Assalamualaikum, ww. Dunsanak nan ado dipalanta, ado carito manganai "Baruak nan Sntiang Sakali mamanjek Karambia nan manjadi hadiah urang Piaman untuk Dokter Suhadi urang Jawa nan lah lamo ba dinas di Pariaman"
Kajadianko sakitar tahun 70-an Dokter Suhadi sabalun pindah ka Piaman inyo badinas partamo kali di Sumatera Barat adolah di RSUP Pikumbuah dan mambukak praktek di daket Stasiun Kerata Api di Koto nan Ampek. Pado suatu hari, datang seorang pasien nak ingin barubek. Pasienko babendi dari Goduk indak bara jauh dari Batang Tabik ka arah Lintau. Panyakik urang Goduk ko batuak kariang, takuhua-kuhua sahinggo marasokan dado raso karangkah. Pak !, pak !, paak !, dado den raso karongkah !, keceknyo ka Dokter Suhadi dengan suaro agak kareh. Ulangi lagi dengan bahasa halus ! Pak !, pak ! dado den raso karongkah ! dengan mengurangi volume suaronyo, sarupo nada urang Simalanggang mangecek, supayo halus tadanga dek dokter Suhadi. Ulangi sekali lagi !, kecek dokter Suhadi ka urang Goduk tadi sakali lai. Pak ! dado den raso karongkah ! dengan membisikkan katalingo dokter Suhadi, supayo di danga dek dokter Suhadi dengan bahasa lebih halus lagi !, sasuai nan dimintak dokter ko. Dokter Suhadi tambah bingung dan indak mangarati, karano indak tahu bahaso Minang. Makasuik dokter Suhadi untuak maulangi jo bahaso halus, supayo urang Goduk ko, kok ka lai babahaso Indonesia, sabab kalau di Jawa bahaso itu ado bertingkek-tingkek, salah satu bahaso Indonesia adalah bahaso tamasuak tingkek nan haluih dek urang Jawa. Untuang sajo dokter dalam bakarajo paraktek ko di bantu oleh surang padusi nan manjalehan jo bahasa Indonesia. Pak dokter !, bapak ini sakitnya, sakit batuk kering dan merasakan dadanya rasa akan pecah apabila batuk, dokter ! Oh, gitu tok !, buang airnya bagaimana ? tanya dokter Suhadi ka urang Goduk tu baliak. Kodok !, kodok !, dokter !, jawab urang Goduk ko. Dokter Suhadi bingung, karena didalam ilmu pengetahuaanyo indak ado urang nan babuang air kodok atau koncek, doh ! ha.. haa. haaa !! Itu pangalaman dokter Suhadi nan mambukak praktek di pasa Pikumbuah ! Dokter Suhadi badinas di Pikumbuh ko labih kurang 2 tahun, kamudian pindah ka Piaman manjadi Kapalo Puskesmas di Piaman. Di Piaman ko dokter Suhadi labiah lamo badineh, sahinggo lah pandai lo nyo babahaso Minang, salain tu dokter Suhadi ko urang bamasyarakat, kalau indak ado pitih kabarubek indak baa gai doh baitu bana bamasyarakainyo dokter Suhadi ko di Piaman. Diakhia dinas pak dokter Suhadi ko di Piaman dimano inyo akan pindah atau pulang kanagarinyo tanah Jawa. Bamupakeklah urang Piaman untuk ka ma-agiah hadiah nan paling disukoi dek pak dokter Suhadi ko. Mako untuk itu, supayo hadiahko lai kadisukoi dek pak dokter ditanyokanlah ka pak dokter Suhadi ko, Aa hadiah, atau kenangan-kanangan nan akan kami agiah kan ka pak dokter ?, sahinggo pak dokter ingek taruih jo Piaman kampuang kamiko ! baitu tanyo salah satu pantia "Pisah Sambuik" Kapalo Puskemas di Piaman diwakatu tu. Baruak !, Baruak nan paling pintar mamanjek karambia, sarupo baruak Gindo Dirih nan santiang tu ah !, baitu kandak pak Dokter Suhadi. Karano ambo lai adolo baparak karambia di tanah Jawa !, abak ambo nan mangalolanyo mudah-mudahan bamanfaat dek abak ambo ko, sabab di Jawa !, urang nan mamanjek karambia, baitu kecek pak dokter melanjuikan pambicaraanyo. Mako dicarianlah baruak nan paliang santiang mamanjek. Dimalam hari pisah sambuik dokter Suhadi ko, disarahkanlah baruak gadang nan santiang mamanjek karambia ko ka dokter Suhadi. Pak dokter Suhadi sangat gembira dan baulang-ulang kali mangucapkan tarimo kasih. Tarimo kasih !, tarimo kasih ambo sampaian kapado dunsanak ambo !, nan lah ma-agiah-an hadiah baruak ko ka ambo mudah-mudahan akan manjadi contoh dan teladan bagi baruak-baruak di tanah Jawa !, baitu kecek dokter Suhadi. Alkisah, sampilah baruak gadang ko di tanah Jawa dan disarahkanlah baruak gadang ko ka abaknyo dokter Suhadi dengan manjalehkan gunonyo baruakko. Bapak !. ini beruak, adalah beruak yang paling pintar di Padang !, di Pariaman ! dalam memanjat dan memetik buah kelapa !, perintahkan saja kepadanya mau pilih buah yang besar, yang kecil atau yang muda !, baitu kecek dokter ko ka abaknyo. Ngge !, ngge !, keceknyo ka anaknyo nan baru pulang dari Piaman ko. Dibawonyolah baruak gadang ko dek abak dokter Suhadi ka kaparak karambianyo, dan dicuboannyo baruak tadi mamanjek. Dengan ligat baruak ko alah samapai sen diateh karambia, sadangkan abaknyo dokter Suhadiko alun manga-manga inyo alah tibo diateh karambia sambia manunggu pariantah atau aba-aba dari bawah ! Iya !, bagus kamu beruk !, sekarang ambil kelapa yang muda ! Baruak gadang ko bingung dengan aba-aba nan diagiahkan abak dokter Suhadi ko. Mangaranyiklah kaniang baruak gadangko. Uaik !, apo lo kecek ughang tu goah indak mangarati ambo baruak ko doh !, baitu pikiran baruak gadang ko kiro-kiro, sahinggo inyo manyerengeh dan mencibia supayo diulangi. Masak iya !, belum juga jatuh buahnya !, tapi kamu beruk yang pandai menjatuhkan buah kelapa ! Nan kene !, nan kono !, nan kene nan kono !, parintah abak dokter Suhadi ko kabaruak sambil menggoyang-goyang tali baruak ko. Baruak gadang ko makin binguang apo lo goah aratinyo nan kene nan kono ko !, sakali ko ambo baruak mandangaan aba-aba ko, sabab di Piaman indak ado ambo di-aja-an parintahko ! pikia baruak ko dalam hatinyo, sambia mangarinyiak-an kaniang dan mancibia kabawah ka abak dokter Suhadi. Tamanuang baruak ko !, Inyo cuboanlah dek baruak gadang ko bapikia, bahkan bapikia filsafat bagai. Apokoh yang dimakasuik nan kene ? mungkinkah nan kene ko, samo jo nan kenek !, nan kono ???, mungkinkah aratinyo nan gadang ??!, Baitulah baruak gadang bapikia filsafat ba ulang-ulang. Mako diambiknyolah kasimpulan manuruik logika akanyo baruak ko, bahwa nan kene dan nan kono adolah buah karambia nan ketek dan nan gadang ! dan kalau parintahko disabuik barulang-ulang ini berarti habihan turun dan luruik landehkan buah ko kasadonnyo kabawah, baitu kasimpulan filsafatnyo baruk ko. Nan kene nan kono !, nan kene nan kono !, tadanga parintah ko dari bawah ko baliak, sacaro baulang-ulang, tanpa pikir lagi, di luruik-annyo buah karambia ko kasadonyo tamasuk jo mumbang-mumbang karambia ko habih bapulun kabawah kasado sarupo kilek. Astaga !, Tapurangah abak dokter Suhadi ko dibueknyo, sabab alah licin buah karambia tu dek baruak gadang ko, lain nan di mukasuik lain nan dikarajoan baruakko !. Sampai dirumah dicaritokanlah oleh abak dokter ko anaknyo, pangalaman nan tajadi tadi. Kata kamu beruk tu pandai memilih kelapa nan diingini !, setelah saya cobakan seluruh buah kelapa itu habis landas diturunkannya ! Bagaimana caranya bapak memerintahkan !, tanyo dokter Suhadi ka abaknyo. Mula-mula aku bilang, ambil buah yang kecil atau muda !, beruk itu diam saja, sambil mengerinyitkan keningnya dan mencibir kepadaku. Sesudah itu aku perintahkan, nan kene ! nan kono !, nan kene nan kono !, teriakku berulangkali. Eh..!!. malah semuanya diturunkan !. Memang dasarnya beruk !, keterunan Yahudi ??! Maaf bapak !, aku lupa mengatakan sama bapak perintahnya harus dengan bahasa Minang !. Hee... heee. hhee. Itulah kisah baruak gadang nan alah pindah ka tanah Jawa indak mangarati apo nan lah diparintahkan dek induk semang barunyo tu !, sehinggo mangambil kesimpulan secaro berfilsafat nan badasarkan logika akanyo baruak sajo ! nan kene disamoannyo jo nan kenek, nan kono samo jo nan gadang, apobilo kato kato ko diucapkan berulang, ba arti samo kasado alahe nan ngenek, nan gadang, dan mumbangnyo juo talibaik harus habih rapun ! he.. hee . hee Banyak maaf !, hanyo intermezo indak paralu di patangkaan ! Wassalam, ww Z. Rky Mulie. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
