Megapolitan Sampurasun Ka para wargi sadayana, hapunten anu kasuhun, nembe ayeuna deui sim kuring nyobian deui ngiringan ieu milis. Namung sateuacanna hapunten anu ka suhun bilih bae aya lepat dina undak unduk bahasana. Sim kuring ge bade nepangkeun deui, sok bilih disangki "penyelundup ti wetan". Da eta wasta sim kuring ngaharib ka nami ti wetan. Saur pun bapa kapungkur pisan, sim kuring dinamian sapertos urang wetan supados "majeng sakolana". Da waktos harita mah nu katingal sok "marajeng" teh cenah mah urang "wetan". Zaman tahun 50an 60-an oge, guru sareng kapala sakola di SMP / SMA di BAndung katingalna seuseueurna sanes US. Alhamdulillah eta oge ku pangersaNA, panginten sanes ku ngaran, sim kuring tiasa namatkan sakola di paguron anu harita mah rada langki tiasa lebet. Namung teu kamana mana ti kawit sakola dugi ka di damel di Bandung bae matuh. Kurung batok panginten disebatna.Sim kuring oge neda dihapunten pami dina seratan sim kuring sering pisan ngabanding banding. Namung hartosna sanes badi ngejejeleh nu awon, pami tea mah aya nu awon. Pamendak sim kuring ku ngabandingkeun, ngotektak kaawonan sorangan sareng milari kaalusan batur, urang tiasa ngeunteung sareng mulungan nu saena, nu awonna mah atuh dipiceun.Namung sakali deui hapunten bilih bae "pendekatan" ieu kirang luyu dilarapkeunana Tebih keneh kana ribut ribut megapolitan sim kuring kantos nalungtik perkawis pangwangunan "perumahan & permukiman" (naon sundana nya?). Ti kawit eta sim kuring bet janten "rasis". Teu bade "ambek" kumaha atuh, kumargi anu katingal ampir sadayana pangwangunan perumahan di Jawa Barat, katingalna boh nu nagwangun boh nu ngalebetanana, boh ngaran perumahanana, boh simbol simbol perumahanana didominasi sanes ku US atanapi sanes bahasa US. Mangga emutan naha cocok atanapi sae ibukota Bekasi nu enggal namina Delta MAS? (asa teu atanapi kirang nyunda, tapi naha kedah nyunda kitu? tiasa janten ku seueurna migrasi, US tos heunteu dominan deui di Bekasi). Tapi cobi kapalih wetan, nya wetan we katingalina teh. Tiasa janten ieu teh refleksi "kakiatan budaya" wetan, misalna bae sadidinten nganggo bahasa daerah, dugi ka saha wae nu bubuara diditu pasti we kacandak bahasa satempat. Panginten ari migrasi ti luar mah sami bae seueurna. Namung 'kakiatan budaya" ieu tiasa janten pakuat kait sareng sajarah urang sadaya.Di wewengkon Bandung kaler ampir sadayana rerencangan nu sanes US teu tiasa nyarios basa US, saurna da tara "pendak" sareng US. Kita deui cenah di padamelanana carang atanapi teu pernah "bekerjasama sareng US"! Atuh US na ge kumargi ngaraos kedah "ngahormat" batur otomatis bahasa US teh tara dianggo. Pangemut sim kuring salah sawios "kelemahan" US nus anes teh nyaeta gampil pisan ngical tanah. Eta ge teu ngalepatkeun kumargi tiasa janten "untung" ditingali ti individu ka individu mah, tiasa ka mekah atanapi meser tanah di tempat nu sanes nu langkung lega. Tapi kumargi kitu US beuki lami beuki kasered ka sisi, samentawis pangwangunan ge nyered ka sisi, janten US bade kamana? Pami ditingal tina statistik mah US di perkotaan Jabar teh masih keneh dominan ditingali dina jumlahna mah, tapi teu katingali di "ruang publik". Ieu teh teu saperti di wetan atanapi di Bukitinggi misalna bae. Katingalna boh di pasar boh di toko boh di hotel, nya urang dinya we katingalna teh. Cobi urang ayeuna talungtik Cibaduyut, pasar baru, dugi ka pasar enggal nu rada sikluk! Ku emutan proses urbanisasi, nyaeta hartosna desa janten kota, sapertos kajantenan di Bekasi, Tangerang, Karawang sareng sajabina, ngagaduhan potensi ageung "ngagusur" US, tapi tiasa janten nu digusur mah ngaraos bagja kumargi kenging parurugel nu tiasa janten teu matak rugel, kita ge pami nu digusur gaduh tanah. Nu henteu mah panginten langkung balangsak. Kumaha patani US di Jabar naha seueur keneh nu gaduh tanah atanapi henteu? Asa aneh pisan mendak US ngontrak bumi atanapi nyiruruk di sanes US padahal di tempat nu disebat tatar Sunda! Saha nu lepat pami engke urang teu gaduh deui lembur nu disebat tatar sunda, kumargi kadeseh nganggo proses nu teu "menyalahi" hukum, nyaeta ical galeuh (mekanisme pasar saur gayana mah) kalayan papada suka sareng rido. Mangga tingali di SUmbar nu nganggo hukum adat. Teu gampil meser atanapi ngical tanah di bumi SUMBAR! Komo ayeuna mah asa sering pisan pamingpin atanapi nu masihan izin pangwangunan di tatar sunda nganggo alesan "karena aspirasi masyarakat setempat", mereka ingin menjual tanahnya! Pangwangunan Megapolitan tiasa janten mangrupi atanapi sami sareng proses urbanisasi. Tiasa janten dina nyangkut ical galeuh tanah dalam jumlah yang sangat luas teh teu aya unsur paksaan, nu kitu mah tiasa di atur atur, namung dampakna kanggo komunitas US tiasa janten ageung pisan. Emutan deui, saur beja seueur tanah perkebunan di Jawa Barat seep hak guna usahana teu lami deui. Bade kusaha sareng bade dikasahakeun? Tangtos ieu oge moal "melanggar" aturan yang berlaku! Tiasa janten "daya tarik" tatar sunda jadi malik awon ka komunitas US na mah. Naha kumaha nya pamendak nu masihan izin sareng nu "ngawasa" wilayah di tatar Sunda? Saleresna aya pendekatan pengwangunan nu teu kedah nganggo ical galeuh. Namung prosesna sesah, lami, sareng tiasa janten seueur anggota masyarakat nu milih ical galeuh, margi langsung "manfaat" na katampi dina waktos nu relatif singkat. Ketah proses nu sesah tea mah katingalna meryogikeun saling percaya dan bisa dipercaya, saling mau berbagi, jujur sareng sajabina. Oge dina pendekatan ieu mah rupina moal aya komisi! Sim kuring mah gaduh emutan ngawangun kota mah tos bae tong di tatar Sunda, mangga bae di Sumbar atanapi di Sumut! Tatar sunda mah katingalna sawios bae tetap dijagi janten "padesaan", tapi anu majeng!!
Janten kedah kumah atuh nya? Naha "wilayah etnis" kapayun mah teu kedah aya? Suparti T ----- Original Message ----- From: "Maman Gantra" <[EMAIL PROTECTED]> To: <urangsunda@yahoogroups.com>; <kisunda@yahoogroups.com>; <Baraya_Sunda@yahoogroups.com>; <[EMAIL PROTECTED]>; <[EMAIL PROTECTED]> Sent: Thursday, February 09, 2006 10:48 AM Subject: [kisunda] Jakarta Megapolitan > Jakarta Megapolitan > > Geus rada lila sabenerna hayang ngacapruk perkara ieu teh. Ngan, can > kaburu bae. Pakepuk ku pagawean. Sanajan geus diniatkeun ge,yen kudu > nyieun tulisan saeutikna tilu siki samingguna, prakna mah nyakitu tea: > Siga Congeang jeung Seatle. Jauh pisan. > Ieu ge maksakeun pisan. Wuwuhan asa penting keur urang sarerea, urang > Sunda nu ngarasa (jeung memang enya) kadeseh ku seler lian. Ku pikiran, > euweuh konsep megapolitan bae urang teh geus kieu. Komo, mun aya > megapolitan? > Enya. Pan konsep Ibukota Megapolitan teh ngawengku Tangerang, Bogor, > Cianjur, jeung Bekasi. Hartina, ngawengku oge Tatar Sunda. >> PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/