Ass,wr,wb. Ondeeee.. Uda Haji Zul Amry Piliang di taluak Jimbaran Bali ko ado-ado sajo garahnyo di ari akaik ko. Tagalak sengeang ambo mambaco garah minggu ko. Untuak nan alun tahu apo makna atau arati kato-kato nan jarang kito danga dek talingo kito utamonyo bagi kito nan talahie dan gadang dirantau, kato / istilah ko jarang kito danga seperti :
Pasisie = penompang Jibun = seorang nan suko bertingkah aneh dan sering nyeleneh Bagolak = zaman atau suatu masa yang tidak aman sasudah parang Tagok = tegap atau kekar Abuak = rambuik atau rambut Kurenah = kelakuan atau tingkah laku Tapuranjek = terperangah atau terkejut Andeang = ibu kau (istilah ini biaso dipakai bilo seseorang ingin memaki) sia lai nan ka mauleh .............. Wassalam, HM Dt.MB (48+) di Bumi Sriwijaya > > Sanak palanta nan dirahmati Allah : > > > > Sabananyo iko carito lamo , tapi dari ma kolah sumbernyo indak baitu jaleh > bana diambo lai doh maklum lah talalu lamo , tapi ambo pernah mambaconyo . > Nan manjadi lakon dalam carito ko adolah si Jibun jo si Kiah , nan papuler > bana samaso bagolak dulu dan marupokan carito basambuang dikoran Padang > nan ditunggu tunggu dek pambaco . Watak dari si Jibun ko iyo agak nyeleneh > dan acok mampakecek-an urang , baitu juo bakeh nan sorang lai yakni > induak bareh deh si Jibun si Kiah , iyo agak blo’on atau oon kecek rang > kini , hampie samolah sarupo si Bajuri jo si Oneng dalam carito Bajaj > Bajuri . Suatu kali si Jibun taragak nak pulang kampuang jo si Kiah , > mako dipasanlah tiket oto NPM jurusan Kiktinggi Mako dapeklah tampek > duduak No 5 dan nomer 6 . Kabatulan pulo dibangku sabalah muko duduak > pulo duo urang pasisie , kalau diliek sapinteh lalu , persis bana jo turis > nan disabuik bule dari lua nagari , badan gadang tagok salasai , abuak > panjang gondrong sampai kabahu . Dan indak > salah kalau si Jibun jo si Kiah manduga urang ko dari lua nagari bana . > Dek maliek tingkah jo kurenah urang nan duduak dimuko tu , talompek lah > kecek dek si Jibun ka si Kiah pakai bahaso awak pulo lai , mukasuiknyo > bia supayo urang nan dimuko lai indak kamangarati . , Apo kecek si > Jibun ka si Kiah "Ondee …urang nan duduak dimuko awakko ko iyo persis > bana bantuak baruak yo diek , ….onde iyo moh Da… jawek si Kiah . Indak > lamo antaronyo satalah mandanga kecek si Jibun mako tagaklah urang nan > duduak dibangku muko tu sambia mamagang kerah baju si Jibun , mako > tapuranjeklah si Jibun sambia bakato “ What happen sir ? kecek si Jibun > , mako dijaweklah dek situris tadi “ Happen Happen Andeang “ . Apo kecek > ang tadi ?? co ulang baliak , Ondeh mak ruponyo urang awak juo moh > kironyo , cuma lagaknyo sajo nan bantuak turih . Sagitu sae dulu sanak > palanta , ko lah banda urang pulo nan ambo bandakan sakadar parintang > rintang ati paramian palanta dihari perai ko . > > > > Zul amry piliang di taluak jimbaran bali _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
