Assalamualaikum,wr,wb. Ambo mandapek SMS nan samo tadi malam jam 19:24:35, syukurlah lai salamaik kamanakan Elthaf tu. Dengan baitu mako kito ralat email kito terdaulu nan mangirokan kamanakan Elthaf ko tamasuak nan maningga dalam rombongan reruntuhan pesawat Mandala di Padang Bulan Medan tu. Suatu mukjizat dari Tuhan.
Lai panjang umuanyo, semoga Vira kembali sembuh seperti sediakala dan dapek taruih menyelesaikan kuliahnyo. Kok buliah ambo bacarito sangenek, Polonia jo Padang Bulan tu adolah tampek nan indak bisa ambo lupokan sepanjang hiduik ambo, sabab hiduik ambo dari th. 1973 sampai 1984 ado disinan. Ambo tingga di dangau Pak Etek ambo nan Mayor AURI nan manjabat sebagai Kadis ROHIS KODAU V Sumatera & Kalimantan Barat nan berdomisili di Polonia Medan. Ambo STM di STM Instruktur Negeri Kampung Baru, satiok pagi malinteh di landasan pacu Airport dari Polonia ka Kampuang Baru tu. Sewaktu kuliah di tahun 1976, satiok hari pulo ambo malinteh dari Polonia ka jembatan Monginsidi nan terkenal dengan MONZA nyo (Monginsidi Plaza) babelok ka kida ka Jalan Jamin Ginting dan taruih babelok ka suok ka kampus kami USU Medan. Raso2 tabayang di mato ambo tampek dan kejadian tu. Untuanglah Pak Etek dan dunsanak ambo di Polonia tu indak ado nan kanai musibah tu sebab beliau sudah pensiun dan pindah ke Titi Kuning. Sekian tambahan info dari ambo. Wassalam, HM Dt.MB (48+) ----- Original Message ----- From: "Sjamsir Sjarif" <[EMAIL PROTECTED]> To: "Lapau" <palanta@minang.rantaunet.org> Cc: "Biaro" <[EMAIL PROTECTED]> Sent: Monday, September 05, 2005 8:34 PM Subject: [EMAIL PROTECTED] Vira Puspita selamat di Rumah Sakit > Alhamdulillahi Rabbilaalamiin, > > Makngah baru mandapek sms dari Elthaf di Medan (5:25:23 AM PST Wakatu > California, samo jo 7:25:23 PM WIB) barito baiak nan babunyi saroman di > bawah ko: > > 1. "Ambo udah di RS Gleneagles Medan, alhamdulillah ponakan ambo Vira > Puspita, selamat, sadar, luka kecil, sungguh mukjizat. Ambo lah basuo dan > tahu jo ambo.-- Elthaf" > > Wakatu MakNgah tanyo lai sadar? Makngah tarimo SMS nan ka- > > 2: "Sadar bana Makngah, ambo yang angkek pindah bed untuak X-Ray, inyo > yang maagiahkan no telp ka suster ka suster Adam Malik. K..[sms taputuih > hinggo ko]" (5:40:18 PM PST, 7:40:18PM WIB). > > Sungguh-sungguh kekuasaan Allah Subhanahuatahala nan salalu indak buliah > kito lupokan. Mudah-mudahan Via lakeh sehat kembali dan dapek kembali ke > tengah lingkuangan keluarga bersama. > > Samantaro barito baiak ko kito tarimo dari Elthaf, Kito nan Basamo, tidak > lupo dengan penderitaan sedih keluarga lain yang masih belum tahu nasibnya. > Kito doakan kesabaran keluarga dekat dan famili masing-masing dalam > menghadapi macam-macam musibah nan kini sadang marajolelo di Kampuang Halaman. > > Salam, > --MakNgah Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
