bubuka. karajaan sunda (saterusna urang sebut sunda wé) ngadeg sanggeus karajaan tarumanagara bangkrut di taun 669 m. pas jaya-jayana, lemah (hartina beda jeung kecap dina judul) kakawasaan sunda ti ujung kulon tug nepi ka wahangan cipamali. mun ayeuna mah ngawengku tilu kapropinsian: banten, jawa barat jeung jakarta.
tah, saperti umumna di tempat séjén, jelema nu nyicingan karajaan sunda disebut bangsa atawa wangsa atawa urang sunda, sarua jeung aran karajaanna (atawa nagarana). kumaha wé urang malayu, urang bugis, urang siam, urang china jrrd. kétang loba ogé wangsa nu aranna béda jeung aran karajaan atawa nagarana. nu paling jenius, teu aya deui iwal ti urang jawa. ngan peun ah, ngeunaan jeniusna urang jawa mah moal dibéjérkeun di dieu. ayeuna mah urang pokuskeun wé ka urang sunda. :D kiwari anggap wé urang sunda téh masih sampurna. masih kénéh sarua jeung mangsa karajaan sunda di punclut kajayanna, ratusrébuan taun ka tukang (hahaha). jadi urang jakarta jeung urang banten masih kénéh bisa disebut urang sunda. sabab kuring rék mapanas urang sunda ngaliwatan pangalaman hirup di batawi jeung sabudeureunna :p cek bps (badan pusat statistik), di indonesia, nu jadi dunungan urang sunda kiwari, penduduk umur 15-44 taun nu geus melék aksara 98%, jadi ngan tinggal 2% nu masih teu apal kana aksara. di jawa barat, jakarta jeung banten leuwih pikagumbiraeun, nu melék geus leuwih ti 99%. dumasar kana angka di luhur, cekéng mah, sakuduna bakal hésé manggihan urang sunda kiwari, nu umur 15-44 taun, nu teu bisa maca tanda. ngan kanyataanna geuning sabalikna. gampang pisan. kuring teu langka nyeuleu mobil eureun persis di handapeun tanda s jeung p corét. atawa kumaha sundelna leumpang di trotoar, meus-meus dikelaksonan ti tukang ku anu numpak motor. atawa, geus teu anéh deui ningali runtah nu balatak persis handapeun carangkana. atawa, masih réa panumpang krl (karéta rél listerik) nu kaluar ti handapeun plang "asup". atawa, ah enggeus ah, mun kudu ditataan hiji-hiji mah palias kuring teu bisa balik géh :( padahal, urang sunda bihari mah jigana resep niténan tanda. buktina kecap nu saharti jeung tanda teu kurang ti lima siki: ciri, simbul, tangara, tenger, calecer, patok, jlld. jadi kunaon atuh, urang sunda téh? ceuleupeung? poho ka kolot? uaduq!
