EMAIL PROTECTED]
EXPRESSIONS - The Flower Shop (Goa) www.goa-world.com/expressions/
THE GOAN FORUM www.colaco.com
SUPERGOA www.supergoa.com
Yahoo! Shopping
Find Great Deals on Holiday Gifts at Yahoo! Shopping
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: gulf-goans@yahoogroups.com
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
YAHOO! GROUPS LINKS
- Visit your group "gulf-goans" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
